#飲飲食食最開心
講到買菜專買特價貨,我係好認真的,甚至我將佢當做每日一的放工必做減壓項目。到超市裡專挑每日的特價貨是一個很好的遊戲— 只能用有限的特價食材去煮飯,這樣比起無限budget去煮一餐飯,更考心思。
如果有150蚊港紙,你會買到啲乜?
答案就係圖中所有嘅嘢:兩片鱈魚、一包沙律、兩個西蘭花、一盒牛奶、兩塊西冷扒,仲有差唔多四磅重嘅火腿。
首先,鱈魚很好處理,一包兩塊魚肉,原價五鎊,特價後三鎊,即係三十蚊港紙。呢鋪真係神來之筆,剛好鮮奶也是做緊超級特價,係呀你無睇錯,係一蚊五毫港紙!如果唔買返屋企,就會被當垃圾拋棄,我倒不忍心見著這些好食材被扔掉,把心一橫,就用平價食材,做奢侈的菜— 鮮奶烚鱈魚!
眾所週知,鱈魚係一種好嫩身的魚肉,脂肪低而蛋白質高,煮久了好易變粗糙,一般來說,不是煎就是焗。但其實有方法好適合減肥中的朋友去煮鱈魚,就係用鮮奶去烚,保證低脂低卡路里,手殘都煮得到哦!
煮的方法很簡單,首先把奶煮熱,但又不能滾到起泡,溫度維持在80-90度之間,加香草、鹽、胡椒,就可以擺條魚落去(魚皮向上)烚8分鐘,記住控制火候,好似我呢啲良家婦女咁:無論幾慶烚烚,但點都唔會滾。(要呃人,先要呃自己嘛)
同一時間,將沙律洗乾淨再晾乾水,把一個檸檬榨汁,加一至兩匙蜜糖,加少連鹽和黑椒,再加意大利黑醋和克羅地亞的初榨橄欖油,就做好左一個酸甜清新的沙律醬,這個沙律用來配魚簡直一流!
8分鐘後,就可以把魚拿到碟上、去魚皮,然後我加了點黑椒、鹽之花、廚師仔做給我的檸檬橄欖油,還灑上在法國老佛爺買的食用乾花,不得不說,那真的是神來之筆,原來食用乾花和魚肉夾得不得了,還有那一陣花香,不論視覺、嗅覺和味覺都是一種享受。而用牛奶以中高溫煮出來的魚肉,更是幼滑如絲,不帶一點腥味,這一小桶牛奶倒沒有浪費了!
呢個主菜,每人一碟,除返開每人二十蚊港紙。做人唔駛乜都要買最貴,只要你用足心思,再腐朽也能變成神奇,你怎能想像這道菜,在一小時前,正在超市面臨「無人買就拎去堆填」的命運?
#減少浪費食材
#源頭減廢
#但我絕對唔係環保人士
#我只係唔鍾意浪費
#折墮呀
#20分鐘快煮旋風
#Bitches_got_talent
#炫窮到一個點
#好吧心水清的讀者應該會計到最貴係咩
#就係兩塊無特價合共七鎊的西冷扒
#呢啲未貼黃紙都會賣晒
#我買左個新鑊嘛
#當然要煎塊牛排慶祝啦
#其實個沙律醬係無業遊民教我的
#原版加了少許生蒜蓉
#好惹味架
#不過食完會口臭
#不要讓財富控制了你的想像力
好吧心水清的讀者應該會計到最貴係咩 在 Videoita aiheesta 会计证买个多少钱【办证微ADXC68】5lXRwD ... 的推薦與評價
佛佑比丘好财运,只好炒炒商品房”。 ◼️记者调查:房是寺庙资产落在住持名下◼️ 记者从网上查到,都江堰市是成都市下辖的一个县级市,下辖17个镇。而普照寺应该位于 ... ... <看更多>
好吧心水清的讀者應該會計到最貴係咩 在 2022富時中國a50指數etf-網路上旅遊資訊分享,精選在Dcard ... 的推薦與評價
因此,你要建立一個平衡的投資組合,當中有不同的類別、不同的行業,這是最好的 ... 若以佢除淨前$19.36計,除淨後每股就應該係$19.36 X 3000 / (3000+900) = $14.89 ... <看更多>