通 淋 巴 咪 亂 試 無 減 肥 作 用 毋 須 大 力 到 瘀
「 你 邊 係 肥 呀 ， 水 腫 之 嘛 ， 開 個 『 call 屎 （ course ） 』 推 幾 次 ， 即 刻 收 番 身 啦 。 」 「 你 淋 巴 好 塞 喎 ， 痛 即 係 你 塞 呀 ， 咁 先 有 效 。 」 「 通 淋 巴 」 近 年 大 行 其 道 ， 大 小 美 容 院 均 設 淋 巴 按 摩 ， 個 個 忍 痛 按 到 周 身 瘀 黑 ， 以 為 可 以 收 身 排 毒 。 有 專 家 解 釋 ， 淋 巴 按 摩 無 任 何 排 毒 減 肥 效 果 ， 一 般 人 並 無 通 淋 巴 需 要 ， 淋 巴 水 腫 只 會 出 現 在 癌 病 康 復 者 身 上 ， 淋 巴 引 流 手 法 要 輕 ， 絕 對 不 會 令 做 手 術 者 受 傷 。 記 者 ： 張 嘉 雯
「 邊 度 有 咁 多 水 腫 ， 除 非 係 患 癌 或 者 極 罕 見 寄 生 蟲 感 染 。 」 浸 會 醫 院 腫 瘤 中 心 主 任 、 腫 瘤 科 專 科 醫 生 傅 惠 霖 解 釋 ， 淋 巴 液 是 新 陳 代 謝 的 產 物 ， 通 過 淋 巴 管 道 ， 經 淋 巴 核 過 濾 送 回 循 環 系 統 ， 因 患 癌 而 接 受 淋 巴 核 切 除 或 放 射 治 療 的 人 ， 淋 巴 液 無 路 可 走 ， 就 會 積 聚 在 身 體 內 。
癌 病 康 復 者 易 出 現 淋 巴 水 腫「 經 期 種 水 腫 唔 係 咁 普 遍 ， 亦 都 唔 係 咁 明 顯 ， 同 淋 巴 水 腫 係 兩 回 事 。 淋 巴 水 腫 大 力 落 去 唔 會 凹 ， 如 果 會 凹 可 能 係 血 管 阻 塞 ， 係 肝 、 腎 有 嚴 重 問 題 ， 或 者 有 心 臟 病 。 」 傅 惠 霖 指 ， 乳 癌 及 子 宮 頸 癌 康 復 者 較 容 易 出 現 淋 巴 水 腫 ， 手 部 水 腫 的 可 能 性 較 腳 高 ， 男 士 患 癌 而 干 擾 到 淋 巴 結 的 比 例 較 小 ； 若 不 理 會 ， 腫 脹 會 越 來 越 嚴 重 ， 出 現 細 菌 感 染 和 蜂 窩 炎 。
他 指 坊 間 的 「 通 淋 巴 」 沒 有 根 據 ， 真 正 的 淋 巴 引 流 只 會 用 手 輕 掃 及 輕 推 ， 不 會 大 力 按 壓 ， 「 唔 係 落 去 ， 絕 對 唔 會 。 」 以 手 水 腫 為 例 ， 會 在 肩 膀 、 上 臂 、 前 臂 分 別 向 心 臟 方 向 掃 10 至 20 次 ， 次 序 必 須 正 確 ， 每 日 約 15 分 鐘 。 他 又 指 ， 只 要 內 臟 功 能 及 血 壓 正 常 ， 食 用 鹹 的 食 物 不 會 導 致 水 腫 。
香 港 中 醫 師 公 會 會 長 關 之 義 指 ， 水 腫 與 氣 血 經 絡 不 通 有 關 ， 多 數 出 現 在 腫 瘤 病 患 者 身 上 ， 但 中 年 女 士 肝 脾 及 腎 功 能 差 ， 或 月 經 失 調 也 可 能 水 腫 ， 應 服 用 活 血 去 瘀 、 健 脾 利 水 的 藥 物 ， 減 少 食 用 過 鹹 、 凍 飲 及 寒 的 食 物 ； 他 質 疑 坊 間 所 謂 淋 巴 按 摩 的 功 效 ， 「 人 唔 係 專 業 訓 練 ， 根 本 連 淋 巴 走 向 都 唔 知 ， 點 做 ？ 如 果 無 瘀 按 到 有 瘀 ， 即 係 原 本 氣 血 通 都 俾 佢 按 到 唔 通 ， 肯 定 唔 。 」
物 理 治 療 師 姚 洁 芝 指 水 腫 有 客 觀 的 方 法 評 估 ， 與 淋 巴 管 道 失 去 彈 性 、 血 液 循 環 變 差 有 關 ， 一 般 人 只 要 有 適 當 運 動 ， 情 況 就 可 以 改 善 ； 若 是 癌 症 康 復 者 ， 則 應 穿 壓 力 衣 ， 配 合 壓 力 泵 及 物 理 治 療 的 淋 巴 引 流 手 法 來 改 善 。
資 料 來 源 ： 腫 瘤 科 專 科 醫 生 傅 惠 霖 及 物 理 治 療 師 姚 洁 芝
「 通 淋 巴 」 話 你 知‧ 除 了 癌 病 人 ， 一 般 人 不 會 出 現 淋 巴 水 腫
‧ 若 大 力 按 壓 時 皮 膚 凹 陷 ， 不 是 淋 巴 水 腫 ， 是 血 液 循 環 受 阻 塞 ， 與 嚴 重 疾 病 有 關
‧ 真 正 的 淋 巴 引 流 只 會 用 手 輕 掃 及 輕 推 ， 不 會 大 力 按 壓 ， 更 不 會 令 皮 膚 變 瘀
‧ 服 用 去 水 丸 只 會 令 身 體 脫 水 虛 弱 ， 不 會 去 水 腫
資 料 來 源 ： 腫 瘤 科 專 科 醫 生 傅 惠 霖 、 香 港 中 醫 師 公 會 會 長 關 之 義 、 物 理 治 療 師 姚 洁 芝
香港中醫師公會 在 香港中醫師公會 的推薦與評價
香港中醫師公會, Hong Kong, Hong Kong. 1 like. Local business. ... <看更多>