【荃灣】南豐紗廠活化後成為好多文青去影靚相嘅地方，裡面有唔少商店進駐，不過我就唔係好啱行😛多數黎食野，貪夠近屋企啫。
大半年冇黎，都唔知呢度變咗狗狗嘅天地，好多主人帶埋狗狗黎散吓步、影相，幾好喎，地方夠大，又有冷氣，主人又可以食野 (有啲cafe係pet friendly🐶)
RETOLD喺1樓，全店面積唔細，除咗吧枱，仲有兩三張大枱✍️到訪當日限聚令再生效，店內可以坐嘅位置得一半，就算有限時都可以理解。
食物有牛角包/多士/沙律/貝果/蛋糕/意粉(週末午市)；除咗咖啡，有酒類、果汁、拿鐵(比較特別係紅菜頭同薑黃)
👉焙茶荔枝貝果 $48
👉開心果芝士蛋糕 $48
👉意大利野莓撻 $52
👉Cafe Latte $36
👉Beetroot Latte $42
貝果三款，口味幾特別，仲有隻奇異果青檸羅勒，都好奇係咩味，唔知貝果係咪自家製(?) 我點咗焙茶荔枝味，貝果即時翻熱，外皮脆度高，裡頭唔乾有咬口，加熱時間剛好，口感唔錯☺️內餡反而冇想像中咁正，焙茶味唔出，撕碎嘅荔枝肉量唔少，食落冇咗香甜多汁嘅感覺，兩者搭配唔算好融洽🤔
開心果蛋糕對我黎講甜咗啲，尤其是面頭仲有咁多糖霜。野莓撻底唔係脆身𠴱種，吉士餡幾香，有莓酸相對冇咁膩口👌
咖啡奶味偏重啲，面頭奶泡厚綿，拉花到尾都完整。紅菜頭拿鐵幾有趣，隻粉紅色好實在，天然紅菜頭同香茅味唔怪喎，仲係用植物奶嘅添，vegan都啱飲👐
Retold coffee • tea • spirits
地址：荃灣白田壩街45號南豐紗廠1樓102號舖
開心果芝士蛋糕 在 年節簡易甜點「開心果巴斯克起司蛋糕」簡單7步驟美味輕鬆上桌 的推薦與評價
... 巴斯克#起司 蛋糕 #年夜飯年節美食親手做最別緻簡單又帶年味的甜點~ 開心果 巴斯克 ... 【巴斯克 蛋糕 Basque Cheese Cake】• 奶油乳酪Cream Cheese 135g• . ... <看更多>