【返工坐成日腳腫 4招消腫好輕鬆】#Like健康Tips
#上班族 由朝做到晚，成日坐喺度唔多郁，#放工 時有發覺 #雙腳浮腫 似豬蹄嗎？#OL 之間流傳臨瞓前靠牆抬腿，有助消水腫；網絡上更有人分享話呢招好掂，仲成功 #瘦小腿 添。
雖然抬腿消腫有效，但效果不過暫時性。雙腳 #水腫，原因係血液或 #淋巴 循環唔順暢。抬腿可以造成高度位能差距，幫助 #血液循環，減退水腫，但當雙腿放番低，地心吸力恢復作用，好快就會打回原形。
要改善水腫問題，專家指點4個妙法：
1 抬腿注意角度
抬腳動作唔係人人做得到，靠牆可以幫一幫。另外，雙腿做唔到，唔好勉強，單腿做，做完一隻再到另一隻手。角度方面，建議喺45至90度之間，做到60度即人上落樓梯時髖關節角度最好，唔得嘅話，盡力抬到時候要度都OK。有需要時，可以用枕頭或被墊高，抬腿時會舒適啲。抬腿時間約10至30分鐘，若覺得腳部發麻，唔好勉強，一定要郁下鬆一鬆，等神經和血液恢復運作先再做，咪誤信謠言，做到對腳痺晒先係好。
2 按摩促循環
唔想做抬腿運動，坐按摩椅放鬆雙腿，或人手按摩，漸進式向心推按一下雙腿，都有助消水腫。
3配合收縮腳尖
除咗臨瞓前抬腿，配合做埋收縮腳尖運動，消腫效果更好。動作好簡單，足踝用力將腳尖向心臟方向收縮，持續幾秒，然後放鬆。每隻腳做10至15次。
4 冰火浴
腳腫浸腳可消腫，傳統智慧！準備兩盆水，一冷一熱。將雙腳浸熱水1分鐘，然後浸冷水30秒。交替浸泡一下，溫差加強血管收縮反應，令血管內嘅水分不易滲出血管外，減少細胞間隙水腫。
以上幾個方法雖然可以去腫，但都係事後補救方法。一句到尾，最好預防水腫方法係做運動，加強心肺、肌肉、血管功能，促進血液循環，健康好，水腫bye bye。
=====================⠀⠀⠀⠀
【每日送上優質生活Tips】http://www.likemagazine.com.hk/
【Follow IG】http://instagr.am/likemagazinehk
腳水腫原因 在 腳水腫的原因,不要掩蓋症狀!!柏格醫生Dr Berg - YouTube 的推薦與評價
時間標示：0:00 水腫 0:58 水腫 的潛在 原因 2:11 糖尿病和 水腫 3:00 不要忽視根本 原因 柏格醫生dr berg 談可以根據 水腫 位置，來得知身體裡狀況。1. ... <看更多>