其實丫仁已經唔會知道世人放假日子！ ！因為小弟已經唔會放紅日亦都冇補假，所以咁啱撞正日本紅日山之日放假，走咗去同陽光玩遊戲，殺殺菌。
嚟咗東京咁耐真係第一次出去玩水，玩嘅唔係鹹水而係好甜好清涼勁清徹嘅溪水。朋友決定晒行程而小弟又係兩手fing fing出去匯合，玩嘅項目我都真係去到先知道！！勁surprise可以玩水玩足一日！ ！而且係有齊晒丫仁一直都好想玩又無人同我去嘅瀑布修行（たきぎょう）。
前一晚放工就即刻揸車衝入去群馬過一晚夜，第二日一早就出門口去換衫準備玩水！上晝我哋就玩激流（ラフティング）人流多到成條溪澗河流多人到好似要開夏祭咁，充滿男女老幼一家大細過夏休。水流雖然有少少急，出發班次又好密，所以經常都有塞船嘅畫面～就係塞船期間，領隊就會俾我哋落水/跳水感受下浸係冰涼清爽又清澈嘅淡水～丫仁真心覺得浸喺淡水度比海水舒服好多，亦都唔會有一種身體充滿鹽分嗰種感覺！！成個今日活動玩左近兩個小時，但身體嘅感覺就好似只係玩左15分鐘左右，要返去食lunch準備下晝嘅溪降（キャニオニング）
我地都係查完先知叫溪降，休息咗成個鐘之後我哋就出發行入深山去到一個叫做鼻毛瀑布附近嘅地方，開始一步一步滑落去山下面！領隊好好人，行到熱熱地就叫我哋浸落去溪水度到降溫以免中暑！滑落去嘅時候又叫我哋擺出唔同嘅姿勢幫我哋影相拍片，真係覺得好想成個夏天一直浸喺溪澗度唔出去～同行嘅團友除咗有來自東京，亦都有來自茨城縣同埋原住群馬縣嘅團友。最搞笑係一問到我哋住東京嘅時候，班小朋友就會覺得東京好chill好高級（汗顏）呢一刻我就真係感受到佢哋嘅純潔，淨化咗小弟嘅污穢心靈。
#群馬観光
#ラフティング
#raftingtrip
#cayoning
#キャニオニング初体験
#はなげの滝
raftingtrip 在 #raftingtrip - Explore | Facebook 的推薦與評價
explore #raftingtrip at Facebook. ... at getting out your comfort zone why not come join us for a wilderness rafting trip on the mighty Orange River. ... <看更多>