關於 hkfs小食 ，我們在網路上蒐集到這些相關的討論、資訊與評價

-
📍食在銅鑼灣 - 全新江戶風居酒屋🏮
—————————————————————
銅鑼灣新開「Nani 浪·居酒屋」，以江戶時代風格來構思餐廳裝潢，當中最注目嘅有吊燈花海走廊，櫻花樹、手繪京都街景壁畫等，恍如置身與日本的居酒屋，處處都係打卡位，充滿熱鬧又有氣氛嘅日式風情，好適合一大班人一齊飲酒食飯。
-
餐廳提供過百款美食，有各式刺身、壽司、燒烤物、天婦羅、丼飯、鍋物料理，等等等等，仲有豐富嘅酒類選項，梗有一款啱你心水。
-
小型活動
為營造熱鬧親切氣氛，每晚8點仲會有擊鼓祝酒活動，餐廳會為每位客人送上一杯清酒，場面更澎湃熱鬧，充滿日本風情呀！
-
壽司
☗ Nami卷 $𝟏𝟔𝟖
推介‼️ 餐廳招牌卷物，面層放上大量吞拿魚蓉、海膽、三文魚籽同魚子醬，餡料真係多到滿瀉，難怪個個都會點呢一款打卡😍😍口感層次豐富，店員仲叫我哋唔好浪費啲三文魚籽，大滿足呀！
－
自制火炙壽司
☗ 火炙蔥吞拿魚腩 $𝟏𝟐𝟖
推介‼️同樣係餐廳人氣之選，自家DIY手卷，配有即場炙燒拖羅蓉、蛋漿、白飯同紫菜，享受自製的樂趣😍😍，略嫌紫菜偏淋！
－
☗ 和牛舞茸卷 $𝟏𝟔𝟖
同樣係即場用火槍燒卷物，火炙後和牛肉味同油脂香突出，配埋天婦羅舞茸菇飯卷，創意又有口感！
－
佐酒小食
☗ 蟹肉飛魚子炸豆腐$𝟕𝟖
推介‼️面層同炸豆腐中間都有蟹肉，所以蟹肉香都幾出，配埋飛魚子同炸豆腐，創新又好食！
☗ 味淋雞泡魚干 $𝟕𝟖
呢款雞泡魚相對普通，正常發揮！
☗ 月見雞肉棒 $𝟓𝟖
推介！每次食居酒屋都一定會嗌嘅月見雞肉棒，肉棒中混入粒粒雞軟骨，點蛋汁同食，惹味又帶粒粒脆口之感！
☗ 燒芝士魚餅 $𝟓𝟖
推介‼️彈牙香口魚餅中有黏黏既芝士濃香
☗ 燒鮑魚$𝟕𝟖
有啲似平時既優質罐頭鮑魚，燒得幾入味而彈牙
☗ 燒豬腩肉 $𝟓𝟖
正常發揮，肥瘦均勻有肉汁
-
丼
☗ 燒日本和牛海膽丼$𝟏𝟗𝟖
和牛份量十足，薄切入口即溶，略嫌冇乜牛肉香；海膽都幾新鮮 creamy，一大班人嗌一個丼share食都唔錯！
-
☗ 原條鰻魚丼 $𝟏𝟗𝟖
大大條鰻魚蓋係白飯上，口味上燒汁香為主，魚質厚而嫩，小心有微微魚骨
-
清酒
安芸虎 土佐錦 純米吟釀 $𝟐𝟖𝟎
有輕輕既果香感，醇雅酒體中有淡雅而辛口。
-
甜品
☗ 菠蘿雪葩 $𝟕𝟖
半個原個菠蘿，滿滿清甜冰爽既差菠蘿雪葩。
-
✨整體黎講，小數有氣氛又有環境，而食物同清酒選擇都好廣泛，適合一大班人邊飲酒邊吃飯傾計～如果大家有機會坐櫻花樹下，仲可以打卡影相呀～～
-
👅味道: 7.6/10
🍽賣相: 7.8/10
🏰環境: 7.8/10
🙇🏻‍♂服務: 7.5/10
💎CP值: 7.5/10
⚖人均: $300-350
🔺服務費: ✅
🍽用餐時段：晚餐(星期六)
↩回頭值: 85%
———————————————————
📍 浪．居酒屋
銅鑼灣登龍街1-29號金朝陽中心2期Midtown1樓
🚇港鐵銅鑼灣站 B 出口, 步行約3分鐘
🕓星期一至四 11:00 - 15:00, 18:00 - 22:00; 星期五至日 11:00 - 22:00
📞23834038
-
🔎✨ #hkfs銅鑼灣 #hkfs居酒屋

