【轉工的勇氣】
最近喺Instagram開緊心事台，
聽下大家煩惱，順便呃下水吹
（今日又開緊：@hkgirlfriend）
發現好多人嘅煩惱都係來自轉唔轉工
好抱歉，我係一個從未轉工嘅人
此話何解？第一份工係數碼電台，做做下成間執咗笠
第二份工因為政策定唔知咩原因，總之我又一次被遣散了～
所以我無經歷過辭職嘅問題。
因為我都係一個非常害怕新轉變嘅人
而且我可能係世上最討厭social嘅人之一
我好怕轉新環境，我好怕要全新去識一班人
我最怕uncertainty，所以我好有潛質去做嗰種係一間公司四十年嘅老屎忽。
Anyway，命運就係咁
我哋每個人都係被命運推著走，
有時候你唔想轉變咩？個天就逼你去變
有時候你好想轉工咩？你啲CV偏偏就去如黃鶴
但，我好相信每個「改變」或「不變」都有其原因。
經歷兩次被遣散，一夜之間失業，感覺失去全世界
但呢兩次嘅轉變令我嘅路途出現咗新分支
由電台轉去寫作，到今日轉做freelance，
每一個轉折點都令我發掘到自己同呢個世界嘅其他可能
我明白改變嘅恐懼，未知帶來嘅不安
但你只需要叫自己勇敢，跟從自己嘅心同命運而行
因為人愈大我就愈覺得「只係一份工啫」
除非你知道你依家根本係overpaid，自己其實又廢又垃圾
否則能力唔會因為你離開一個地方就失去
你有能力的話，隨時你都可以重新開始
但如果你唔踏出第一步，你就唔會知道你身上有無其他可能性。
呢個世界最可怕唔係被別人睇小
而係你自己親手扼殺自己嘅可能性。
唔係話轉工就一定係正確嘅路，
有可能依家呢間公司先係你嘅true love
轉工又唔係離婚，何況離婚都可以再婚呀。
而當你有懷疑時，why don't give yourself a try？
呢個世界老公只有一個，好工卻不只有一份。
轉工、轉行、又或者係其他恐懼
同跳傘一樣，最可怕嘅只係踏出第一步
想吹水去IG：@hkgirlfriend
轉工的勇氣 在 轉職需要很大的勇氣- 工作板 - Dcard 的推薦與評價
最近辭掉自己出社會的第一份工作，因為想要往另一個方向走，所以目前處於學習轉職的階段，現在沒有事的時候幾乎是都在家，所以每天都會要求幾個小時 ... ... <看更多>