關於 97金融風暴中國幫香港 ，我們在網路上蒐集到這些相關的討論、資訊與評價

OH～多麼聳動的標題「中國版次貸風暴」😲
是否讓投資人們想起 2008 年的「#雷曼兄弟 惡夢」呢？

💡 先來說一下：#恆大集團 是做啥滴？
1. 中國規模最大的房地產開發商之一，1996年創立
2. 業務多元，跨足能源汽車、旅遊、體育、金融、養老

💡 這麼強大的企業，為何會走到如此悽慘的地步？
其實，中國有不少房產公司都沿襲香港「#預售屋制」：
企業向銀行 🏦 貸款 💰 買地 → 數月內開始賣樓 🏬、收回資金 💵💵→ 把這些錢 💵 去買更多土地
（然後就 💰 → 🏬 → 💵，不斷循環 ...）

🚫 恒大當時搭上政策「順風」＋高槓桿開爆 → 成了中國第一大房產商
玩這麼大，結果 #流動率 出現問題了（94 手上的現金不夠）
當然～也被中國監管單位盯上了 😱

這件事除了告訴我們「槓桿亂開的下場」外，還可關注這些問題：
💡 中國政府會出手幫恒大收拾爛攤子嗎？
💡 恆大危機可比擬當年雷曼兄弟風暴嗎？
💡 恆大違約恐對債券市場產生什麼影響？
就讓我們繼續看下去唄 🤓

【龔成問答信箱】（Q19801-Q19820）

Q19801：

老師你好，我係你舊生，比較以下股票，想你比下意見：

藥明生物(2269)
藥品︰生物藥
賺錢模式︰幫第三方客戶進行研發、臨床測試、商業化生產(分成利息)
研發中項目︰268個
商業化項目︰1個

三生製藥(1530)
藥品︰生物藥 + 化學藥
賺錢模式︰自行進行研發和臨床測試，收入主要來自成功商業化之自家產品。
研發中項目︰32個
商業化項目︰14個

Q1) 分析藥明生物(2269)︰

醫藥行業由於相對專業，很多技術性資訊未能完全理解。加上集團上市不久，有機會誤判形勢。

但集團現時跟"全球20大製藥公司中16間"和"內地50大製藥公司之28間"合作(2018年︰全球佔3.2%，排第4位，而首位佔11%。在內地集團生物藥研發服務外包市佔率則由2016年的48%增長至2018年的75.6%，維持首位。)

不論項目和合作客戶數量有增無減。集團是全球少見能提供一站式服務公司，是一個客觀事實。而且，集團純利率一直維持增長。判定集團在行內是有一定質素和競爭力，相信是合理的。

加上其賺錢模式較穏定，項目又多，可以把失敗風險分散。而且研發成本和風險，有第三方客戶分擔，故因失敗而出現資金鏈問題機會會較少。

缺點是收入模式較被動，而且行業波動性都高。

> 佢應該算有質素，有中等以上水平吧。但長期PE > 200，到底如何定買入策略??

Q2) 分析三生製藥(1530)︰
佢賺錢模式較藥明波動，成功市場化可以好賺，但失敗就自行負擔。

> 我大致比佢PE︰13-18倍，合理嗎? 那現價應該係合理區底部??

> 同業PE一般都有20以上，是它近年收入減弱、再加上除了現時14隻上市產品外，其他在研產品，大在只有臨床1,2期，要上市講緊最快都幾年後。所以市場認為佢收入未來數年唔會有大突破。

再加上藥品銷售，國家唔會比定價好高，因此整體給予集團定價較低???

> 定係本身市場，對佢這種自行研發和銷售的賺錢模式無信心??? 但佢背景，其實都類近中生(1177)

雖然規模和經驗較少，但都係自行研發、銷售、同時有數隻賺倒錢的藥(內地市佔也不差)。再用這些現金流，再研新藥。基本上，個營運模式係穏健。但似乎市場對佢評價唔高，為何呢??

之後，我仲會研多1,2隻作比較。自已較睇好藥明生物，但想先睇下我諗法上，有無錯或者漏左架地方。麻煩晒！

龔成老師：

1）對，你的分析方向正確，我地未必有好專業的醫藥知識，有時可以從周邊的因素去分析，合作因素是其中一種，另外，當我地分析醫藥企業時，可以考慮佢地過往藥物的情況（又或以整個集團角度分析，因為個別企業未必這刻已有藥物），以及財務數據。

如果藥物企業已商業化的項目較少，用你上述所講的合作因素去分析，可以，但我地投資者在評分時，始終會有一些打折扣的因素。

用過往的盈利去計算市盈率，意義並不大，當我地分析時，可以預測之後的盈利，如果下年度仍未夠代表性，就要預測2、3年後的盈利，以此作基礎去推算市盈率。

但要留意，預測的成份愈高，不確定性愈大。

只可以話，這股現價唔算平，可考慮用分注或月供的模式進行。

2）至於三生製藥（1530），用你的市盈率都合理。

現價大約是合理區中下部至底部。

市場比佢一個比同業較低的市盈率，主要是由於佢的「預期增長」問題，睇翻佢的中期業績，其實生意的增長力已比過往決少，市場擔心佢有更多新藥前，現有藥物帶比佢的生意增長力不足，因此企業比佢的估值唔算高。

你亦講出了其中一個重點，就是佢不少研發中的藥物，都只是臨床1、2期，要真正上市到市場出售，仍要數年時間，這就會造成收入未能太快增長，因此，投資這股的模式，一定要更長期，而中短期市場未必會太睇好這股。不過，由於佢有多個研究中的項目，以更長期的角度，其實這股有前景的。

