樂視就講都多餘, 講下融創(1918)走去同佢癲埋一份仲有趣
講埋隻樂視. 周身唔掂大家知, 擴張過度大家知, 燒錢太快又大家知. 班緊水大家都知.今次個重點我反而係留意 科水救佢既 融創(1918).
聽聞, 融創既孫宏斌, 同樂視賈躍亭係同鄉, 又聽聞山西幫好多千絲萬縷既關係. 唔知. 但大佬, 你玩還玩, 唔好要啲股東同你一齊癲啦!對, 再講白啲, 孫宏斌你想救同鄉, 自己比錢啦! 但而家唔係佢比, 係上市公司 融創比.任何人同你講 融創 同 樂視有協同效應既, 記住打巴佢. 睇下佢講既係 買豪宅送電視機, 定係睇波送融創廣告? 比少少常識啦大佬.
對, 雖則好多人 上市公司同 CEO 同 老闆都不分, 好多大陸民企都係咁, 咁但, 其實都仲有啲分別既
比你對比下, 敏華(1999)既老闆 黃敏利, 都有科水去救樂視. 點解? 因為佢同賈躍亭係長江商學院同學. 但, 你自己救同學, 就用自己既錢啦.
當然, 公司有好多賤招 將資產轉去 大股東/CEO身上, 呢度不一一細講. 但講到尾, 你迫啲股東同你一齊癲, 同你自己癲完搵方法呃番股東果份, 都仲有好大分別.
融創果 150億 夠唔夠 救樂視? 唔知, 應該唔多夠, 但班得一蚊得一蚊. 反正樂視好多業務冇上市, 你都估唔到 要幾多錢
但我幾肯定既係, 融創, 就好心 "顧掂自己先啦"
我見有報紙話有分析員(其實我朋友既同事, 費事開名) "150億元金額佔融創現金400億元的四成". 講到好似融創有400億 拎150億都OK. 但大佬, 你呢個 gross cash 黎的. 你估融創自己又唔係一身街數?
費事貼咁多悶圖, 你自己搵, 融創係就 400億現金, 但爭銀行都 620億, 都唔好計其他. net debt 220億. 股本就266億. net debt to equity 即係 82%. 高唔高? 你問佢梗話唔高, 但我理解就高過同業唔少 - 而呢堆野仲未計樂視呀下. 計埋就點都過100%.
得唔得? 冇話唔得, 恒大(3333)都係咁. 但恒大許生朋友多, 又有隊波可以招呼下朋友, 而且真係夠哂大, 又唔係同一回事啦.
gross net分別 在 <Revenue / Sales / Turnover / Income有分別嗎？> 話說新丁曾 ... 的推薦與評價
Bottom Line就用PROFIT (Net profit)，反正Income其實可能意指未減expense的Gross。 Non-operating income才用INCOME。 希望老闆不要再因為這幾個字 ... ... <看更多>