昭華果然是魏瓔珞女兒😁 #愛大編
影片來源： Netflix
新聞IG全新開版追起來！bit.ly/ttshow_news
#魏瓔珞 #昭華公主 #金枝玉葉 #延禧攻略 #台灣達人秀 #達人秀新聞 #達人秀影音
金枝玉葉2結局 在 台灣達人秀 Facebook 的精選貼文
金枝玉葉2結局 在 港唔斷戲 Facebook 的精選貼文
《金枝玉葉2》的求婚結局
—
張國榮入到書房，睇到一幅巨型嘅非洲草原壁畫，呢一刻《追》響起，哥哥喪跑。然後去到機艙一幕，周華健坐低咗喺袁詠儀旁邊，哥哥出現叫佢換位。
—
袁詠儀：「你唔可以唔好郁咁多啊？」
張國榮：「點解你要一個去非洲？」
—
袁詠儀：「漁佬話，離香港最遠嘅地方就係非洲。」
張國榮：「咁你即係仲係好憎我，唔原諒我。」
—
袁詠儀：「你搞到一獲泡咁，問題唔係你，係我自己都信唔過我自己。」
—
袁詠儀痛哭，張國榮將佢一抱入懷，空姐見勢色唔對，前嚟慰問。
—
空姐：「先生先生，無咩事吖嘛？」
張國榮：「無嘢...我安慰我老婆。」
—
空姐：「老...老婆？男人嚟架喎？」
張國榮：「唔得架？」
空姐：「得得得...」
—
張國榮:「嚟啊...我哋番屋企吖。」
「我哋嘅屋企咪係非洲囉，吓？」
袁詠儀：「我哋仲可以返去咩？」
—
張國榮：「無論發生過咩事，開心又好唔開心又好，都係我哋屋企嚟架。」
袁詠儀：「如果再過多幾年，我哋又唔得，又要分開，咁點啊...」
—
張國榮：「唔會架...」
袁詠儀：「如果呢？萬一呢？」
—
張國榮：「如果今日你唔比個機會我同你喺埋一齊，你又點知聽日我哋可唔可以喺埋一齊？」「應承我。」
袁詠儀：「應承你咩啊...」
張國榮：「應承我，同我冒一個險。」「嫁比我。」
—
最後二人相擁，電影結束。
—
好多時候，人都會喺關係裡面迷失，入咗樽頸位，好似遇到好多可能無辦法解決嘅問題，然後就會離開。《金枝玉葉二》入面玩第三者，出軌係咪一個無可克服嘅障礙呢？千迴百轉之後張國榮同袁詠儀同時發現，原來大家都曾經錯過，哥哥同靚靚都分別曾經同梅艷芳發生過關係，兩個人都曾經背叛過自己嘅情人。
—
過去無得追悔，甚至你好難比較邊個啱啲，邊個錯啲。係酒醉出軌衰啲？定係清醒地搞三搞四嚴重啲？人唔可以改變過去，同時又無辦法控制未來，佢哋唯一可以做嘅，就係把握當下。
—
「應承我，同我冒一個險，嫁比我。」愛並唔係比你搵到一張飯票，搵到一個100%令你可以永遠幸福快樂嘅人，而從來都係一場冒險。可能去到聽日，兩個人就突然間唔會再相愛，跟住分手，老死不相往來。
—
愛最珍貴嘅地方，係在於佢嘅不穩定性，係在於今日唔知聽日事，所以先顯得當下嘅愛特別珍貴。講幾多將來都係假，唯呢一刻嘅擁抱係千真萬確，你可以感覺到對方嘅體溫，可以感受到對方嘅鼻息同心跳，然後同對方講，我唔會承諾永遠愛你，但我喺呢一刻會盡力。
—
「嫁比我。」雖然掌握唔到未來，但你可以用行動話比對方聽你對未來嘅決心。袁詠儀問「我哋仲可以返去咩？」係因為佢覺得「係我自己都信唔過我自己。」，兩個人嘅問題唔會聽日喺瞓醒就突然間無曬，可能你仍然會有你嘅臭脾氣，有你嘅壞習慣，有你嘅不良僻好，連你都唔信自己會改變到。
—
但愛就係，當你自己都信唔過自己嘅時候，原來呢個世界仲會有人願意去引領你，相信你慢慢會變好。
—
如果你搵到一個咁嘅人，可能有時佢會煩咗啲啲，可能會有少少霸道，可能會有些許不近人情，但如果你真係搵到一個願意接受你嘅過去，同時嘗試引領你去美好將來嘅人，點都唔好放手，捉實佢。