其實這兩間企業，營運模式各有不同，三生自行進行研發和臨床測試，風險度會高少少，以營運模式來計，的確較近中生製藥（1177），有時在比較時，都可以用這兩間去比較分析。

其實三生的營運模式不差，如果我地睇翻佢現金流量表，其實會見佢過往能保持一定的經營活動現金流為正數，反映佢本身的藥其實不差，能為佢帶來持續的現金流。

同時，佢投資活動現金流部分，出現了持續的負數，這反映佢正進行持續的投資。不過，由於佢這些投資要較長時間才見到真正盈利，在中短期就會有缺口，令市場未敢對佢太過睇好，同時，研發藥物始終有風險，太多隻數都要多年才知有或無市場，市場始終會認為不確定性太大，因此在估值上，會較保守，這是由於，若果佢的接下來1、2年可能因為之後的藥未商業化，佢在資金鏈方面，有可能出現缺口（舊藥銷售開始慢，新藥未到，但研發投資又要持續），這正是市場擔心的。

------------------------------------------------

Q19802：

你好龔sir 我23歲 做左全職3個月 宜家岩岩開始學習股票知識 想問你如果開始買股票 手上最好持有多少現金？

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《股票勝經》適合初階者的。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過幾個月，有知識及少少經驗後，就可以利用你手上的資金，其中一部分，去投資股票。

你最好預留3-6個月的備用現金，餘下可投資。

------------------------------------------------

Q19803：

老師 你好！請問如何判斷股票是合理價？例如2800 1810

龔成老師：

要知合理價，就要先計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q19804：

阿sir早，我上完你的股票初班，明白企業價值係大於市場情緒，所以在唔少中資股除美國班時，買左d，現時已升左好多，多謝阿sir的教學！

令我明白到市場恐慌咁拋售時，當企業本質冇變的時候，係我哋應該貪婪的時候。

龔成老師：

太好了！

我地永遠睇企業本質，有些外在事情對本質無影響就唔需要理，反而是時機。最重要是「3年後這企業情況」去分析！

------------------------------------------------

Q19805：

阿sir,你好，我有啲野想請教下你，我而家持倉有咁多隻股票，2021年我諗緊點步署，我咁多隻股份持倉佔比都唔同，有幾隻得2-4%

你覺得得應該在呢幾隻佔比小嘅股票加碼好啲，定係再發掘一啲新股呢？

龔成老師：

最重要是建立一個長期的組合，第一考慮優質度，另外考慮平衡，以及你組合的情況。如果是優質的，就算較少%都不要賣，同時等機會加注。

你現時組合不是無質素，但電動車行業比例開始多，唔建議再加注。

------------------------------------------------

Q19806：

龔sir你好啊 我而家上緊你堂，有些問題想問：

1. 是不是所有公司的價值都一定會反映在股市表現？有沒有例外？

2. 我檢視番自己的投資組合發覺比例失衡。我開始月供股票有3個月：盈富、六福、港鐵、福壽園、舜宇光學、長實、阿里等，潛力股佔30％。

但我早前手上有2手匯豐，平均價$58.2，比例較多。你上堂提醒了同一行業不能超過30％，這讓我很苦惱。匯豐是優質股嗎？應該保留定賣出？長遠策略應如何？

3. 想知平安好醫生＆東京健康的股價現在在合理區嗎？ 如果要投資選邊隻好？

4. 有咩書關於黑天鵝/講股災可以推介下？

感謝！祝身體健康！

龔成老師：

1）短期股價不一定反映企業價值，但長遠，就一定會回歸企業價值的，只要是成熟的投資市場都有這情況，如香港、美國、日本、歐洲等。

2）最重要是建立一個長期的組合，第一考慮優質度，另外考慮平衡，以及你組合的情況。

你要跟第二堂所講的比例，去建立一個長期的組合，這個比例是「長期」的，如果你這刻不合，不用即刻轉，但要慢慢轉，你可以透過慢慢有儲蓄去投資去平衡組合，以及等機會賣出。

如果你知道匯豐（0005）比例多，就不要買入，同時在接下來，等佢股價上翻多少少，賣部分。匯豐不是劣質，但只是收息股，是水桶3，你要睇翻組合比例配置，是否適合你。

3）平安好醫生（1833）合理區頂，東京健康（6618）略貴，你如果組合無這類股，小注都得。現價平安好醫生值博率會高少少。

4）你可以睇《黑天鵝》，另外可找一些講金融風暴、金融海嘯的書。

------------------------------------------------

Q19807：

你好，我39蚊買左復星 聽講佢代理的疫苗唔係好得 係唔係會影響股價？

龔成老師：

我地最重要睇長線的，相信這些情況只是一些中短期問題，復星醫藥（2196）本質不差的，佢係一間總部設於上海的中國醫藥健康公司，業務包括製藥、醫療服務以及診斷產品與醫療器械。

