<食勻 #尖沙咀>
[日本名古屋料理🇯🇵--#世界の山ちゃん(#世界之山哥)Sekai no Yamachan]
名古屋料理-世界之山哥在日本國內已開設74間舖，而海外第一間分店在2014年於尖沙咀金馬倫道開幕！
其招牌菜係 #夢幻雞翼！別小看這味雞翼，雖然雞翼較一般細小，但用左獨有的香料醃好先拎去炸，所以雞翼既外皮炸得好酥脆，而且更加有一陣陣的胡椒香，食落口好惹味，價錢係$48有5隻。
不過最有趣既地方係間野入面有份指南教你點食雞翼五部曲！雖然唔係好跟到黎做，但我起碼做到第一步就係將雞中翼同雞翼尖分開啦XD
#滑蛋鰻魚卷 係我另一個推介既食品👍🏻，平時食滑蛋鰻魚飯就食得多，但用上一舊大滑蛋包圍住舊鰻魚就第一次試！食落去，舊蛋真係好滑，有點濕唔會太乾身，而且蛋味又無搶鰻魚的味道，所以食落口真係一流😋
#鐵板炒拉麵 既賣相就不錯，開頭我以前係大阪燒餅黎，因為配料都好似，一樣有日式燒餅汁，又有鰹魚碎，差在個餅底變左做炒拉麵！鐵板上就夠哂惹味，但味道卻有少少鹹，而且拉麵有少少黏埋一齊，整體黎講可以一試既！😁
#三文魚刺身 係我例牌食日本野會叫，刺身溫度夠凍，再加白蘿蔔絲伴碟(我係會食埋ga)!水準亦都唔錯😀
其實個menu仲有好多好野食，而且環境佈置都幾舒服，店入面仲有一d紀念品可以買，連自家制漫畫書都有！我下次一定會再去食同試其他食品，好奇既你都一定去試下！😋😋😋
地址：尖沙咀金馬倫道57-59號金馬倫中心地庫
By: MR.TEA
#世界の山ちゃん
#世界之山哥
#夢幻雞翼 #滑蛋鰻魚卷 #鐵板炒拉麵 #三文魚刺身
