Search
有工作要感恩, 特別在這時候, 更加要感恩. 謝謝客戶 , #李漫芬公關工作室 今天串連了 #譚玉瑛姐姐 到Yoko 的facebook, 同大家分享一下健康心的, 近況和分享一下近期服用 #御藥堂靈芝孢子 的感覺 , 改善和優點, 非常順利呢 謝謝大家, 祝大家安康平安!!!❤️❤️❤️
3月6日 #萬寧出位價 $199 買12送2呀 , 平均$170 , 記得快點行動啦!
#辛苦老公做湊仔公
#好彩奶奶煮定餸比我地
#可以除口罩一陣咁多啦
14.10.2018 @ 蘋果日報
【熱鬧過台慶】前無綫監製潘嘉德70大壽 花旦小生空群而出
人稱德哥嘅無綫監製潘嘉德，人緣一向極好，今晚佢喺中環一間酒家擺70大壽壽宴，筵開35席，除咗花旦小生空群出動外，昔日合作過嘅圈中好友紛紛到賀，包括汪明荃、梁漢文、宣萱、周勵淇、楊怡同老公羅仲謙、謝天華、譚玉瑛、梁舜燕、林峯、李克勤夫婦，單立文同太太、 陳煒、梁漢文、湯洛雯、李添勝、梁家樹、陳鍵鋒、高海寧、黃智賢、陳智燊同老婆宋熙年、趙希洛、梅小青、德哥昔日訓練班同學談泉慶、賴水清等等，場面熱鬧過無綫台慶。
大約夜晚8點，德哥出嚟影相，佢話今日只係請吓朋友食飯，多謝傳媒朋友。之後阿姐汪明荃到場時，德哥更親自出嚟迎接，兩人互相祝青春常駐同互攬。
德哥係無綫第4期藝員訓練班畢業生，同期同學有杜琪峯、黃杏秀等等，但畢業冇幾耐，德哥就轉去幕後發展，80年代尾開始喺無綫擔任監製，作品包括《卡拉屋企》、《刑事偵緝檔案》、《鑑證實錄》、《衝上雲霄》同《On Call 36小時》等等，係無綫金牌監製，不過效力無綫43年嘅佢，最終係今年5月退休離開娘家。
《 國際夢 》
( Based on a true story )
Chris Lam ，林日曦，同 Yvonne Tam， 譚玉瑛， 佢哋兩個响 Kong U 認識，Year 2 開始拍拖，仲好好彩唔使驚香港土地不足，可以住hall兼扑嘢。
曾經有人同我講笑，話响Kong U畢業出嚟嘅女仔，冇一個係處女，香港開埠以嚟，只有一個例外，佢叫劉淑儀。
我個心離一離，知道佢唔係講笑。
講返林日曦同譚玉瑛，09年畢業之後，Chris 去咗將軍澳教中學，Yvonne入咗Big 4 ，就係亞視永恆執笠嗰陣時清盤嗰一間，捱超級騾仔，即係收一份人工，做兩份9小時工作，兩個人加加埋埋收入都有60K左右，開始儲錢結婚。
Yvonne 份人冇乜要求，只係希望將來有自己嘅小天地， 同埋要Chris應承佢，第日生BB一定要入私家醫院唔住公立，同埋小朋友一定要讀國際學校，同埋第日有閒錢一定要請外父外母去歐洲，同埋下刪一萬字。
騙徒手法真係層出不窮，林日曦話等佢有閒錢，即係等有人嗌佢「收嘢啦 ！」嗰一日，一兩個億都茂問題。
2012年聖誕節，佢哋終於拉埋天窗，响第一城供一個兩房單位，我記得，當年佢地張帖印咗兩個公仔，寫住《 C Y 結婚了》， 嗰陣時，CY呢個名唔單止未發臭，仲幾吃香添，未有乜嘢龍蝦齊陰、UGL嘅出現。
結咗婚兩年半，佢哋個BB女出世，由於希望佢將來好似皇帝女唔憂嫁，所以同個BB女改咗個英文名，用影印機跟足英女皇個曾孫女一樣，叫 Charlotte 。
故事，而家先至開始……
（ 本故事純屬虛構，內容屬實，如有雷同，實屬慘情 ）
係人都知道，Chris 出世嗰陣時唔識喊， 接生嘅醫生發現佢口喺裏面含住粒金，差啲以為佢係轉世靈童，廿九幾年嘅成長發育期，文靜到冇朋友， 算得上係宅男2.0
不過呢位教書嘅林Sir ，响高登個朵就好爆， 綽號《 千首觀陰小腦細 》，網上講嘅嘢，同佢平時真· 林日曦木口木面，真係判若兩人， 唔知一定以為佢精神正常。
呢一晚，Chris 如常咁全神貫注喺i-pad，Yvonne一邊餵BB食粥仔一邊催促佢。
「 你唔好再上網啦，要快啲同Charlotte報幼稚園，如果唔係輸在起跑線就斃喇……」
「 得啦。」
「 你應承過我㗎，我今朝揀咗兩間，一間係德瑞國際幼稚園、一間係法國國際幼稚園。」
「 得啦。」Chris 對眼冇離開過個mon半秒 「得睡？乜嘢得睡呀？」
「 German Swiss Kindergarden 呀！ 」
Yvonne 今朝响電腦，都係search kindergarden， 唔知道 kindergarten 本身係德文，係ten 唔係 den， 以為kinder出奇蛋，加個花園就係幼稚園。
「 哦！咁梗係德瑞好啲啦，話到尾兩個有錢國家，強強聯手……」
