//全自購扮靚黃店系列，買衫買鞋去邊到買好？// 第一次影outfit原來好高難度的🤣向所有影outfit的blogger致敬，除咗第一張朋友幫我影之外後面嗰幾張都炒炒地車，大家睇下就算🤣🚼因為影得唔靚所以拖咗好耐唔想post😂但再唔出就秋天同埋我想係 #1010thankfulweek 前出，所以唔理了照post!
首先想介紹嘅係 @elephantcloudss ，其實佢哋都算係一間出名嘅IG shop，主要代購歐美牌子，風格比較年輕青春type。與其話係代購，佢哋更加似選物店，店主會精選一啲好睇嘅款式上架，涵蓋嘅牌子都唔少，而且大部份有實拍，亦都有門市可以試身，郵寄選用本地黃色速遞。我上身着嘅係Dress Forum Floral Button Down Peplum Top，最吸引我嘅主要係佢個花花Pattern同配色都比較少見，襯牛仔褲好好睇。短身束腰設計會露少少腩仔(圖二😂)，長衫可以遮下手臂！我買咗有兩個月，瘋狂着瘋狂洗都無乜點殘，質地唔差的！
當然有讚就一定有彈啦，除咗現貨之外，預訂款都要等幾耐下先到貨，我印象中都等咗差唔多三個星期🚼另外出post之前我都有上網睇吓其他人對呢間shop嘅評價，大部份都係講價錢略貴，我都覺得價錢確實唔算平，我呢件原價都要$399，但收到實物之後我係OK嘅。Concern價錢嘅話，建議可以主力睇一啲香港無或者自己買唔到嘅牌子，某啲歐美牌子其實自己用集運都可以買到嘅，不過就要留意sale，多啲格價同埋麻煩少少，時間同價錢兩者要自己取捨了。我自己買衫通常一件起兩件止，好少特登上外國網站買，所以經 @elephantcloudss 買對我來講幾方便同慳時間，會繼續留意～
第二間就係最近都幾多人分享嘅 @thekorner_hk ！佢係一個本地女裝鞋品牌，除咗可以網上買，係港島九龍亦有門市可以試鞋🙊款式同顏色都非常多，而且大部分款式由35號到42號都有(對我呢啲大腳八黎講好重要！)，係門市購買或者攞貨有得配埋鞋墊同噴防水噴霧。
之前係story問過大家意見，我最後why not both咗KaYi 拼色拖鞋 (KaYi Slipper White) 同埋麻質平底(KaYi Linen Flat Grey)😂腳上呢對就係KaYi Slipper，主要材質係真皮，鞋底有一定厚度唔會太薄，行路都舒服唔會腳痛的。款式襯牛仔褲或者長裙都唔錯，唔使見客嘅話踢返工都可以的，好方便之餘，我覺得隻腳望落會長同瘦少少。不過可能係因為真皮內里，所以有少少焗腳，同埋鞋面唔算好軟熟。兩對鞋相比，我比較推薦平底款KaYi Linen Flat （之前勁多人dm都係推薦呢對！！），主要係全對鞋都更軟更加舒服，完全唔會刮腳，而且感覺上無咁焗腳，行或者企得耐都係Linen Flat會舒服啲，有機會再影上身圖！
正價（$490）黎講雖然唔貴不過都唔算平，好彩佢地耐不耐都會有八折至九折優惠，唔係太趕時間嘅話可以等有折扣先入手。
拋磚引玉，大家有無其他扮靚黃店推薦呢～
香港買鞋網站 在 香港NIKE&ADIDAS波鞋交易專區 - Facebook 的推薦與評價
所有議價還價時限為1小時，若買家無回應，會順延給第二買家或由賣家自行判斷。 若雙方在帖中確認交易後，買賣雙方24小時內沒有仼何回應，任何一方均有權取消交易。 ... <看更多>