【#投保達人育成記 玩機動遊戲又有乜好怕喎！】
近日香港嘅主題樂園開始重新開放，大家又再有機會玩機動遊戲挑戰膽量！當然，唔係個個都可以好似呢幾位仁兄咁「處變不驚」，有冇曾經幻想過玩玩吓會有意外發生？
主題樂園一般都會購買「第三者責任保險」，如果遊客喺樂園裏面意外受傷，可以向樂園提出民事索償，假如樂園需為該意外承擔法律責任，相關保險公司就會處理賠償事宜。
不過要留意返，如果遊客係因為冇跟足樂園嘅安全指引而受傷，咁園方就有機會豁免責任，保險公司就未必會賠喇！仲有，因為處理第三者責任保險嘅索償，一般會牽涉法律程序，需時較長，如果要接受治療而自己有意外或醫療保險保障，可以考慮先用自己份保險支付醫療費用，減輕即時財政負擔。
#去玩去癲 #去之前同我睇咗呢個post佢 #蓋世保鑑Insurpedia