林日曦根本就唔知道，瑞士有七成地區都係講德文， 歐洲好多國家五百年前都係一家人，佢一直以為德國淨係出產德國寶熱水爐、瑞士淨係識得生產瑞士糖，直到結婚度蜜月嗰年，參加康泰九天歐洲超值團，先至知道原來德國有咸豬手，仲鬼咁開心，响瑞士用咗15歐買咗一支孖人牌指甲鉗，雖然比起廟街榕樹頭嗰個阿婆，擺地攤五蚊一支嘅韓國指甲鉗難剪，但係始終都叫做用緊國際品牌。
「 咁一於揀德瑞啦，」Yvonne 放低BB女， 轉身行入廚房，「 你準備三千七百蚊，聽朝去交報名費……」
一聽到呢句說話，Chris 即刻好似畀醫院急救心臟嗰兩個鑊仔蓋响心口炸一炸，成個人彈起，幾乎撞爛ikea嗰盞99蚊吊燈。
「 你話乜嘢話？乜嘢3700蚊話……？」
「 報名費囉……」 譚玉瑛冇佢咁好戲，一邊咬住個蘋果，一邊窒佢老公，「你想個女學你咁冇出息? 要贏在起跑線呀！」
「 喂喂喂 ！ 我上次話要用三千幾蚊買部任天堂nx你又唔畀？」
「 膝頭上面就脾！幾廿歲人仲成日掛住打機。」
「 咁如果交咗報名費，佢地唔收 Charlotte 咁點呀？」林日曦個樣，好似五歲小朋友同特首研究住屋問題咁認真。
「 咁你上次係馬會買咗500蚊車仔，最尾輸1比0，咁又點呀？馬會有冇得退番畀你呀？」
「 車仔輸波嗰場，咸豐年之前啦老婆……」
「 我唔理呀，總之聽朝一齊去排隊交報名費，如果唔係，我就同個女返外家住！」
※ ※ ※ ※ ※ ※ ※ ※ ※ ※
僑福道，係山頂嘅僑福道。
唔係乜嘢荃灣又叫做「九龍山頂」，人哋大富翁都識得地理，唔會傻到將荃灣、山頂、九龍用同一隻顏色。
認真，七百四十萬香港人，最少七百三十九萬未踏足過山頂僑福道， 連僑福道喺邊一dud都唔會知，所以話，收得你三千七百蚊報名費，唔通係馬寶道咩。
朝早七點半，Chris 同 Yvonne 已經搭的士嚟到僑福道幼稚園門口 ，call香港飛的85折，連埋兩條隧道都要兩舊半。
點知一落車，前面已經有三四十人排緊隊， 好彩交報名費唔駛抱埋BB，如果唔係真係企到腳跛。
林日曦見到排佢前面嗰個平頭裝麻甩佬，竟然企喺學校門口煲煙，啱啱想發圍，佢老婆即刻拉住佢，細細聲喺佢耳仔邊講 ：「 咪玩啦，上次我响公司見過呢個人，佢一入嚟我哋兩個partner即刻走出嚟迎接，佢係大陸上市地產發展商嚟㗎……」
「 好巴閉咩！」林日曦一臉不屑，繼續頭岳岳左望右望，見到一個靚女行緊埋嚟，佢帶住副白色巨型膠框 Gucci 黑超， 踩住對 4吋半Prada 橙紅色高踭鞋，「 老婆，你睇下呢個靚女，有八成似楊冪……」
「 佢咪就係楊冪囉！」Yvonne 撞一撞Chris 手踭，「 你唔見劉愷威抱住小糯米跟响後面行咩？」
林日曦一日懵幾勻，點都要畀佢搵到一個位入。
終於，佢見到一個唔知係唔係錫克教，不過包晒頭嘅喬寶寶行埋嚟排隊，「 話明國際學校，呢啲第三世界嘅人都埋嚟爭？」 林日曦 一貫嘅輕佻語氣，「 個個都嚟爭，我嗰三千七百蚊咪凍過水！」
點知個星哥行埋嚟自我介紹，佢話因為娶咗一個香港女仔，所以選擇同個BB留喺香港。
日曦冇搭嗲，仲細細聲、 好專業咁向老婆講解，「嗱，就算香港政府都唔當呢啲係外國人㗎，你睇下報紙就知道，喺蘭桂坊醉酒鬧事嘅鬼佬，警方公佈會叫做“外籍人士”， 而响元朗醉酒鬧事嘅印巴哥哥仔，警方就會公佈叫做“南亞裔人士”……」
喺香港長大嘅日曦，根本想像唔到，呢一位星哥嘅伯爺，係美國矽谷一間軟件開發公司嘅真·老細，佢唔單止見過喬布斯，仲同喬布斯食過幾次晚飯，淨係新德里間工廠已經請左六千幾人。
鏡頭，愈拉，愈遠。
愈拉……愈遠……
排隊嘅人龍，越變，越細，越變……越細……就好似一串行軍中嘅螞蟻。
Chris 同 Yvonne ， 永遠都唔知道，Charlotte， 到底需要乜嘢。
This is a tragedy.
李懂媽
譚玉瑛 今日為電影《捉妖記2》戶外宣傳活動擔任主持。她表示跟梁朝偉已10年無見，但每次遇見都會談談彼此近況。提到傳她跟初戀男友周震聲（Stephen）20 ... ... <看更多>
李家鼎（鼎爺）與 譚玉瑛 主持的第二輯《阿爺廚房》，週一（17日）首播，令兩人人氣再度急升！查實，外界對於 譚玉瑛 感情生活一直非常關注，但她多年來， ... ... <看更多>
譚玉瑛老公 在 譚玉瑛老公 - YouTube 的推薦與評價
01娛樂節目《摸杯底》邀請譚玉瑛（HELEN）擔任嘉賓。早前，一則失物認領的帖文在網上 ... ... <看更多>