【付出真心】
越是自己親身經歷過，越會提高警惕和時刻提醒自己，我必須盡力去了解他、明白他、幫助他；而不是有意無意的敷衍他、離棄他、傷害他！
前天下午三時，91歲獨居的她，臉青唇白、憂心忡忡上來中心找我！
「阿肥姑娘，妳真係要幫吓我！我就嚟死喇！」
「發生乜嘢事？妳坐低慢慢講！我一定幫妳！」
我扶步行有點不穩的她在一個僻靜的角落坐下。
「我就係知道妳一定會幫我，所以我有乜事都會嚟搵妳！我啱啱先喺醫院出嚟，救護車送我返屋企，我一落車就嚟搵妳！」
「有乜事搵得我咁急？妳唔舒服唔好過嚟嘛！打俾我，我會上嚟探妳！妳乜嘢事入院？住咗幾耐？」
「我等唔到喇！醫生話我有癌症！就嚟死！！！我周身骨痛，上星期入院，住咗一星期.....」
說著說著，從手袋裡拿出一大叠醫院文件，當中有中有英，有A3有A4，我見她，眼眶濕了！
「唔駛緊張！慢慢嚟！俾我睇吓！」
十幾張紙，包含出院撮要，另有四封轉介信，分別給四個不同專科部門：內科、骨科、婦科、外科；總結：驗血結果顯示體內有機會有癌細胞，X光片顯示某些部位有陰影，所以要婆婆自行到私家醫院或化驗中心花大約$10,000做一個全身電子素描(PET-CT Scan Plain)；再由今年12月尾開始，分別到四個不同專科部門見醫生，至明年2月尾完成！
醫院算不錯，給她兩張共4版的A3紙，上面列有多間港九新界多間私家醫院和化驗中心的素描價錢，但字體是報紙的一半(Font 6左右)！
我，花了半個小時了解她的情況、再花半個小時進行專業諮詢，最後花半個小時安撫她的情緒和向她解釋我將替她安排的醫護計劃；她終破涕為笑，心安定了不少！
「妳食咗飯未？」
「未！我一落車就嚟搵妳！」
「仲未食飯？有冇見暈？我俾飯票妳去茶餐廳食？」
「唔駛喇！我返去沖個杯麵就可以！」(真係好學唔學，同我爭杯麵！唔怪之得杯麵加價，越嚟越貴！)
我給了她四張飯票和一包兩塊同事送給我的日本手信蘋果醬夾心餅，撕開包裝袋.....
「妳冇糖尿病㗎嘛？」
「冇！」
「咁食住，頂住肚先！」遂邊說邊把餅遞到她嘴邊.....
「阿肥姑娘，好多謝妳.....」她張口笑著咬了一口，再用右手接過.....
「唔駛客氣！有乜嘢事，隨時搵我！我一定陪住妳！」
★特別鳴謝：
義務顧問天使醫生
願意陪婆婆往檢查的教會姊妹
◆此文特別獻給：
背叛離棄和狠狠傷害肥媽的人(明愛醫院紓緩科)
https://m.facebook.com/story.php?story_fbid=727665504411810&id=225554364622929
pet scan價錢 在 正電子掃描副作用、pet ct費用在PTT/mobile01評價與討論 的推薦與評價
在pet ct價錢這個討論中，有超過5篇Ptt貼文，作者elovedream也提到作者: elovedream (乳酪) 看板: cat 標題: [交易] PET O2 氧氣機+氧氣室時間: Sun Feb 7 17:22:28 ... ... <看更多>