今日係正月十五元宵佳節，先祝大家幸福快樂、身體健康、人月兩圓！
自己Facebook專頁沉寂咗好一段時間，原來已經超過1年半冇喺呢度同大家交流，我深深感受到好多事情都唔係理所當然，我學會感恩同珍惜。
過去五百幾日, 香港以至全世界都發生咗好多冇人能預計到嘅事。一場突如期來嘅疫情令我哋面臨前所未有嘅挑戰同危機。呢段期間，有人失去事業、有人失去健康、更有好多人失去生命。而喺我呢個行業，好多體育場所被逼關門，損失慘重。奧運能否如期舉行仍然係未知數。種種因素都對我哋職業運動員同體育行業帶嚟巨大壓力！
疫情期間體院同桌球會關閉，甚至試過兩個多月冇打桌球（好似過去咁多年都冇試過...）。雖然已經有一年多未能到海外參加職業比賽，世界排名不斷下滑，而且好有可能即將喪失職業身份，但喺疫情期間我冇因為生活需要被逼到高風險地區參賽, 尚算感恩!
當然，人生總唔會一帆風順，但挫折絕對係一種寶貴嘅歷練，只要勇敢面對，必定能夠排除萬難；正如喺桌球比賽中遇到困局，只要耐心應對，一定可以搵到拆解方法！
我亦要喺呢度衷心多謝各位咁多年來對我嘅支持，你哋對我嘅每一句問候、每一段留言，我都會放喺心中！我亦要答謝體院嘅同事、教練同隊友一直給予我幫助、也感謝香港桌球總會對我同香港桌球運動嘅支持。希望我同香港桌球代表隊都能儘快恢復賽事，也希望桌球能夠重返亞運。難度係有嘅，但唔可以輕易放棄！
新一年，希望大家同我一樣，繼續充滿正能量，保持積極心態，迎接未來或晴或雨嘅每一天！
香港桌球代表 在 世界運動會2022 — 香港桌球代表張家瑋 - Facebook 的推薦與評價
【 世運英式 桌球 】 #英式 桌球 上屆曾經加入包括吳安儀在內嘅女子球手進行混合賽，不過今屆#世界運動會就只設男子組，港隊將會派出#張家瑋應戰 呢位上 ... ... <看更多>