讀者投稿《攪風攪雨奶奶篇》
我奶奶性格妒忌心重，霸道又喜歡講人是非。我老爺，老爺呀媽都好淋，唔敢向佢say NO, 間接做就今日既佢。我老公同叔仔由細訓練到個腦識自動Filter。我都係近年先filter 到。以下只是一小撮。我已經睇化咗，得啖笑。
1）我哋住外國，多年前和老公搬咗去外州。奶奶第一次去新屋探我地，帶咗成喼擺設，又龍，鳳，釣魚翁，和尚仔之類。將我原有的擺設搬走，換晒佢帶來嗰D。
2）結婚所有大大小小野，佢都話事。我連婚紗底下的內衣褲佢都要過目。佢死跟我去買，我話唔洗，佢自己跳上車，話「冇所謂啦」，仲要睇埋我試。佢仲自己走去改禮服地方，要求睇我呀媽條裙，因為佢要揀條靚過我呀媽的。
3）因爲我呀媽唔同意我奶奶拿我時辰八字去盲公陳度夾，原因係唔通盲公陳話唔夾就唔結咩。結果，我奶奶打電話高八度聲缐對我訓話，內容我以為只會出現於粵語殘片...「你依家嫁入X家，做X家新抱，死係X家既鬼，我係你奶奶，你要聽我既說話，唔係我會嬲架」。佢又打俾我老公，狂數我呀媽，話佢無腦自私。我老公問佢做乜同我講D咁既說話，佢話佢冇講過。
4）結婚時男家沒有出錢，我地其實冇所謂，都唔想佢地用錢，但奶奶周圍同人講到佢自己好闊佬，人人以為我老爺奶奶出好多錢。咁結婚當日落大雨，佢同我呀媽講，結婚落雨代表男家闊佬女家cheap。其實我父母送咗好多嫁妝俾我，相反老爺奶奶冇送任何野，連金器都叫我戴佢幾十年前結婚嗰D。
5）當年剛有咗第一個時，叫我食佢整既綠豆粽，話佢整既係唔會涼既。生完12朝，暗示叫我老公驗DNA. 在我背後打小報告，話我生完BB，佢來探我，我在房餵奶咁耐，唔斟茶俾佢。我果日下晝四點都仲未食飯，新手媽媽已經好累。結果我老公鬧佢擺款。
6）佢自己留自己食飯，我媽預備俾我的坐月餸，要蒸的佢拿去焗，結果焦到起角，唔食得。要我食佢買的焼鴨，味精粥，油炸鬼。因為奶奶覺得佢既野係寶，人地既係草。
7）又靜靜雞打電話俾我，話我知佢唔鐘意我，最鐘意係我老公以前再以前個女友，因為佢唔會對我老公say no. 但又強調我老公冇揀錯老婆，因為我有個旺夫鼻，叫我千其唔好去整容。當然佢又唔認講過呢番說話。
8）成日俾好多糖我2個仔，要加句「你呀媽唔俾糖你地食，嫲嫲俾你架」 在我擰轉面時塞個電話我仔玩，又加句「你呀媽唔俾你玩，嫲嫲俾」。其實我2個仔平時都有食糖同玩好多電子產品。我從不在孩子前數奶奶，可幸是2個仔漸大，識分是非對錯。
其實，我老公係唔理呢D婆媳問題，但近年我叔仔結婚，我老公先觉得佢呀媽鍾意挑撥我哋（同叔仔）既夫妻關係，依家我哋有共識，保持距離，唔敢講野佢知。
#退一步海闊天高
#我的極品四大長老
釣魚翁新手 在 ~新手假日行山群組HikingNoviceGroup~ | 【香港三尖】-釣魚翁 的推薦與評價
【香港三尖】-釣魚翁!! 詳細『打卡位逐一介紹』同可愛尖尖影相! 醉人海灣～好似置身外國瞭望台! 好靚嘅航拍片段分享～不看不知釣魚翁咁險～ ----- 起點/終點： ... ... <看更多>