同埋睇翻佢的資料，佢的研發持續專注於心血管系統、中樞神經系統、血液系統、代謝及消化系統、抗感染、抗腫瘤等治療領域。其實都有一定的業務優勢。

過往數據顯示，佢業保持發展，生意有穩定增長，不過見佢盈利增長的力度不及生意，這反映佢賺錢能力有所減慢，這點要注意。

現時股價都算合理的，分注投資仍可以，但要留意有時股價會較為波動。

如果你持貨不過多，無問題的，可長線。

------------------------------------------------

Q19808：

你好龔成，我想問黃金可否作長線？
請問有咩相關股票推介？

想買入增長型股票，請問有咩推介？
謝謝你！

龔成老師：

ＳＰＤＲ金ＥＴＦ（2840）係一隻追蹤黃金價格的交易所買賣基金，當金價上升，佢都會上升，當金價跌，佢都會跌。

睇翻佢過往的價格表現，基本上都追蹤到黃金的價值，因此都可以成為投資黃金的工具。

山東黃金（1787）主要於中國從事黃金採礦及加工，以及銷售黃金產品。

佢係於中國合共控制及經營十幾座礦山，大部分位於山東省，並於中國擁有多個選礦設施及冶煉及精煉設施；當中，持有一定數量的黃金。

佢雖然有一定的資產價值，個都要留意番，雖然這類資源股雖有投資價值，但只算中等。

原因是這樣，資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。

至於增長類，可考慮安碩恒生科技（3067）。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

------------------------------------------------

Q19809：

龔老師，剛報讀了你的課程，之前幾年有斷續報讀其他老師課程，但唔知點解讀完之後，都好似冇乜用?

現期待老師的課程我能掌握學習，若以我60歳年紀又曾報讀股票技術分析及期權班會否又重疊了或者對我年紀來說會否太難記得? 堂上可否錄音重溫？

剛剛重組月供金額：$2000#3，$3000#2800, $1000#16，$2000#823，$1000#2，$1000#388, 其中#2，#16，#388上月才開始供，所以只有碎股一手都冇？可否提供以上組合或重組意見？

請問若加月供$2000收息股，是否按股息率高為原則選#548 或 #6823才適合？感恩及謝謝你的幫忙及賜教, 辛苦晒！

龔成老師：

放心，課程會由淺入深，你會掌握得到，只要你每堂返家溫書就得。

至於技術分析及期權，我股票班完全不教。

因為我過往在銀行與證券行工作過10年，見到散戶玩衍生工具輸多贏少，同時技術分析巴菲特已講明無用，我都放棄左20年，所以，你要學一些對你來說全新，是穩陣的投資方法。

課堂由於版權，不能錄音，但你日後可以用優惠價重讀。

至於你現時的持股，都是有質素的，可以保持，你可以加入$2000收息股，香港電訊（6823）可以的。

其實我會建議，你上完堂先具體開始進行配置。

------------------------------------------------

Q19810：

請問有冇邊隻金屬股你睇好？謝謝你
本身已經有洛鉬，3蚊左右買

而家諗緊好無加注，定係加其他金屬股。因為銅價好似會高企一排...

龔成老師：

洛陽鉬業（3993）其實只是中等。

並不是完無質素，但不能說是穩健，佢的營業額同盈利都十分波動，這點令分析佢較困難。因為好難確定到往後經營環境對佢的影響，同埋，佢亦因成本令佢盈利較波動，這同樣是較難預測的。