-
📍食在銅鑼灣 – 玩轉悉尼樂園
———————————————————
第一次咁中意一間Cafe😍，大概係因為餐廳主題獨特而有趣味，山寨樂園搞鬼得黎又幾盞鬼，而且食物質素高、性價比亦高，加上多個懷舊打卡位，帶住部菲林相機去影相就最好不過啦～
-
☗ 迷你田園沙律🥗及餐湯🍅
本身以為沙律或者餐湯二揀一，但原來兩樣都有😱～沙律菜都幾新鮮，而湯係法式洋蔥湯，面頭仲有焗過嘅芝士法包，誠意十足，香甜又充滿芝士，好正！
-
☗ 龍蝦尾青醬意大利粉 💰208（👅: 7.8/10）
老老實實，呢份套餐$208真心正！大大件龍蝦肉，啖啖鮮香肉，仲有輕輕香烤味！意粉軟硬適中，配搭青醬味很不錯！
-
☗ 香草蜜糖芥末籽煎羊架💰198（👅: 7.3/10）
羊架嫩口，又煎得幾juicy，唔會好韌或overcook，係略嫌唔夠羊味，但整體性價比都高！
-
☗ 悉尼小食拼盤💰135（👅: 7.3/10）
有蝦多士 、一口芝士 、蜜糖雞翼同芝士雞柳，份量十足！比較中意蝦多士，啖啖蝦肉香、一口芝士入口即溶、蜜糖雞翼亦入味惹味！
-
☗ 悉尼阿法奇朵 ‘Sickly’ Affogato (Free)
套餐仲會送雲呢拿雪糕+濃濃抺茶醬！抹茶醬濃、帶回甘，配搭雪糕好夾，好香滑。

☗ 是日蛋糕 +💰25
朱古力蛋糕外表好似小山丘咁，內裡有軟心蛋糕，朱古力味香濃～

☗ 靜崗焙茶豆腐拿鐵 +💰15
☗ 京都宇治抹茶豆腐拿鐵 +💰15
抹茶/焙茶味偏清淡，唔算特別濃，有機會係要平衡番豆腐幾豆香味，兩者都幾夾｜
-
✨整體黎講，性價比高，食物有水準，強烈推介龍蝦尾意粉，環境懷舊而舒適，誠意十足～
-
👅味道: 7.8/10
🍽賣相: 7.5/10
🏰環境: 7.4/10
🙇🏻‍♂服務: 7.4/10
💎CP值: 8.5/10
⚖人均: $200
🔺服務費: ✅
🍽用餐時段：午餐(星期六)
↩回頭值: 99%
———————————————————
📍 悉尼樂園
銅鑼灣邊寧頓街9-11號登龍閣2樓A室
🚇 港鐵銅鑼灣站 F1 出口, 步行約3分鐘
🕓星期一至日 12:00 - 22:00
📞98627303 (whatsapp)
-
🔎✨ #hkfs銅鑼灣 #hkfs西式

