《你唔係覺得「量子紅外線」我會唔鞭你下話？》
偽科學斂財商人鞭極都仲有，今日點名鞭呢間「量子」「遠紅外線」「萬用毯」。
首先，如果大家有follow開我，都知道一個基本concept，就係見到「量子」兩隻字嘅產品，請assume偽科學until proven otherwise 。
另外今日加多個concept俾大家，如果見到有斂財商人話「紅外線」或「遠紅外線」能夠醫病，請assume偽科學until proven otherwise 。
間公司求其用幾隻深深地嘅字吹兩句就當講解了件產品嘅原理
「利用微電量子晶片原理, 改善細胞的ATP(三磷酸線甘) 值, 進而把肌肉內多餘的乳酸進行新陳代謝, 達到舒緩痛楚的作用。再加上遠紅外線與人體的分子產生共振，同時提供三種不同度溫度保暖之餘。」
首先，point form
1. 點樣利用「微電量子晶片」？咩係微電量子晶片？點樣改善細胞ATP值？
2. 改善細胞ATP值？你打算點樣影響個ATP值？咩叫ATP值？影響ATP值後點樣排出肌肉多餘嘅lactic acid？
3. 舒緩痛楚？痛有分幾多種呢間公司又識唔識？單單排走lactic acid點樣幫到改善痛楚？如果一條毛毯可以解決痛症，大概唔需要痛症科專科醫生去幫病人治療
4. 「與人體的分子產生共振」？到底想振乜嘢，點振法，振完點樣幫助改善病症？
5. 講到最後咪又係保暖，咁不如我去IKEA買張毯好過啦，又平又舒服
另外、官網又有寫
「Quantum Energy Bio-pad (量子晶片)利用無線電頻率〔射頻/RF〕協調人體生物電場，其效果可以達到任何方向或角度。只要將量子晶片靠近身體2.5厘米以內，它便會立即工作，調整我們體內電流，令我們身體達到和諧的狀態。瞬間便可使肌肉放鬆，促進血液微循環。設計特為其多功能而設，用戶可隨時放於任何有需要的地方，如：頭痛放於頭上，膝蓋痛放於膝蓋上，肚痛貼於肚上，欲幫助睡眠可放於床上等等。量子晶片用於醫學治療上已有75年歷史。晶片內含兩極天線，能刺激細胞增加ATP(三磷酸線腺甘)，是永久性發放共振頻率，能提升身體抵抗力，協助身體在睡眠中得到修復。」
成篇文都係吹水，已經唔知從邊方面開始打臉好，「量子晶片」75年前幾時出現過，亦幾時係為醫學治療所用？
開口埋口「量子」「量子」「量子」，到底佢知唔知量子係咩？
rf天線原理 在 rf天線原理 :: GMP醫療器材查詢 的推薦與評價
rf天線原理 | GMP醫療器材查詢 · rf天線原理 三重區中高齡作業員 優盛營收 瑞健股份有限公司面試 聯華生醫門市 氧氣流量表原理 鼎眾面試 生物可分解塑膠袋廠商 萊禮生醫 ... ... <看更多>