林忌：在武漢肺炎病毒出現之前，如果有人和你說，天下間有一種病毒，可以突然間令幾十億人2020年嘅人生，長期留在家中避疫，你一定會話佢黐線。一種新病毒出現，所造成嘅瘟疫的確可以改變世界。例如中世紀歐洲嘅黑死病；或哥倫布抵達美洲後，令美洲人口激減嘅各種傳染病；又例如第一次世界大戰後嘅西班牙流感。
然而醫學嘅瘟疫雖然可怕，卻有一種政治瘟疫，到今日仍然改寫了全地球嘅歷史；而更荒謬嘅，就係隻病毒唔單止洗腦，更成為了很多人以為係「自古以來」、「與生俱來」，認為冇咗隻病毒，佢哋係唔能夠生存。呢種病毒，叫做「中國」──經歷了幾次變種，呢隻病毒嘅毒性極可怕，不但會腐蝕一切，散播著貪污腐敗，由聯合國到世界衛生組織，都無一倖免。
中國病毒咁恐怖，早排有班人講笑話最衰係德國佬──馬克思；然而「左膠始祖」馬克思早就入咗英國籍，而德國當年仍然未立國；雖然馬克思「膠膠地」，但係佢所奠基嘅社會主義，係好係歹都改革咗人類好多唔公平嘅現象。而德國真正最大嘅錯，係在1917年第一次世界大戰嘅時候，由於俄國先行崩潰發生二月革命，德國佬使出終極生化武器──今次唔係毒氣，而係安排專車，送一條叫列寧嘅茂利返國。冇馬克思，冇列寧；冇列寧，冇史大林；冇史大林，冇毛澤東；但係當初放出列寧呢隻病毒嘅，係德國佬──德國特意安排專車，把流亡在瑞士嘅列寧，用鐵路先送去芬蘭，再送回俄國，贊助列寧以「反戰」嘅立場，推翻俄國政府而成立首個共產主義國家；馬克思只係理論家，列寧卻付諸行動，借此建立了「無產階級專政」嘅蘇聯；而蘇聯更透過「第三國際」四處滲透，甚至成立中國共產黨，最後養大了由毛澤東領導嘅中共魔頭.....立即有人反駁──係中共病毒，中國係無辜的；真係咩？中共就係打著「中國」嘅旗號，拎「中國」作為佢散播病毒嘅載體，由孔子學院到全球華人，都成為中共滲透世界嘅工具。而「中國人」，就在「愛國病毒」嘅加持下，承認中共即「中國」，絕大多數「中國人」亦承認呢個政權，甚至為此覺得好幸福──早兩個月，有好多人以為李文亮之死，可以叫醒班中國人；結果班中國人不但稱讚中國處理疫症，做得比其他國家好，甚至深信所有黨國體制製造出來嘅假文宣，認為全地球都世界末日，只有中國最幸福，就好似Cut港台記者線嗰位世衛官員－－話如果有病，好想來中國醫....（未完，全文按連結）
美洲人口2020 在 全球人口區域失衡? 未來人口爆炸? 七大洲人口數調查| 1955年 的推薦與評價
... <看更多>