［又有新嘢上場］南方東英全球智能駕駛指數ETF，今日上場。3162，入場費800蚊左右，管理費1%（全年開支比率就1.5%）。留意有美股有A股有港股。詳情，當然睇返官網（https://bit.ly/3AzRQ7b）
TLDR：一隻ETF買齊 Tesla 寧德時代，上游下游，原材料 晶片 車廠都有。
1. 之前都同大家介紹過下 南方東英嘅主題ETF，例如7月嘅3174（中國醫療健康革新指數），同埋5月嘅3194（雲計算科技指數）。
2. 固然股價可升可跌（包生仔咩，邊位必贏嘅PM我），3194就跌，仲跑輸大市。不過3174就升好多，遠遠跑贏恒指。咁兩隻你買晒，都係贏錢兼跑贏恒指嘅。
3. 當中冇乜咩火箭科學嘢，就只係你見啲指數大型股（大科企，內銀，內險）唔係好得，反而有啲細啲嘅板塊走出嚟。但上次都講過，好多行業，唔好話你，唔好話我，根本你連行內嗰啲人都唔知邊間公司會跑出。間公司技術跑出亦不代表股價實升，雖然往往中嘅一隻就幾十倍幾百倍。況且你買晒嘅成本都高。所以買ETF係比較好多。
4. 當然另一原因係，3194有埋外國公司，自動幫你分散咗。（3174就只係港股）
5. 今次呢隻係3162，照舊，追蹤指數嘅主題ETF。今次嘅指數係Solactive全球智能駕駛指數，應該望文生義，易明過「中國醫療健康革新指數」．智能駕駛電動車呢啲大勢所趨就不用我多講了
6. 呢隻應該係香港第一隻smart driving嘅ETF，比較好嘅地方係，佢啲股票，成個產業鏈有晒。上游嘅原材料，到電池芯片，GPU MCU都有，去到零件，車廠都有。
7. 成份股有50隻，最大嘅係Tesla，第二係早前炒到甩碌嘅寧德時代（300750），第三係Texas Instrument 德州儀器（晶片嘛）。另外仲有UBER，蔚來（NIO），贛鋒鋰業（002460）等等
8. 個指數2020到而家升咗136%（當然過去表現不代表將來）
9. 另外，有美股，有A股，有港股，亦都係自動幫你分散到。咁當然入場費低呢啲就幾時都係呢類ETF嘅好處，入場費亦係800蚊左右。
instrument儀器 在 國家儀器National Instruments - YouTube 的推薦與評價
NI 國家儀器充分利用如工業級電腦與網際網路的現成技術，提供使用者定義的自動、測試，與量測軟/硬體解決方案。NI 國家儀器中文官網: http://ni.com/taiwan 產品技術 ... ... <看更多>