關於 週末遊廢人包 ，我們在網路上蒐集到這些相關的討論、資訊與評價

【#週末遊廢人包 - 人氣《貓美術館》殺入香港！】

貓奴注意！由日本知名畫家山本修主理嘅「貓美術館 – CAT ART世界名畫展」，繼巡迴台灣同日本後，將會喺11月頭登陸香港北角匯！呢個「貓畫展」喺台灣日日逼爆，今次仲會喺香港展出超過61幅作品，真係隔住幅畫都想狂摸主子，得意到犯規！
.
除咗有阿喵亂入多幅名畫，展覽仲會有3D大型裝置畀大家打卡，連現場換領嘅小禮物都係香港獨有！而台灣舉行展覽期間，逢星期五會開放畀奴才帶埋主子入場，唔知香港又有無呢個安排呢？作為一個貓奴，我同另一半真係流晒口水，好想去啊啊啊！
.
【貓美術館 – CAT ART世界名畫展】
日期：2020年11月至2021年1月（有待公布）
地址：北角匯1至3期
.
#拍拖好去處 #拍拖 #情侶 #貓 #貓美術館 #畫 #展覽 #香港 #貓奴 #主子
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm介紹拍拖好去處，我哋等緊你㗎😙！

#請不要帶走芒草【#週末遊廢人包 - 唔只得大東山睇到芒草！盤點4個「賞芒」好去處 】

!!!（溫馨提示：疫情反覆一定要戴口罩做好個人衛生，記得帶走垃圾、唔好踐踏芒草、唔好帶走芒草）

每年10月尾－11月頭都係芒草盛開嘅好日子，再加埋天氣涼浸浸，同另一半去行山順便「賞芒」真係perfect池！但有鑑於上年有山友抱怨大東山仲多人過行年宵，人仲多過芒草，其實睇一條條「毛毛草」fing下fing下係咪一定只可以去大東山？今次為大家盤點4過賞芒好去處，難度由新手都carry到至高手難度都有，咁咪唔駛逼晒去大東山都睇到芒草囉，仲可以同BB邊行山邊拍拖，趁住週末plan下去邊個啦！
.
1. 大東山
雖然話已經係熱門芒草盛地，而且一定多人到癲，但作為芒草究極霸主，大東山山頭的確擁有一望無際大片芒草，秋天更加會染成金黃色，再加埋爛頭營石屋真係零舍有feel！唯一缺點就係秋天weekend去真係多人過落旺角，如果想去就最好揀返平日～

難度：4.5分（5分為最高）路程上落差大，需要大量體力
交通：港鐵東涌站搭3M／11號大嶼山巴士，於伯公坳落車即到起點
注意事項：切勿爬上爛頭營石屋影相，除咗危險，亦會對石屋造成破壞。
.
2. 大帽山
大帽山係全港最高山峰，上山沿路兩旁已經可以見到種滿芒草，山頂嘅圓形天文雷達站亦好有特色，頗具太空感，唔少市民會打卡留念！雖然話就話全港最高，但大帽山唔算難行，有交通直達大帽山郊野公園，行得快一個鐘多啲就上到頂，對新手嚟講慳返唔少路程同腳力～ 山頂仲可以望到全港八成地區，屬於易行又有靚境、懶人之選！

難度：3分（5分為最高）交通直達，大帽山茶水亭有補給同廁所！
交通：港鐵荃灣站搭51號巴士，於川龍站／大帽山郊野公園站落車
.
3. 飛鵝山
提到飛鵝山，大家第一印象一定係偷情聖地... 但其實佢同時亦係一個賞芒好去處，芒草之間有唔少田園小路，等大家真係可以行入去，有置身芒海嘅感覺（雖然有路但當然都要小心唔好踩到芒草）！另外，飛鵝山芒草顏色亦最多變，白色同金黃色都可以睇到，再加上位處九龍市區，交通非常方便（嗯，難怪係偷情聖地）！

難度：4分（5分為最高）較多泥路級石路，要注意往來車輛，自殺崖一帶崎嶇難行，新手可於登頂後略過此段
交通：九龍灣德福花園搭1號小巴於飛鵝山道落車
.
4. 東洋山
東洋山唔算係熱門行山路線，但其實登頂後可望到大片芒草，話幾乎成個山頂種滿漫天芒草都唔誇張！其實佢只係位處飛鵝山旁，但人煙較少，適合想享受二人世界、真正親近大自然嘅情侶。而東洋山嘅日出亦非常出名，有經驗人士可以行夜山睇埋日出，夠晒浪漫！

