Search
#投保達人育成記【調查你Broker】
四姨婆︰「你而家幾錢人工呀？」
表姑媽︰「做你呢行，應該好好搵啦！」
三舅公︰「係囉，即係一個月搵幾多啫？」
好多親戚唔止鍾意調教你，仲鍾意調查你！人工呢家嘢，大部分人都知唔應該立亂問；不過，如果對方係代表你嘅保險經紀，你就有權問喇！
保險經紀代表嘅係投保人，如果佢哋會响保險公司度收取報酬，佢哋係必須將呢樣嘢話畀投保人知，投保人亦有權詢問經紀公司收幾多佣金㗎。
#下次再有親戚問你人工 #不要說夠使啦 #試着說我義工嚟㗎 #蓋世保鑑Insurpedia
#投保達人育成記【It’s a Mis-match?】
顏值高、身型高、年薪高，兼熱愛運動，鍾意小動物？咁完美嘅筍盤，等我嗱嗱淋match咗佢先！
喂，profile嘅野，你唔係信十足呀？用呢種心態交友，mis-match嘅係你嘅感情；如果用埋呢種心態去買保險，mis-match嘅就可能係你嚟緊幾十年嘅保障﹗
市面上保險計劃嘅宣傳品好多時都會標榜吸引你眼球嘅條款，但嗰啲資訊並唔係完整嘅保單條款，當兩者出現分歧亦會以保單上嘅條款為準。所以投保唔好淨係睇宣傳物品，當保險公司出份正式保單畀你嗰陣，記得仔細睇清楚啲條款內容，例如不保事項、自付額、保障項目限制等，有唔明就即刻問清楚保險公司，先至好做決定呀！
#聽講用運動或者動物相做propic成功率會高啲 #好似係 #但有圖都未必有真相 #無論投保抑或交友 #都係睇清楚個內涵先 #蓋世保鑑Insurpedia
#投保達人育成記【同朕check下！】
崇禎：「新冠肺炎疫情持續多時，朕眼見唔少百姓都已經接種疫苗，眾卿家可否同朕check下，保險業界對接種疫苗有何良策？」
Check嘢唔使下下都搵眾卿家嘅，上網咪得囉！香港保險業聯會嘅「全城抗疫 – 保險顯微鏡」就有接種疫苗保障嘅專頁，話俾大家聽唔少保險公司都有為合資格嘅客戶或已登記人士，就接種新冠疫苗而產生嘅不良反應提供免費保障。
不過要留意，唔同保險公司嘅保障條款同限制都有分別，例如受保障嘅疫苗、申請人資格、登記期限或名額等，保障期限亦分別由6月至12月不等；部分保險公司設有年齡限制，只限18-65歲人士登記有關保障。
有唔明，就最好問清楚保險公司或者中介人喇！
「全城抗疫 – 保險顯微鏡」：https://bit.ly/2RZJ2XL
#疫苗副作用保障 #朕仲有咩要check #冇咩事臣告退 #蓋世保鑑Insurpedia
投保達人育成記 【It's a Mis-match?】 顏值高、身型高、年薪高，兼熱愛運動，鍾意小動物？咁完美嘅筍盤，等我嗱嗱淋match咗佢先！ 喂，profile嘅野，你唔係信十足呀？ ... <看更多>
投保達人育成記 【調查你Broker】 四姨婆︰「你而家幾錢人工呀？」 表姑媽︰「做你呢行，應該好好搵啦！」 三舅公︰「係囉，即係一個月搵幾多啫？ ... <看更多>
投保達人育成記 在 蓋世保鑑Insurpedia - 【#投保達人育成記細節決定成敗 ... 的推薦與評價
投保達人育成記 細節決定成敗】 足球明星同身為投保人嘅你，原來都有共通之處…… 一，大家間唔中都會諗吓係咪要轉會，希望有更好嘅選擇。 二，大家都會唔小心忽略 ... ... <看更多>