-
🚦 免費請你食「威靈頓牛柳」
———————————————————
⚠️牛魔王注意⚠️好高興今次可以同@theleahhk 一齊合作送出2份英國名菜—威靈頓牛柳(價值$988)寵粉絲😍😍‼️站站食就嚟接近50K啦，為咗答謝粉絲們對我地嘅支持，嚟緊會有一連串Giveaway，例如fine dining，甚至係staycation！大家記得密切留意喇！
-
🏆獎品：威靈頓牛柳價值$988（名額2個）
-
🕹Giveaway 參加方法：
1⃣ 追蹤 @hkfood_station @theleahhk
2⃣ 讚好此則帖文 + 讚好我地最近5個帖文
3⃣ 留言 想係The Leah食咩 + Tag 1位朋友 (留言次數不限) 🎁 愈多朋友Follow愈易中獎~
⚠️4️⃣ Bonus:
- X2倍中獎機率: Share依個Post去你story，再tag番我地2個IG
-
𝗧𝗵𝗲 𝗟𝗲𝗮𝗵係一間英式餐廳酒吧，位於銅鑼灣利園露天花園。餐廳以摩登英倫風為主，周圍栽種了唔少植物，綠化環境，晚餐用膳燈光昏黃浪漫，而且坐位分得夠開，空間感十足！
-
1️⃣ 𝗦𝗰𝗼𝘁𝗰𝗵 𝗘𝗴𝗴 & 𝗦𝗼𝗹𝗱𝗶𝗲𝗿𝘀 💰98（👅: 7.8/10）
「蘇格蘭流心蛋」經典英國小食，溏心鴨蛋外面是金黃香脆的燕麥麵包碎粒，入面仲加入左香腸、鼠尾草、洋蔥及黑椒等配料一齊炸，口感香口酥脆，打卡一流。而英國人的標準食法是會將多士插入鴨蛋內，沾上蛋汁來吃，令香口多士多了一份蛋香。整體覺得炸蛋同多士份量都幾足，係略嫌外層皮可以再濃味一黠！
-
2️⃣ 𝗦𝗰𝗮𝗹𝗹𝗼𝗽 & 𝗕𝗹𝗮𝗰𝗸 𝗣𝘂𝗱𝗱𝗶𝗻𝗴 💰268（👅: 7.5/10）
「香煎帶子·黑血腸·韮蔥」煎至外層甘香而內層嫩滑的帶子，鮮甜厚肉，再配上黑布丁同埋韮蔥，香口而清新
-
3️⃣ 𝗖𝗵𝗶𝗰𝗸𝗲𝗻 𝗣𝗶𝗲 💰158（👅: 7.7/10）
Pie是英國菜中重要的食物之一，幾款批下最後揀左雞批！皮薄餡多，內裡有雞肶肉、煙肉、韮蔥等配料，批皮酥脆，內帶鹹香味，襯熱食一流！
-
4️⃣ 𝗕𝗲𝗲𝗳 𝗪𝗲𝗹𝗹𝗶𝗻𝗴𝘁𝗼𝗻 💰988（👅: 8/10）
黎到主角威靈頓牛柳，記得需提前一日預訂！一份大約可厚切成四塊。金黃酥皮外層薄而香口，中間黑色由蘑菇做成的菌醬，黑松露香味濃郁，加上肉質粉嫩牛柳，整體口感軟腍香口，特別係倒上甜嘅紅酒汁做配撘，令肉香更提升
-
5️⃣ 𝗙𝗶𝘀𝗵 & 𝗖𝗵𝗶𝗽𝘀 💰198（👅: 8/10）
外脆內軟的炸魚及薯條，配搭豌豆蓉、自家製他他醬及香醋，亦係英國經典菜式！大大塊炸魚魚肉嫩滑，厚身而啖啖肉！粗薯條蘸他他醬食更惹味！
-
6️⃣ 𝗦𝘁𝗶𝗰𝗸𝘆 𝗧𝗼𝗳𝗳𝗲𝗲 𝗣𝘂𝗱𝗱𝗶𝗻𝗴 💰98（👅: 8/10）
拖肥香草醬配以棗子蛋糕，聽落好似好甜好膩，但真係幾好食！濃濃的拖肥醬配棗子蛋糕好夾，蛋糕濕潤鬆軟，倒上雲呢拿吉士可以中和甜度！
-
7️⃣𝗟𝗮𝗶𝗯𝗮 𝗦𝗼𝘂𝗿 💰108（👅: 8/10）
威士忌 | 檸檬 | 肉荳蔻和榛子浸漬咸焦糖 | 蘋果 | 苦藥類，飲落酸味突出，有輕微苦澀作後調，幾開胃酒🥃
-
8️⃣𝗣𝗮𝘀𝘀𝗶𝗼𝗻 𝗗𝗲-𝗹𝗶𝗴𝗵𝘁 💰108（👅: 8/10）
黃瓜伏特加| 檸檬 | 百香果，味道相對清新易入口！
-
✨整體黎講，一餐高質有情調的經典英國菜，會再回訪！
-
👅味道: 8/10
🍽賣相:7.8/10
🏰環境: 7.8/10
🙇🏻‍♂服務: 7.8/10
💎CP值: 7.5/10
⚖人均: $400-800
🔺服務費: ✅
🍽用餐時段：晚餐(星期四)
↩回頭值: 90%
———————————————————
📍 The Leah (銅鑼灣)
銅鑼灣恩平道28號利園二期3樓303-309及311號舖
🚇 港鐵銅鑼灣站F1出口，步行3分鐘
🕓星期一至日 11:00-17:30；18:00-22:00
📞65377651
-
🔎✨ #hkfs銅鑼灣 #hkfs英國菜