【生波小貼士】
要將個生波踢得又高又遠，除咗無數次練習。都有啲細微地方要注意。又分享下比大家🙌🏻
1️⃣「放波」不「拋波」
因為因拋波，每次用嘅力都唔同，高度都唔同。但落腳時嘅間係一樣咁多。會影響左踢中個波嘅機會。
2️⃣左手右腳踢，右手左腳踢
因為涉及到左右協調，而且要個波好力又夠勁，需要靠腰腿同時發力，「同手同腳」係用唔到轉腰嘅力量。只係用到大腿力量，同埋個角度唔靚，所以夠高而不遠。好似少林足球嘅「開波啦」嗰一幕，得個高字。
3️⃣踩實重心腳
因為重心腳踩唔實就會企唔穩，而重心腳支撐身體，令你可以發到力。但重心腳企唔穩，力量就會流失。可能用8成力，但踢出黎嘅距離同高度得番5，6成。如果一場踢好多球，就加加埋埋浪費唔少體力。
4️⃣鎖緊腳腕，放鬆髖關節
開生波其實等於窩利射個波出去，射波又點會唔鎖實腳腕🤔踏左重心腳，拉緊弓嘅時候，已經要鎖緊腳腕，直到踢球後嘅Follow Through 。而髖關節要放鬆，令到起腳加速度更快，而且令到髖關節擺動角度更大。自然唔使再額外加力啦。
5️⃣切勿用力過度
雖然你想踢個波又高又遠，但唔使將個波係殺父仇人係咁大大力。通常力量到左臨界點，撻Q嘅機會大大提升。基本上做足上面4點已經踢都一個幾唔錯嘅距離。力量越大就越難控制。
6️⃣勤加練習
因為準繩度、球感及熟練度等都係要透過練習提升。平時唔練，要到比賽先拎出黎用，穩定性一定係低。透過練習慢慢改善個動作，搵到踢嘅球感，穩定性先會高。而且動作嘅協調性會影響最後個結果。所以係要踢多啲，令到肌肉有記憶。作就自然流暢得多。
生波喺龍門技術中一個「易學難精」嘅項目，要踢個波走唔難，但要令到踢得又高又遠，就要集中喺個技巧上。
講就講左咁多啦，希望大家都有啲得著。如果都係踢得唔好，就過黎學啦🙏🏻因為某程度上文字嘅表達係有限。加上個個踢嘅方法唔同，要睇左先教到😂
#生波 #龍門球 #skills #technique #守門員 #守門員訓練班 #Goalkeeper #EiteSportHK
髖關節擺動 在 國小男童足球踢球動作技能分析 的推薦與評價
(二) 後擺期：從踢球腳尖離地到最大髖關節伸展角度至支撐腳後. 跟著地前瞬間止。 ... 此階段的動作從離地開始，踢球腳大腿會向後擺動，而膝關節. ... <看更多>