我地好需要，用過往的數據去分析，同時判斷往後的經營環境，如果過往數據變化太大，會較較分析。

另外，這股的股價較為波動，這股不是不能投資，但不建議大注。

至於金屬股，我唔算特別睇好，因為企業的本質較難有產品價格自主的能力，往往要跟國際市場價格出售，處於一個較為被動的狀態。

這類股可作為組合中其一部分，但又唔值得太過大注。

------------------------------------------------

Q19811：

成哥，今年我策略專攻新能源股同arkk，請教下點睇916？因為已經買左3868，亦都成為倍升股了，仲有無其他新能源股推介？

我自己搵左隻916都算風力發電龍頭，比d意見，多謝成哥

全靠上年上完你班，令我好肯定長揸隻3868，已經120%了！

龔成老師：

新能源股同arkk都是有長期增長力的，可以長線持有，但都要注意集中風險，要平衡。

其實現時已經不是買入新能源股的最好時機，大多上左去，因此，你用持有的策略是最好的，但就唔好心急入貨。

如果真的想入，就恆指科技基金（3067），但你要注意新經濟股在你組合的比例。

龍源電力（0916）當然有質素，這股在《50股》一書都有推，有長線投資的價值。

佢係中國發展風力發電業務，收入大部分來自銷售風電場及火電廠所發的電力，而有關電力銷售主要倚賴淨售電量及上網電價。

旗下客戶為風電場及火電廠連網的各地方電網公司。

過往業務發展不差，生意與盈利保持增長，不過股價就有少少波動，現價合理區頂，但就要留意股價上落風險。這股可長線。

信義能源（3868）有質素，佢主要於中國經營太陽能發電場業務，並向國家電網的當地附屬公司銷售電力。而佢派息高的，因為管理層話會用高派息政策。

投資價值都有，但不能投資太多，因為佢業務都有風險的，要注意股價波動，你長線就得。

其實，只要找到優質股，長線持有，往往有不差的回報。

------------------------------------------------

Q19812：

你好！我留意左你既fb好耐，每個post都好有養分
請問我係邊度可以買你既書？我想學股票，睇你既video亦了解到思維既重要性

我學習既第一步係咪應該join左你網上個course同睇財務自由行先？

我曾經買股票蝕過十萬

我最近試買股票，昨天放了匯豐及百應（8525）先賺得$6000

唔知幾時先可以追番蝕左的錢

我現在手持只有2萬股凌銳控股784，但蝕緊$2160，等平倉即放

之後打算等匯豐跌回40點我再買

龔成老師：

每個人都會投資失敗，我20年前都試過多次接近輸身家的經歷，最重要是有無進步，我相信，你是時候要改變投資思維，重新學投資了。

你唔好用「賺蝕數」「買賣」「短炒」模式去投資，你要建立一個長期，有質素的組合，要明白買股票就是買企業，投資後長線。

你要學選股，學分析企業，學建立組合。

凌銳控股（0784）業務一般般，盈利波動，過往有時會出現虧損，投資價值不高。加上股價上落大，風險高，要小心，這股唔值得投資。

你可以睇《股票勝經》，以及上左網上課程先。

------------------------------------------------

Q19813：

龔成你好阿 我想問下 3913 同6690 既前景 我分別係6.25 同 27.8入左各5手，想問下值得長期持有嗎？

仲有我e加將一半既薪水月供1177，另一半儲起 這種投資方法你可唔可以比一d改善既健議？ 謝謝你

因為我e加21歲，我覺得自己可以接受更大既風險，但唔知投資既方向是否正確

龔成老師：

合景悠活（3913）由合景泰富集團（1813）分拆上市，主要在中國從事為住宅物業及商業物業提供綜合物業管理服務。

財務數據顯示這企業的生意增長理想，盈利都不差，不過，上市年期短，財務數據可信程度會減。

長遠發展正面的，不過估值方面就唔平，就價仍在合理區頂水平。你有貨可長線。

海爾智家（6690）主要從事生產及銷售家用電器，並以３個自主發展的品牌（包括海爾、卡薩帝、Ｌｅａｄｅｒ）及４個收購的品牌（包括ＧＥ　Ａｐｐｌｉａｎｃｅｓ、Ｃａｎｄｙ、Ｆｉｓｈｅｒ＆Ｐａｙｋｅｌ及ＡＱＵＡ）營運業務。

佢家電產品涵蓋冰箱、冷櫃、廚房電器（包括油煙機、灶具、消費櫃及烤箱）、家用空調、商用空調、淨化器、新風系統、洗衣機等。

業務不差的，有質素，長遠有發展，現價合理區頂位。這股可長線持有。

你用部分月供中生（1177），部分留現金，可以長期進行就得。

長遠你要建立一個更平衡的組合，唔好太集中在幾隻股。

如果你能承受風險，就將儲到的現金，等機會買入潛力股如果等好耐都無機會，就慢慢入隻恆指科指ETF（3067）。

------------------------------------------------

Q19814：

老師你好，我想問下長揸一隻股票會唔會中段放啲回調時再入？還是真係唔理，只睇再長遠？

龔成老師：

如果這是有質素的股票，會偏向「一直長線持有，唔好理中短期股價」。

當然，這不是完全硬性規定，但大方向我會建議這樣。

當股價升得太多，賣出部分，等去翻合理區先買翻，都是策略。但你要明白一個風險，就是賣出後，有可能買唔翻，因為無人能預測到股價。

好多人以為賣出等跌能買翻，但結果卻是買唔翻。

因此，當賣出時，就要考慮值博率「之後有可能買唔翻，現水平獲利是否足夠對消這個風險呢？」

因此，愈優質的股，就愈不建議中途賣出。

------------------------------------------------

Q19815：

hi 龔Sir, 留意到你開始推介安碩恆生科技ETF（3067）是一個潛力組合的基金。請問可以月供嗎？是屬於月供股票？

我在好幾間銀行都找不到月供3067，所以只能分注買入。因為現價不平，再加銀行手續費，成本拉高了不少。想請問如果不能夠月供，應該如何部署分注買入？謝謝！

龔成老師：

安碩恒生科技（3067）可長線。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

如果銀行無得月供，你可以每月入1手，因為佢入場費低，可以這樣進行。只要長期這樣做，而每月1手，佔你組合的%較少，就可以（即是每月要仍有現金剩）。如果你資金不多，就每2、3個月先入1手。

------------------------------------------------

Q19816：

老師，9988 & 6808都持有重貨，分別$298及$8.8入，帳面輸緊25萬。而家想換樓，首期必須套現股票。老師，請問如何決擇？

龔成老師：

兩隻都有質素，都可長線，不過都在高位入，如果真的要賣，可以各賣部分。

其實分析的關鍵位，不是你的「賺蝕數」，而是你之後的組富組合，持有那些資產，能否平衡分配，你多以「之後」去想想。

------------------------------------------------

Q19817：

老師，見你答問題時提過3067，有些興趣，感覺算安穩，請問現價應月供還是就咁買入？

我想月供$5000，現在盈富$2000，匯豐$500（想供夠一手就唔供），另外諗緊月供小米同領展各$2000。本身持有1手小米和2手領展。這個組合可以嗎？

最後想問其實每股應該持有多少貨才理想？如果樣樣持有一兩手，是否分得太散？謝謝

龔成老師：

安碩恒生科技（3067）可長線。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

你可以每月供$2000。

至於你現時月供的，可以保持。匯豐（0005）只是收息股，增長力不強，你要睇翻匯豐是否合符你的投資目標。

至於持股，最重要是睇%，佔股票組合的比例。

------------------------------------------------

Q19818：

龔SIR, 多謝你回覆! 我下個月開始會做月供股票, 同時會繼續學多D投資知識. 但我諗我會成日有問題會請教你, 希望你唔好介意!

-如果照你建議分注買入安碩恒生科技（3067）, 甚麼價錢是便宜區和合理區? 我見3067 現價約是$16.9, 咁一手佔我既資金都係好少, 我係咪一開始買幾手先? 同埋應該如何分注買呢?

-我睇左你教的水桶投資法, 覺得點醒了自己! 就你回答我既第2點, 我想問下：現價加翻D股票, 即係用一手手買入既方式嗎?

