《抗疫低卡食譜！電飯煲芝士蘑菇飯～10分鐘準備好！》💪🏻
新型肺炎傳播速度好快，日日聽新聞都好驚😭聽完啲人打邊爐聚會都中招，搞到我都唔夠膽出街食飯😭
不過！試下正面啲諗！既然最近少咗出街食邪惡食物嘅誘惑，不如大家多啲喺屋企煮得健康啲，既可增強免疫力，又可以減返十幾廿磅！未來幾個月簡直係最好時機去減磅降三高😂
我都知道有好多「無飯煮婦」都開始入廚，其實煮低卡食譜可以好簡單又好味！等我分享一個零失敗嘅懶人電飯煲飯食譜俾大家，將所有材料放晒入電飯煲就得啦💪🏻 影晒步驟俾大家，就一定成功啦！
材料：
蘑菇300克
白米1杯
清雞湯 200毫升（約一碗）
急凍帶子 8隻
Parmesan Cheese 40克
黑椒/胡椒粉 半茶匙
做法：
1. 蘑菇抹乾淨，切片。（不要洗！會洗走蘑菇的香味！）
2. 白米洗淨。將白米、雞湯放入電飯鍋後，再加入蘑菇片，按下煲飯程式掣。
3. 帶子洗淨，抹乾，加入胡椒粉醃 10 分鐘。當飯煮到 8 成熟，打開電飯鍋蓋，將帶子放置在飯的上面，蓋上飯鍋蓋，繼續煮至電飯煲完成煲飯程式。待煲飯程式完成後，再焗 2-3 分鐘，至帶子熟透，加芝士和黑椒調味，攪拌，即可享用。
營養師Gloria小貼士：
最近大家都「足不出戶」，曬唔到太陽，好容易令身體缺乏維他命D，令免疫力下降。而蘑菇係一個好高維他命D嘅食物，食一碗已經可以滿足全日所需嘅維他命D! 而且味道香濃，大家不妨食多啲😋😋😋
中醫師何慧潔小貼士：
蘑菇味甘、性涼，有開胃理氣益神之功效；改善胃口、精神不振、容易疲勞等情況。脾胃虛弱者進食菇類後可能出現胃脹、胃氣多等消化不良症狀，不宜大量食用。
#gloria自己煮自己影咋 #相片質素將就下 #誠意搭救啦 #影咁多相都係想大家食得健康啲啫 #staypositive @ 註冊營養師Gloria - Nutri Life
