『每個人都會死，但並非每個人都曾真正活過』- William Wallace (Mel Gibson.)
記得睇完由Mel Gibson 主演同執導，1995年上映嘅Braveheart (港譯：驚世未了緣 ) 之後，一直都想去蘇格蘭朝聖。2017那年終於有機會走一趟，睇睇蘇格蘭人當年點樣「反英抗暴」，走向獨立自由之路。其中一站嚟到 Stirling 參觀史特靈橋，呢條短短石橋，到左今日已經搵唔返絲毫戰爭遺跡，但就據講呢到曾經發生過神蹟！話說蘇格蘭義軍喺到擊潰數倍於己嘅英格蘭軍隊，仲打破埋「步兵勝不了騎兵」定律。史特靈橋之役就成為蘇格蘭獨立戰爭嘅重要標誌，激起連場獨立之戰。
整套Braveheart其實好直接，冇隱喻，好易明，就只係講一樣嘢—自由。英格蘭強權種種荒謬，迫使到華萊士領導蘇格蘭用極暴力手段去反抗，殺貴族燒城堡。面對強大敵軍，最終戰敗，但從未放棄爭取自由。 Just one chance, to come back here and tell our enemies that they may take away our lives, but they‘ll never take our freedom. 只有一個機會，回到這裡告訴我們的敵人，他們也許能奪走我們的生命，但是，他們永遠奪不走我們的自由。
全套電影最大諷刺位，就係華萊士明明為蘇格蘭爭取權益，但最後竟然被蘇格蘭貴族出賣，因為呢班貴族唔希望而家擁有利益喺獨立之後失去。所以寧願捉左華萊士領功，也甘願屈服強權底下，繼續獨享特權。
華萊士被捉之後，受盡多種酷刑折磨要佢屈服，但華萊士始終寧死不從，呢種氣慨連敵方英格蘭民眾都被感動，要求審判長開恩。可惜，華萊士最後仍難逃死刑，被判斬首。
華萊士送上斷頭台最後遺言：Freedom！
We all end up dead, the question is how and why.
我們最終都會死，問題在於怎麼樣死和為什麼而死。
就如中文所說：死有輕於鴻毛 重於泰山
#電影X旅遊
蘇格蘭獨立戰爭 在 英雄「威廉．華萊士」在同為蘇格蘭人的貴族出賣下 - Facebook 的推薦與評價
這是電影「英雄本色-BraveHeart」的歷史背景，蘇格蘭反抗軍在16年之後，擊敗英格蘭的軍隊，贏得第一次獨立戰爭，成功獨立重建「蘇格蘭王國」。 ... <看更多>