另外，我記得你有個回覆講過盈富(2800) $23以下是便宜，咁我下個月開始做月供，但假如一直升，咁我買入股數少左，要幾時衡量減月供金額或停供呢？

我理解係咪如果佢係$23樓下, 我就可以變成一手手買入? thanks

龔成老師：

安碩恒生科技（3067），你可以月供，或分注，這基金可長線的。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

如果你現價加翻D股票，要睇幾個因素，第一，你的資金，第二，這股在你整個長期財富組合的角度，應該佔比多少，第三，現價平貴。如果你想加的股在合理，就可以分注一手手，如果唔平，就唔好太急去加，可能月供好了。

至於盈富（2800），你保持長期去供就得，中短期一定會有上落，最重要是長期策略，除非股價變化好大，否則，你保持月供就得。到$23以下先一手手入。

------------------------------------------------

Q19819：

呀sir 尋日開始我都開始搵一啲潛力股（比較留意新能源股）所以自己揀左 2隻分別係龍源電力同大唐新能源 仲有一隻就係萬洲國際，呢3隻入面我會揀其中一隻做長線投資，全部我都覺得係長遠倍升股黎

依家手揸個3隻係咪都應該守住先，自己認真都唔差，都係有潛力既股？

呀sir其實你真係改變左我好多，我因為你我改左短炒習慣，開始睇書增值自己，為自己長遠做投資，再唔睇短線，亦開始做功課。

多謝你龔sir，有機會我一定會黎上你堂

龔成老師：

龍源電力（0916）會較有潛力，這股有長線投資的價值。

佢係中國發展風力發電業務，收入大部分來自銷售風電場及火電廠所發的電力，而有關電力銷售主要倚賴淨售電量及上網電價。

旗下客戶為風電場及火電廠連網的各地方電網公司。

過往業務發展不差，生意與盈利保持增長，不過股價就有少少波動，現價合理區頂，但就要留意股價上落風險。這股可長線。

至於萬洲國際（0288）質素唔算差的，但潛力就不算強，只是平穩增值的類別。

有時你見肉價短期上落，都會對佢股價有短期影響，不過，我地分析時，唔好太著重中短期因素，例如短期的肉價格，以及供應等因素，都會對佢中短期有影響，但我地最緊要是分析企業的長期營運模式，發展，而這股正面的，可長線。

這企業過往的生意保持平穩，業務基本上是平穩的，只是因貿易等問題，令股價較為波動，成為這股的風險。

投資這股，可說是平穩增長，以及收下息咁，不要對股價太有期望。

------------------------------------------------

Q19820：

龔sir，不好意思，有一個大問題又想請教你：

是關於賣股的時機，記得睇過你post，你話你1211都楂左十年。

而我三個月前以12.6買入2013，這週不斷連漲，已升近44%。我思考緊應該放左佢，賺左錢先，定係應該長楂幾年，等到收成期才放。

龔成老師：

只要我地尋找到有質素，有發展力的股票，就會長線投資，這是大方向，當然，若果到了太貴的時候，都可能會賣部分的。

微盟集團（2013）集團主要在中國從事提供軟件即服務產品及營銷服務。

佢的產品分為「商業雲」解決方案、「營銷雲」解決方案及「銷售雲」解決方案三類。

「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。

這些都是將來發展的大趨勢，從業務潛力上，的確是有的，見佢財務數據的增長都強勁。但在估值上都唔平，所以，如果你持有一定的貨，你可以賣少少，又或以「升一倍，賣一半」的模式進行。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q17981-Q18000）

Q17981：

龔成老師，最近睇緊「萬能金鑰」，希望可以透過吸引力法則改變性格。

有時候覺得好心灰，好想真正做到財務自由。希望你可以比意見我。

我31歲，月入15000，已婚，而我每月會用6000作屋企開支，另外3000比娘家。
返工坐車午飯用1400。

每月只淨4600，好希望可以用15-20年既時間都做對抗通漲，可以財務自由，如果人工無加，只靠股票，請問有無方法可以做到？謝謝老師

龔成老師：

你要從兩方面著手，第一，你要做好理財，每月有$4600，如果投資20年，10%回報就能滾存到$310萬，如果你有實力，花時間研究投資，如果能產生15%，2年後你就有$550萬。

股票絕對可以做到，問題是你的知識與願意付出多少時間，如果你買入股票前，連1小時分析也無做，當然不會有高回報。

第二個方向，就是增加收入，你月入$15000，長遠只靠儲蓄，本金仍是有效，但你31歲，仍好年輕，你要好好想清楚，你長遠想點發展，一定不能長期都是這收入，要突破，要提升自己。加油！

