《已X及掌摑》出世了！
（長氣，慎入😆）
好耐冇推出愛情小品，點解會用呢個tag做書名呢？
其實係每次象廚講埋晒啲爛gag，我就會喺自己fb寫低，點知換來係大家畀晒笑笑emoji，仲慢慢儲咗一班「＃已X及掌摑」嘅fans。原本，我打算將呢堆爛gag自己印少量書仔嚟玩下，但手頭上仲有一堆2-4格嘅情侶相處漫畫，同出版社肥佬傾過，不如出一本size細細好似男女相處的手冊，將啲甜酸苦辣齊齊分享啦......就咁，呢本書仔就出現了！😍
喺呢個時代，生活好多嘢都不由自主，每日都有種種煩惱苦惱頂心頂肺嘅事，或多或少都會令兩口子為咗好小嘅事嘈起嚟，或者將小事放大嬲爆爆，唔記得晒兩人相處時嘅點滴，唔再做一啲有情趣嘅小事去氹下身邊嗰位，那怕只是無聊地講一個爛gag大家一齊笑下。
當我回看自己所寫所畫嘅小事情，可能當時會好激氣嘅事，到今日睇返內心依然會媽叉佢，不過會即刻會心微笑，兩個人相處就係咁㗎啦，你激下我我激下你，到大家變成公公婆婆時，再講返呢堆嘢，其實係甜蜜嘅回憶呢！
多謝象廚畀咗咁多靈感我，冇佢嘅爛，我都唔知咩叫爛出宇宙！（之前喺ig story做過一個投票，竟然有1／3人話佢係暖男大叔，佢明明就係爛gag大叔！）
成本書仔都係我嘅手寫字、手繪插圖和漫畫，我覺得係一本好開心溫情嘅小書，雖然會爆下粗，但經過呢幾年嘅訓練，大家都應該練得一身好武功啦！
至於「已X及掌摑」個「X」究竟係咩字？我唔劇透喇，要你哋睇晒本書搵答案！😆
新書簽名會＋新產品發售：
7月17日（六）／ 3－6pm
地點： 格子 出版社
#等我每日post新書嘅精華你睇
#日日post轟炸你
