扭蛋劇場1014 常言道
A: 施主坐吖~
B: 唔該大師。
A: 咩道行呀？
B: 社會大學，副學士，未畢業，主修六道輪迴，副修紅塵色相。
A: 副修嘅紅塵色相，看破咗未？
B: 差一半。
A: 邊一半？
B: 紅塵看破咗，差色相。
A: 唔緊要嘅，我地慢慢嚟，你而家係想加入我地？
B: 係，因為我參吾到，繼續沉淪喺社會哩個苦海，我都應該搵唔到工，所以我想進入佛門清靜地，道別六界紛亂，一心歸於我佛。
A: 你係有資質嘅，接住落嚟，就睇你有冇慧根。
B: 嚟，利利是是~少少香油錢，少少佛意。
A: 理論上我地係唔收得嘅，不過念在施主你咁有誠意，同佛門亦都算有緣份。
B: 就當係……我忘懷凡塵嘅代價啦。
A: 好啦，我就代釋迦佢收咗先啦~啲錢我會存入天竺嗰邊個account~
A: 施主，有冇諗過，可以喺哩度做到啲咩呢？
B: 我希望有一日可以成為菩提禪修執行董事，短期內想成為地區苦海事務經理。
A: 想守邊區？
B: 邊區嘅輪迴率高啲呢？
A: 其實香港就度度都差唔多。
B: 其實我都唔追求咁多嘢，隨緣啦。我希望有架賓士揸下，出入廟宇去幫助眾生，都方便啲吖嘛。
A: 自動波定棍波呢？
B: 出家人都係求簡單，自動波啦。
A: 其實每日嘅事務好簡單，你每日返嚟會見到出面有班記者，你幫我敲經，超渡佢地走，等佢地順利投胎，你就可以下山架啦。
B: 哦，EASY啦。
A: 吖仲有，控制好自己嘅七情六慾，唔好動凡心。
B: 咁可唔可以結婚？
A: 結婚OK，唔好鐘意嗰個人就得。
B: 咁Shopping呢？
A: 唔好用自己錢就可以。用佛門嘅經費啦。
#扭蛋劇場 #散蛋劇場
重溫：http://www.881903.com/Page/ZH-TW/latestaudio.aspx
菩提禪修 在 Bodhi Meditation Taiwan菩提禪修台灣 - Facebook 的推薦與評價
菩提 法門是金菩提宗師於西元1991年創立，實踐藥師佛十二大願的方便法門，機構的宗旨為從禪修入手，增強人體能量，啟發靈性，帶來身心靈的健康快樂。 ... <看更多>