------------------------------------------------

Q17982：

老師，我剛剛看完你本大富翁致富藍圖，後知後覺之前買了些優質股，但自己心急，亦未讀你的書藉，所以在高位入了貨如0003煤氣。

另外，在大富翁一書中，看到你講解的士牌的投資的基本分析，我查看了近月因疫情，的士生意市道慘淡，牌價也回落了不少。

當然車的出租的率和價錢也同樣回落。你覺得現時是否投資的時機？我本身在香港無物業，現時收入不多非不穩定，不敢投資物業。你有何高見？

龔成老師：

煤氣（0003）有質素的，不用擔心，只是過往都唔貴平，大部分時間處合理區頂或略貴，近期先算合理區中間。你可以守的。

的士牌，我地分析時，一定會以「長期的投資價值」去分析，唔好太著重中短期情況。

不過，的士近年競爭大左。佢只是集中收租方面，中短期會因肺炎而影響租金，但長遠仍是穩定，不過就無乜增長力。

------------------------------------------------

Q17983：

老師，我想問如果每月有5000蚊可以投資，應該買咩或做咩投資？或者儲幾多錢先去買d咩和投資咩咁？

龔成老師：

你先要有一定的備用現金，例如3-6個月的開支金額，之後就可以開始進行投資。

你可以考慮做月供股票，每月$5000。

盈富（2800）$2000。另外再加1、2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

如果你不懂股，就集中供盈富$5000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17984：

請教老師我現在應該放左石油股轉買其他股票，還是繼續持有等升回買入價？

龔成老師：

唔好比「買入價」影響，這只是一個心理因素，如果你等買入價這段時間，其他股票升幅比你原本持股多，你反而會浪費左回報。

石油會在經濟好轉時上翻D，但始終相關股未算算好強，所以，你見到佢上翻少少已可轉，唔好等「上翻買入價」。

------------------------------------------------

Q17985：

老師點睇2588，飛機租賃 我做過少少resaerch大部分租賃合約都仲有幾年期

而且我睇前景只要疫情轉好航空業同運輸都會回覆正常

如果現價值唔值得入幾手？

龔成老師：

中銀航空租賃（2588）本身質素不算差，但又未到好好，主要原因是負債太高。佢利用高槓杆的模式，進行飛機租賃等業務。

即是借錢，買飛機，再租出給飛機公司。

現時航空業不景，對佢點都有影響的，因為其實航空公司注動性可能會出問題，加上佢利用槓杆，有風險。不過，這只是中短期情況，長遠仍是不差的。

投資可以，但唔建議太大注。

------------------------------------------------

Q17986：

龔sir，早前睇到你的文：［現金不是資產］對我係當頭棒喝！廿幾年前最早投資係零存整付，高息儲蓄。97時初次跟人開戶口買股票，初時有斬獲，之後金融風暴....

仲記得當時有中國海外，如果唔斬持有到今日已經好豐富
那時嚇怕左。

到今年比老婆鬧我做乜我咁窮！我才醒覺！我再投入股市！不過呢個時期又到變化好大時期了！

感謝你的付出！你的書本！我已買咗你三本著作！其中真係唔係仿間學到的學問！我會努力學習！努力儲錢！努力財富及智慧去倍升！

龔成老師：

記住，我地理財，就是將現金「轉化為有價值的資產」，要長期持有，過程是一個「配置」，要建立一個平衡組合。

你投資股市是正確，但都要留意平貴，建立「優質、平衡的組合」。

方向已經正確，之後保持增加正確知識就得！加油！

------------------------------------------------

Q17987：

者師，我打算停供002和003，轉月供788和9988，即每樣月供$2500好嗎？

另外其實月供股是否不需要太重視短期股價? 其實我現在36歲，我覺得我可以進取一些的，但我是明燈，真係買咩都跌甚至一買就停牌

就好似四環醫藥$40000買入就停變到而家$8000

又唔捨得放，和諧汽車$51000 買入而家又變$34500。我好想學習又唔知有咩方法，請指教，謝謝你

龔成老師：

如果你想提高增長力，的確可以轉的，但你都要留意，整體唔能夠只集中一類股，科網手機相關都是。

月供股票，盡量都唔理中短期股價的。

你36歲，你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，加上你這年齡不能全部進取，因此，你可以集中在平穩增值股先，潛力股小注好了。

你之前因為唔識選股，你記住，買股票就是買入企業，要花多少少時間去研究，花數小時是好正常的。

四環（0460）在多年前，核數師意見出現「保留」，已經反映企業盤數「有D古怪」。所以，你之後在選股時，要多加研究，儲錢不是易事，投資前要仔細分析。

------------------------------------------------

Q17988：

小弟30 家庭支柱, 目前每月最多只可儲到2000, 現金有2萬, 另外月供股票1000蚊, 請問我應如何計劃投資呢？

儲第一個一百萬有無可能?

龔成老師：

要較長時間先累積到$100萬，除非你增加收入。

暫時你的現金唔好動用，因為你有家庭負擔。

你可以月供股票盈富（2800），最好供$2000以上，否則效果唔明顯。

你30歲，我認為你應該從「提高長遠收入」方面著手。

------------------------------------------------

Q17989：

老師，我28歲，每月月供 $3000 媒氣，$3000 領展；大概供左年半多～

最近睇到你fb post 話要襯侯生買「平穩增長股」 及 「潛力股」，而且我又希望可以係4-5年內儲到首期置業。

1）想問下我月供組合是否需要變？例如，去除媒氣？因為遲啲無左十送一，變得不再吸引

2）組合內想增加：
1177 中生
9988 阿里巴巴
老師覺得呢兩隻應該月供，還是分注買入？ 還是有其他建議？

3）另外， 2013 微盟 適合分注，長線持有嗎？暫時未有貨。謝謝

龔成老師：

1）其實煤氣（0003）仍是有質素的股票，但增長力弱左，而佢改為20送1，反映增長力可能減少左，但不算差。

香港業務不強，但中國部分不差，中短期雖然較一般，但見佢的長遠發展力仍在。

由於佢一向都穩定派「相同股息」，在這情況下，反映派息的增長會少左。但整體來說，這企業仍是有質素的。

我睇翻佢近年在中國的投資，仍是保持進行的，每年都有幾十億，這些投資不會好快就見到收成，但這企業就仍是發展中的。我對佢長遠發展仍是正面，只是增長力的問題。

因此，你原有的貨可持有，但如果想組合增長力提高，就應該轉其他。

2）有質素可長線投資。不過現價略貴，建議你用長期月供的方法進行，會比較好。

3）這股雖然有潛力，但股價有少少誇張，現時真的少少好了。

------------------------------------------------

Q17990：

老師，我因誤中圈套買左隻老千股1936，輸左9成

因見你face book 都有教朋友正面有效投資方法
宜家想重新學習正確理財

龔成老師：

RITAMIX（1936）我見到都有其他網友中招，總之你記住，買股票就是買入一間企業，一定要選有質素的，同時要經過分析，唔好在貴的價位買入。

希望你能行翻正確的方向，在之後多多增加知識，你可以睇《股票勝經》。

------------------------------------------------

Q17991：

你好，龔sir，本人23歲，有小朋友，有工作，除咗小朋友，無其他負擔，當初好傻咁每月儲部分現金入户口，以往無諗過學股票投資，原因係驚有好大風險，但真係好好彩睇到你教嘅投資方法，我覺得值得學習又穩健，令我對投資睇法有所改觀，未來會用心學習的。

