作為一個寫好多婚姻同愛情既作者
我一直都相信，兩個相愛既人一定可以一生一世
係難，但努力，就可以
但我一個月內聽到四個朋友不約而同地同我講，我想離婚/我要離婚/我離左婚
每一次聽，都係對我一次沉重既打擊
我諗唔明，到底點先可以唔離婚
我問老婆，佢答我，唔好結婚
我心諗 What the fuck？
問佢，咁你又同我結婚？
佢話，試下咋
作為一個作者，我千方百計去思考去寫出令大家有所改變既文章，但聽得愈多，我愈覺得，I know nothing
突然間我明唐三藏點解去取西經，當你以為自己睇得好透，講得好有道理，但點解身邊既人，一個又一個倒下？
曾經有人介紹我睇一篇詩歌，作者係倉央嘉措既十戒詩
佢唔係日本人，而係西藏第六世既達賴喇嘛
大家可以睇下原文
第一最好不相見，如此便可不相戀。
第二最好不相知，如此便可不相思。
第三最好不相伴，如此便可不相欠。
第四最好不相惜，如此便可不相憶。
第五最好不相愛，如此便可不相棄。
第六最好不相對，如此便可不相會。
第七最好不相誤，如此便可不相負。
第八最好不相許，如此便可不相續。
第九最好不相依，如此便可不相偎。
第十最好不相遇，如此便可不相聚。
但曾相見便相知，相見何如不見時。
安得與君相訣絕，免教生死作相思。
睇完我明點解會有人想出家，因為太多太多快樂，當你睇埋附帶痛苦後，你會發現自己玩唔起⋯⋯
我奉勸打算結婚既大家，呢件事唔係你諗得咁美好，唔好以為咁簡單，呢條取經之路凶險重重，你絕對絕對可以選擇唔結，但當你踏上呢條路，要有死無全屍既準備
已婚既我，對於點去抗拒離婚唯一既方法，只諗到，唔好結
達賴喇嘛老婆 在 她，心裡想「這真是我的好老婆」 - Facebook 的推薦與評價
如果她都不准你修練的話，那就把您的老婆當你的上師，至少在家裡要尊重、隨順她，心裡想「這真是我的好老婆」，就這麼做。 ＃達賴喇嘛113住世語~ ... ... <看更多>