【 #愛情冷知識 - 男仔每日𥄫女平均長命5年！ 】
每次喺女友隔離碌IG都標晒冷汗，因為佢份人真係好變態㗎，我一度碌，佢竟然一路數住有幾多張女仔相！有次有個女仔fd好日都唔post嘢，嗰日無啦啦post咗張bikini相，我都未嚟得切碌走，已經聽到好大聲「哦～～～～」...... 之後無論我點解釋「我剩係愛你咋」、「張相我完全唔覺靚」、「下乜有波咩？」，佢都認定我衰咸濕，疑似有精神上出軌傾向！
.
不過我而家終於可以理直氣壯同BB講：「我𥄫女都係為你好！」
因為根據《新英格蘭醫學雜誌》研究指出，男性每日望靚女，可以降低血壓，有助預防中風同心臟病，平均長命4-5年！專家仲補充話望Double May效果係最好，因為望女就好似望住大自然啲風景咁，可以增加好嘅情緒記憶、促進正面思考。不過就要大波先有用，細係唔work㗎（睇到呢度，小編已經幾乎肯定專家係男人嚟，係sick啲嘢）～ 連心理健康都照顧埋，咁𥄫女咪仲健康過跑步？？？
.
以後再畀女朋友周到偷望靚女，就可以好深情咁同佢解釋自己都係被逼：「其實我一啲都唔想睇，但為咗將來唔會行先過你，我唯有繼續堅持呢個習慣。」咁多位ching都唔使再因為心髒病、高血壓擔驚受怕，唯一要擔心就係女友可能會殺咗你～贏咗5年命，輸咗之後嘅人生......
.
Tag男朋友話佢知「原來我一直錯怪咗你」，又或者Tag女朋友話佢知「以後我想幾時睇Double May就睇」！
.
#有次一開IG碌到葉劉 #女友都怒啤我 #葉劉做到你未來奶奶了 #女人的妒忌心 #真係無底深潭來 #情侶 #愛 #愛情 #語錄 #拍拖 #香港 #研究 #金句 #meme #睇女仔 #大波妹 #doublemay #咸濕
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