我有買啊sir嘅書，睇完大富翁同年報勝經，有啲地方唔明，我想上啊sir 堂，但因為撞咗另外讀緊嘅工作坊，所以錯過咗，啊sir你年底前有無機會再開平日基礎班？

人工:17000-20000 現金大約有十萬

目前只有一手 太古地產(1972)同一手 金界控股(3918)

扣除每月開支可以用一萬投資
我打算每月留五千現金儲起，等有值搏股出現就一手手買，另外就五千月供股票 。

盈富基金 (2800) $2000
港鐵 (0066) $1000
小米 (1810) $1000
金沙（1928） $1000

Sir，有無特別野要注意同改善，因為我轉數唔快，我認為呢個時期有危有機，好想把握機會，同埋見到sir平時留言會建議留現金等到大跌市再入，係因為最近疫情？定係長期投資上應該要預計嘅事？

不好意思太長，感激你

龔成老師：

10月的股票班是星期六班，之後會再開翻閒日班（晚上）。你可留意。

至於你現時所持有及月供的，都是有質素的股票，可以保持。如果你想組合增長力增加，可以加多一隻潛力股（$1000）落去組合裡進行月供。

現時的整體大市處合理區，可以一邊投資一邊留現金，而餘下現金的運用，就是等大跌市時出手。

雖然有疫情，但未算好平，部分舊經濟類股票，就較受疫情影響，因此處合理區中下部的水平，你已經可以留意。

記住，無人預測到之後的事件及股市，因此除非好平，否則，我地點都會留有部分現金在手。

------------------------------------------------

Q17992：

你好呀龔成先生 今年我24歲 畢業後做左接近2年野 現時職業做緊物業管理行業 月入$15000，儲蓄有$70000左右 每月儲到約$3000另外每個月供緊2000蚊儲蓄保險 各一千蚊

一份供10年 一份供6年 我想為自己既財富增值 最近先了解財經資訊 想問我可以如果入手 謝謝

同埋想問多一問，現時經濟不景氣 呢個時勢你建唔建議我轉工呢 我都希望搵同類型行業而比我現時人工較高既工作。謝謝

龔成老師：

現時的現金，你可以留有一半備用及等投資機會，另外的一半就投資股票，如果你無選股能力，就投資盈富（2800）。

如果你工作穩定，就可以同時以月供股票，去進行財富增值，如果唔穩定，就唔好供住。

你24歲，應該多試不同的工作，長遠發展會更好，當然，這刻未必是最好時機，但你都可以同步去見工，如果見成一份有發展的工，到時辭職都可以。

------------------------------------------------

Q17993：

龔sir, 雖然這樣問不是太好，但想知道當你踏上第二個、第三個...百萬後，在投資的過程中，有無一些虧損或同你預期有落差嘅情況？

可以分享一下，等我地有個警惕

純粹想學習，不是想挑戰，希望你見諒

龔成老師：

過往都有出現過虧損，例如十多年前買入一隻股票叫嘉利國際（1050），財務數據不差，業務穩定，由不少大品牌的容戶在手，而佢是做電腦代工的。

之後，中國的成本不少上升，佢的成本也增加，但卻無法將成本轉嫁比客戶，因為佢規模唔大，容易取代，大客戶可以有好多選擇。

於是，當成本增加令佢無法加價比大客，成本無法轉嫁，最後自己的盈利受損，令股價下跌，當年要止蝕。

這反映企業的經營模式，最好有價格自主能力，有成本轉嫁能力。

------------------------------------------------

Q17994：

老師，9939 你覺得前景如何？

龔成老師：

開拓藥業（9939）係中國一家臨床階段新藥開發商，專注於開發及商業化癌症藥物及其他雄激素受體相關（或ＡＲ相關）疾病藥物。

佢而家開發緊5種在研藥物，並係中國、美國及台灣取得開始臨床試驗批准。發展正面的。

例如我講其中一隻：普克魯胺（ＧＴ０９１８）：佢係這公司的核心產品，用於治療ｍＣＲＰＣ（轉移性去勢抵抗性前列腺癌）及ＡＲ＋轉轉移性乳腺癌。

正係中國，以及美國分別進行ｍＣＲＰＣ　ＩＩＩ期臨床試驗，以及ｍＣＲＰＣ　ＩＩ期臨床試驗。

佢已獲授20項與普克魯胺的化合物、合成方法及用途有關的專利，而翻佢這些專利，預定分別於2030年及2032年到期。

因此，這企業有發展的，但問題是產品在往後的創售，仍有不確定性，好難分計到具體情況，因此，只可以話有風險，有潛力的類別。

現價好難話平定貴，只可以話，你小注投資都可以，可長線持有慢慢等佢收成。但唔好大注，因為始終有風險。

------------------------------------------------

Q17995：

老師 想請教一下308中旅現價值得入嗎？我是打算放個3到5年的

龔成老師：

中旅（0308）質素中等，這股本身質素唔算好強，在正常時間的投資價值未算好高。

唯一吸引的，就是現時疫情，令佢股價受壓，相信過幾年後，佢就會正常翻，股價都會因此而上翻。

------------------------------------------------

Q17996：

老師，我係女生一名，對數字概念十分弱，對股票完全係0知識，睇左你𝐟𝐚𝐜𝐞𝐛𝐨𝐨𝐤幾次，感受到你真誠有耐性，想由0開始去學，你有什麼書可以推介

21歲時我都係由0開始去接觸買樓，但我想相信幾時都要學，頂多比人用多少少時間去學，現在26歲，相信有心一定學到，所以想請教下你

龔成老師：

你要努力增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

你這年齡，是財富增長的黃金期，要好好把握。

我建議你睇《股票勝經》、《5年買樓4部曲》，都是好適合你的。

------------------------------------------------

Q17997：

阿sir你本《80後2百萬富翁》個千萬賭局好正！

雖然最後結果不似預期30歲前只賺到2百萬, 但已經好叻, 最重係過程有得著! 起碼你有咁既膽量挑戰自己, 現在都超額完成目標啦！繼續努力加油!

