現實中的Gone Girl
朋友圈中有不少其中一方控制慾非常強的情侶，身邊的旁觀者都只顧食花生，而曾經感同身受的我嘗試跟某一對了解過。
他說，其實又不是真的太過份，除了每次約會食飯時，不是相機食先，而是手機對話Record睇晒先，有異性的話，要清清楚楚告訴她那個誰，有什麼事要交談，對話不可以太曖昧，連Emoji都不可以有，只能「公文式溝通」，最好是書面語。
他：「有時我都盡量唔同女仔傾計喇，費事煩，交代呢樣交代𠴱樣。有次咁岩比佢睇到有個女仔同我講咗句：『Good Night，早啲訓喇☺』，佢（女朋友）即刻黑晒面懷疑我……我解釋咗十幾個鐘佢先信我……條件係我要Block咗佢。」這只是其中一次，其中一樣。
那你怎麼辦？這樣相處會很辛苦嗎？
他再說，「唔知點解佢覺得我身邊啲女仔全部都會同我有嘢咁，我依家係女性絕緣體嚟架喇……好驚有女仔無啦啦搵我，我會即刻Del左個Record……行街唔會望任何女仔，做個專一嘅男朋友！！！」
他在最後一句「做個專一嘅男朋友」加強了語氣，態度誠懇，我懷疑他的衫袋是不是裝了偷聽器，他要故意讓她聽到。
及後有次因為些無聊事而跟Gone girl打開了話匣，我直接地問：「係唔係佢做錯過啲咩，所以令妳咁緊張？」
她臉色一沉：「點解你會知㗎！？」
我沉著應對：「呃……因為我知道妳好錫你男朋友嘛，我之前女朋友都係咁緊張我！所以我哋應該可以傾下？係嘛？Relax！哈哈……」
「其實我擔心嘅唔係佢，而係佢身邊嘅女仔。」 她慢慢開始說：「佢身邊嘅女仔愈嚟愈多，個個都化晒濃妝，條裙又短、個胸又谷到上喉嚨……我真係唔夠佢哋撼，你睇下我，我殘咗幾多，又成日病，點化妝都唔靚，怕凍著唔到短裙背心……你諗下喇，一個著住戴住口罩，著晒外套長褲，點夠人地索？」
我：「但係佢份人專一嘛！其他女仔點都唔關佢事吖？」
她：「點都好，始終有一樣嘢我比唔到佢……我已經無晒新鮮感，去銅鑼灣行街，全部女仔都靚過晒我，望住佢哋，我有時會諗：『如果我都可以好似佢地咁就好喇。』」（但其實她本身很漂亮啦！）。
隔了一會，她再說，其實她也知道自已的控制慾會令人很討厭，令他很辛苦，但她不是想控制他，而是留住他。
她只想在他心中，有天能擁有別個女生無法取代的條件，可以令他知道她是最好，他的眼神能像第一天約會般覺得她完美。
「我想自己可以有啲嘢係佢永遠都咁鐘意，其他人無論點化妝都化唔到、點谷都谷唔到，可能係我為佢做過嘅每一件小事，又或者係一路以嚟大家經歷過嘅嘢。」
起初我以為她會大條道理的說：車，我鐘意Check咪Check囉，佢無野洗乜驚人Check、清者自清等等忽視對方感受的理由，但眼前有點內疚，卻又無能為力，只能忍著不哭的她，其實也不太好受，她不想那麼小心眼，只是莫名奇妙的自卑感叫她手足無措，漸漸變得過份著緊。
有天當他不再忽視她獨一無二的優點，那她便會明白街上多美的女生都之不過是霎眼。掏清了妒忌與猜疑，從此兩人安安心心，有自信的一起經歷更多。
【更多文章】：
(決定打理一下個Instagram，會開始喺個邊活躍多啲，Post多啲FB Page無嘅靚相、唔會令人too long didnt read嘅短文、開心Share美食、好戲、好書、遊記等等！Follow定我啦！)
FB: 《莎比亞》
IG：《shakespearelove》
最新出版: 《原來比單戀更寂寞》
食花生書面語 在 廣東話「食住花生等睇戲」(... - 星橋教育中心Starbridge ... 的推薦與評價
廣東話「食住花生等睇戲」( 簡稱「食花生」) 意味隔岸觀火，袖手旁觀睇熱鬧。 外國人點表達「食花生」呢個俚語呢？我地一齊學下啦！ ... <看更多>