難度：3.5分（5分為最高）僅高532米，需時較短，但要不停上落樓梯，中間亦較少休息位，中規中矩，但都要啲體力！
交通：
（1）黃大仙搭村巴 NR806 ，於觀音山花園落車，沿飛鵝山道及大老坳上山
（2）九龍灣德福花園搭1號小巴於飛鵝山道落車
.
最後提提大家，知道大家都想趁weekend去行山抖抖氣，加上芒草又靚，女朋友當然想影返幅靚相！不過大家都要量力而為，亦唔好為咗打卡做啲危險動作，最後當然要自己垃圾自己帶走，同唔好踩／摘芒草啦！（唔想假期後又見到：大東山變垃圾山 芒草慘死之類）
.
圖片授權：FB @Kent Mok, Kam Lau, Kklaw Law
IG @katayanng, photoby_dfpc, pigshan.kekeke, rickychan717, aiiiyahhh, ho_sin_ting, in_waynec, hikingneverstops（介紹行山好去處）, nevaskaaa , 大家鍾意記得follow返，thx!!
.
#芒草節 #秋天 #芒草 #行山 #飛鵝山 #大東山 #東洋山 #大帽山 #大自然 #拍拖好去處 #郊遊 #露影 #日出 #日落 #打卡 #攝影 #香港人 #情侶 #愛 #愛情 #愛情語錄 #女朋友 #男朋友 #香港好去處 #拍拖 #拍拖活動 #香港 #正
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm介紹拍拖好去處，我哋等緊你㗎😙！

【 #週末遊廢人包 - 天后新開全黑工業風cafe！超有性格外型意外賣可愛早午餐～】

唔知大家有無識過啲fd，一開頭睇落串串貢（有啲west），但識落先發覺佢份人原來好nice，反差真係夠晒大！而最近天后新開一間cafe都有異曲同工之妙，有種可愛反差萌... 呢間cafe佔據一棟全黑building底層。巨型鐵鏽色大門加超高樓底，仿水泥牆再黑白檯凳，瀰漫住濃濃嘅工業風！不過如果你以為佢係間型格shisha吧就錯了，因為原來佢係間賣超可愛早午餐嘅cafe，主打漲卜卜迷你pancake仔，每樣食物都精緻到編輯流晒口水！！！
.
今次呢間cafe係西九「HOOMAN by the sea」嘅分店，不過就同主店非常唔同，行嘅係黑墨調嘅個性工業風，但食物就以豐富嘅輕食為主，超大份All Day Breakfast、山渣士多啤梨汁迷你pancake仔、鮮果彩虹Yogurt bowl、扭扭churros等。重點係賣相超有少女心，款款擺盤同造型都勁可愛，真係睇相都已經好想食！
.
除咗各款輕食，當然仲有大家最關心嘅coffee & tea，小店有水果冰茶同各種咖啡畀你揀，Iced Latte仲係超靚漸層，大家如果歎啡記得影咗相再攪勻～ 今次天后新店同主店一樣都係寵物友善，供應毛孩都飲得嘅cappuccino（當然唔係真咖啡啦不過），有時仲會見到店主狗狗幫手看鋪。聽日一於拖住另一半兼帶埋毛孩，一齊去chill下啦！
.
最後提提大家，雖然疫情緩和，但都要注意個人衛生，或者bookmark定遲啲去又得姐，係咪？
.
【Super Hooman】
地址：天后清風街16號地舖
營業時間：星期一至日 09:00 – 18:00
.
圖片授權轉載：
IG @_c.andre, marcosora, mochi_shibaa（圖中柴柴！）, k_a_r_e_n_g, majorinfood, handsupforfood, sharefatinfood, cafe.hopping, foodietheviv.com.hk
thanks!! 細圖有link，大家鍾意記得follow返佢哋！
.
#天后 #cafe #pancake #班戟 #甜品 #旅行 #工業風 #咖啡 #出走 #週末 #寵物友善 #咖啡店 #churros #打卡 #香港人 #情侶 #愛 #愛情 #愛情語錄 #女朋友 #男朋友 #香港好去處 #拍拖 #拍拖活動 #香港 #好西 #foodie
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm介紹拍拖好去處，我哋等緊你㗎😙！