我都定咗目標兩年内要賺第二個100萬, 早日財務自由, 可以做自己喜歡做的事! 現在睇緊你本3百萬富翁, 現在買股票前都會睇下報務報表先, 感覺安心啲!

其實大學修會計都有讀過financial analysis較理論性。
請問有咩書係教人計股票價值vs價格?

現在思考緊你教既"金錢背後的金錢", 要睇time value of money & purchasing power, 不要只看表面的金錢。

龔成老師：

我希望用我的真人真事，去話比大家聽，就算好平凡，都可以做到好多野！

你定目標十分好，這是一個好有用的方法，你堅持就得！

《股票勝經》、《年報勝經》及巴菲特相關的書，都會講述價值的計算。

要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

如果要深入計算，基本上要好仔細的研究企業，要分析好多財務數據用比率，先至有較完整的答案。

金錢背後金錢的概念好重要的，一定要有「背後金錢」，「將來價值」，「潛在價值」這些概念，先可以幫我地賺到大錢。

------------------------------------------------

Q17998：

我係月光族 30幾歲戶口都係沒錢....因為我之前有好多卡債....我有努力還錢同時嘗試儲錢 最近終於有萬令蚊儲左係度....

點知這2日朋友話有隻股票升 叫我入...入左...點知...蝕左, 蝕左一半....今日我想博升 等自己唔好損手損得甘西利 結果....又蝕, 重要蝕更多....儲落個萬零蚊 沒晒好傷心.....

喊左好耐....我知沒用嫁....我知只可以從頭來過....我每月萬六元, 五千比屋企, 3000還卡債...剩返個八千就係我基本的身活費....

一個基本坐車要一千, 同屋企人住 所以唔洗租屋個D....我好想脫離我而家月光族的生活, 我重有沒得救? 我應該要點好分配D錢好?

我好想脫離我而家月光族的生活, 我重有沒得救? 我應該要點好分配D錢好?

P.S: 我岩岩開始供緊月供股票 每個月一千元 係咪太小呢?

雖然唔知你地會唔會回, 但仍然很感謝你看我的信息

龔成老師：

你之前行錯左方向，如果你明白正確的理財方法，情況會不一樣。過去的就算，由佢過去，你3X歲，仍是財富的累積黃金期，只要你努力學習，努力做好理財，將來一定會累積到更大財富！

第一，你要增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。睇《80後百萬富翁》、《股票勝經》、《財務自由行》。

記住，理財不是賭錢，是分配，你要適當地將現金，轉為優質股，長線持有，建立一個組合，並不是著重一買一賣的快錢。

因此，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

我會建議你供$2000。你3X歲，盡你的能力去做，唔好浪費左這個累積財富的黃金期。

------------------------------------------------

Q17999：

龔成老師你好，請問你點美股Google, Amazon, Netflix, Berkshire Hathaway之中邊隻比較值得投資？ 定係QQQ會比較好？

仲有黃金或銀你覺得現價可以投資嗎？

另外，你的股票班有可能遠程上嗎？ 我很多時間不在香港，冇辦法親身上到堂。多謝你的無私分享！

龔成老師：

上述的，都是優質的美股，你都可以投資，都可以長。如果要簡單，就是QQQ。

至於黃金白銀，我自己都有投資。方法好簡單，你不是睇升跌，而是「財富組合的配置」，現金永遠貶值，黃金白銀總有一定的價值，因此可以在組合中，佔比一部分，長線持有。

但由於無現金流，因此又唔值得持有太多。1%-3%已夠。

我有可能在年底，開一個有關於資產配置的網上課程。

至於股票班，由於內容太重要，暫時唔會。

因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

------------------------------------------------

Q18000：

hi 龔成 我35 元入了 10000 股 708 恒大汽車,請問呢支股票前景如何？現在跌到 2X元，如果再跌可以再加貨嗎？

同埋另外一隻細股 1701 1.07入了貨，但尋日俾人洗倉跌了50%,仲有無得返身，上番去？謝謝回應！

龔成老師：

恒大（0708）我自己有少少保留，佢資金投入的確強，大力發展新能源車，但這些仍未有賣產品，無人知銷售情況如何，只是不斷賣廣告，其實好奇怪的。

賣廣告但這刻未有產品，目的只有兩個，第一是造勢，第二是廣告是賣比恆大的股東睇。

由於仍有好多未知數，而股價已經大升左好多（比半年前），因此，就算$2X仍要小心。唔好加注。

可能佢真的有潛力，但連基本的銷售銷售都未有，我地作為投資者，就好難分析，只可以話佢股價會大上大落，唔建議持有太多貨，如果小注，就當持有博下佢之後的產品。

途屹控股（1701）盈利只有$2000萬，企業無乜獨特性，最多值$3億、$4億。$1以上是$10億市值，我相信好難上得翻去。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。