《2020年度回顧、感想與得著》
2020確實係非常特別嘅一年，又有邊一個會預計到疫情持續咗接近一年。今年已經到尾聲，但我哋依然深陷於第四波疫情之中。
加入久保團隊日子唔算長，但短短日子裡有唔少得著。作為一個遊走於象牙塔之間嘅人來講，今年確實有好多大不同。疫情之下，各行各業都受到唔同程度嘅影響，作為服務學生嘅大學其中一員，關心學生事務同佢哋未來嘅發展都屬於我工作嘅首位。
當career coaching或career advising早於十幾二十年前已經喺外國中學同大學之間盛行，到而家都不是什麼新鮮事，反觀香港，career coaching或者advising都只係近年先開始出現，生涯規劃呢個名詞都係近年先多少少人聽過，呢一兩年見證住大學當中career advising嘅微妙變化。
以往大學career center主要幫助學生嘅career services有career talk、比較general嘅CV writing workshops，mock interviews，舉辦career fair之類嘅大型活動之外，主要大學為學生提供嘅機會就只有internships，但當中到底有幾多提供嘅services係有效而幫到學生呢？好多時career center所提供比較general嘅workshops，都係one for all，當唔同學科嘅同學都上緊同一個workshop或者talk嘅時候，其實唔夠target specific，因為大家嘅志向未必相同, 而Career advising相對地罕見，所以以往嘅career services未必能夠好精準地協助到同學，好多時會見到迷惘嘅同學繼續迷茫。近年開始有聲音討論，希望學生喺學習學科知識嘅同時，都需要有更加全面嘅配套，以協助同學們畢業後能夠更加無縫接軌地進入職場，於是開始引入one-on-one嘅career advising或者consultancy。
從事學生事務嘅大家都係摸著石頭過河，要不斷進修、學習新嘅知識或者技能，以更加精準地為同學們提供career advising或者coaching。計劃往往趕不上變化，疫情衝擊之下，就業市場未來都應該比較嚴峻，畢業生面對嘅競爭會比以往幾年更加激烈，亦因此，呢一兩年，尤其今年，因為環境因素，大學投放喺career coaching及career matching的力度大大加劇。正因如此，大學對有經驗嘅career coach、recruiting advisors或者資深HR等求才若渴，以應付大量畢業同學需要職涯規劃及支援。
今年比較特別，比較少能夠面對面接觸學生，反而都係網上Zoom 做consultation，大家都需要努力適應呢個新常態，亦因為咁，需要更加努力裝備自己去提供更加貼身嘅協助俾同學們。觀察到以往更多同學會預約career advising嘅服務，其實心情比較複雜，欣慰係開始有更多同學認識career advising同可以體驗到佢嘅好處、但同時都慨嘆，因為時勢艱難，以前見嘅同學，部份眼神當中閃爍住希望同對未來嘅憧憬，但疫情之下，大家都滲透一陣陣低氣壓、對未來嘅迷惘、不安同擔心。
而細心聆聽、為每個同學作出度身訂造一般更貼合佢哋每個人未來發展嘅職涯規劃變得更加重要啦。喺給予同學advise嘅同時，自己都獲益唔少，每次都會提醒自己，先細心聆聽，再仔細分析或提醒同學要多留意規劃好自己嘅事業，而每次接到同學預約coaching，完成每一個coaching case，能夠幫到一個入來時好迷茫嘅同學揾到方向都有莫大嘅滿足感。機會係留俾有準備嘅人，正因為咁，即使做advising，都要保持一顆謙卑嘅心，因為我哋唔係用一個高姿態去 “指導”同學條路點行，而係一步一步陪住同學去探索、發掘同規劃。
正因不斷面向同學，所以更加永遠不能只安於現狀，要不斷裝備好自己，期待來年有能夠更加好去裝備自己嘅同時，都可以透過coaching嘅經驗同累積嘅知識去服務大家，一齊進一步提升。希望未來嘅日子，能夠見到career coaching係各大院校以及社會上更加盛行，好似外國咁普及，令更多人可以受惠。
#HR投稿
#careercoaching
#fillturegroup
#2020回顧
IG: Fulltimeheadhunter
advise名詞 在 【部落格分享】 容易混淆的動詞和名詞組合： 你知道advise 的推薦與評價
你知道advise / advice 的不同嗎？ 大家都知道英文中有些單字可以當動詞也可以當名詞用，例如：love, dance, respect …等等，不過 ... ... <看更多>