中文有一句說話：「悶聲發大財」。
可能有人會說人一世物一世，最好狀態當然名成利就，才不枉此生。
但出咗名，而係壞名，冇利可圖；同唔出名，人哋唔了解你缺點，有利可圖，你揀邊樣？同理，公司話，一係畀高級title你加少少，同唔加title但加多啲人工，你會點揀？
我睇過好多八字。平均一日睇一個，開頭都好天真咁認為：佢果段時間好出名，應該好運，後來發現，打個比喻，有啲藝人淡出娛樂圈之後，先至係真正財源滾滾嘅時機，我太一廂情願，以為佢出名就係行運時候。
人慢慢長大，會有更實際嘅人生追求。例如食飯想食好西、搭車想call uber、揸車要Telsa（唔係最平果款）、買個手袋最好過萬⋯⋯推而廣之，手光禿禿，係咪都要搵啲嘢閃吓。地方住大咗，番唔到轉頭，而這所有的一切，都需要錢。錢在某一個程度上能夠買到快樂，起碼你可以躺在蓆夢思上哭，而不是地板。
祖師奶奶張愛玲說，她媽媽不肯談錢，即使生活已窘迫得不能不提，所以她知道錢的好處。第一次收到稿費，她去買的是唇膏，這點我很欣賞，也有樣學樣。我收到客戶的費用也愛用來買令自己開心的東西，例如香水。
八字裡有一說法「空亡」，遇上水空，即是虛名虛利。現在我變得比較實際，願望就是如江老所說：悶聲發大財。哈！
#陳禛彌 #陳禛彌八字工作室
@JC PIXIE MEDIA
陳禛彌八字工作室 在 #陳禛彌命理工作室 - Explore | Facebook 的推薦與評價
通常大家睇八字運程，唔係睇嚟緊一年就係睇一世。有啲師傅會整命書到大概70歲，係一世同埋流年嘅分析結集，比較貴。流年/一生價值比較相宜，多人揀，但係人生好多 ... ... <看更多>