Search
👩🏻：嘩！個士多啤梨蛋糕屋好靚喎！每層都住一個人，喺裡面瞓覺喎！(指住嘅係家人的英文名)
👦🏻：唔係蛋糕屋，係真蛋糕嚟㗎！啲人唔係住喺裡面，啲人係用嚟整蛋糕嘅材料呀！
👩🏻：😨😨😨😨😨
#咁似啲鬼片嘅opening
#Trailer多數都會出呢一段
睇埋後面
仲有自己係烏龜，縮入龜殼嘅過程。
同埋一架車比個流星錘揼扁嘅過程。
#已經識畫連環圖 #第時漫畫搵佢畫
#一定係玩得mario賽車多
#做亞媽一睇就明佢畫乜
#5歲大福
相信不少人也有收藏的習慣，你的「寶貝」可能是毛公仔、漫畫書、模型、巴士等。每個人收藏東西的背後都有自己的故事，通常這故事都連接着個人回憶，玩具收藏家莊慶輝也一樣：「以前嘅年代如果有玩具玩，對小朋友嚟講就係好幸福！」
一見如故的舊玩具
阿輝收藏玩具，是因為一次偶然的機會，在街上遇上童年時曾經玩過的玩具，當時就好像重遇「舊朋友」一樣高興，急不及待把它買回家好好「聚舊」一番。當晚，他拿着玩具在床上輾轉反側，心想：「廿幾年後都可以遇返你，不如索性儲返你！」就是這樣，阿輝便開始這條漫長的玩具收藏之路。
瘋狂尋寶的日子
一開始他會到摩羅街尋寶，最瘋狂的時候每天早、午、晚也去一次，生怕錯過每一件玩具。不久之後，摩羅街的玩具已不能滿足他，他便走勻全港所有舊式屋邨，到訪不同的文具店、玩具店。「自己當年如果發現一個地方，就會不斷去嗰個地方買，之後又去第二區」。如是者，當買光了舊屋邨店舖的舊玩具後，他便會到別人放置玩具的貨倉，嘗試找尋埋藏在最角落的貨辦。
聽到這樣，大家可以想像阿輝為了尋找心愛玩具，可以去到非常瘋狂的程度。而這份瘋狂也讓他認識到不少志同道合的朋友，不但會一起「尋寶」，更會互相分享每件玩具的獨特之處及歷史，令他對每件玩具了解更多。
遊戲機盛行的年代
阿輝為玩具花盡心機、時間、金錢還不夠，他更想把自己的興趣變成事業。於是在十年前，他在上環開設一間專買賣舊玩具的店舖，更將它改名為「幸福玩具店」，分享玩玩具的幸福給大家。不過他慨嘆在開店初期，已察覺小朋友開始對玩具興趣不大，雖然平日也有不少學生經過他的店舖，但他們也不曾停下來細看玩具。
他認為這是因為有其他東西更吸引學生–遊戲機，阿輝對此感到十分可惜，因為實體化玩具與電子化玩具大有分別：玩實體化玩具時，小朋友可以加添自己的創意在內，用不同的方式來玩；而電子化玩具，則是由開發程式人員來控制玩具，需要按照他們所編排的路線來完成遊戲，創意被扼殺。
出書、辦展覽令更多人認識
「我哋依家搵到嘅玩具，有好多時會睇吓呢件玩具出處喺邊到，佢嘅生產年期、年代。」阿輝娓娓道來。看到現在的小朋友，已經愈來愈少玩實體玩具，阿輝希望做點事，令年輕一代可以了解到玩實體玩具的樂趣。因此，他與朋友一同舉辦街頭展覽，希望大家可以在一個較為輕鬆的環境中，了解更多得意有趣的實體玩具。
此外，他更與其他玩具收藏家一起編寫《香港玩具圖鑑》，希望為不同年代的玩具，作一個完整記錄，讓下一代了解更多玩具背後的歷史，讓實體玩具不會因為科技發展而完全消失。
今集《港。故》用6分鐘，讓童心未泯的阿輝帶大家重拾童真，憶起童年時玩玩具的記憶。
-------------
《港。故》：東網每周專題習作，講故事、講香港人的故事。
FB：http://bit.ly/oncckonggu_FB
IG：http://bit.ly/oncckonggu_IG
Youtube：http://bit.ly/oncckonggu_Youtube
我學習做YouTube的地方：http://goo.gl/zNT6Ck
黑豹第一日上映我已經睇咗兩次，今次想用一個角度嚟貫穿今次嘅影評－就係「對比」。未講點解係對比之前我想大家睇黑豹唔係當佢係一部英雄電影去睇，而係用點解黑豹會係MCU十週年嘅頭炮電影去睇。雖然同以往嘅英雄電影一樣，劇情上都有一個公式，但無論喺鏡頭、畫面、對白、角色等等都有一定程度嘅象徵意義喺入面，而我會用「對比」呢個角度去探討呢種種方面嘅象徵意義。
(劇透)
先講講電影比我嘅感覺，一套兩個鐘多啲嘅電影節奏拿揑相當之唔錯，對白有一定嘅深度去建構每個角色嘅性格，唔同場面嘅對白交代到唔同嘅背景關係，例如一開頭T’Challa返到Wakanda同媽媽阿妹嘅對白會感受到佢地嘅溫馨，華生飾演嘅CIA人員審問偷汎合金嘅KLAUE個陣可以知道KLAUE走私Vibranium嘅背景啦，同埋會知道外面嘅人係真係對Wakanda一無所知。順帶一提，KLAUE就喺Age of Ultron到已經係走私Vibranium，佢隻手就係比Ultron斬斷。除咗對白拍攝手法都充分呈現到Wakanda係一個點嘅國度，首先會有好多wide shot比觀眾睇到成個Wakanda嘅picture，另外我好鐘意好多「一take過」嘅鏡頭令到個空間感好強，呢種類型嘅鏡頭會令觀眾更加容易遊覽一個好大嘅空間，例如舉行儀式個陣女侍衛團用長矛打地嘅震動落水再出返天空wide shot去瀑布、賭場入面嘅打鬥由上面嘅Okoye一take影落下面嘅Nakia再cut去T’Challa打到上樓上同KLAUE對持射爆咗個錢箱，仲有華生喺實驗室起身，令幾個shot都係我個人最鐘意。
言歸正傳，我地開始入「對比」呢個角度。
十年前後的對比
十年前，MCU第一部電影IRONMAN，已經同樣地都係英雄起始電影。其實我自己會覺得MARVEL STUDIO係特燈揀黑豹做十週年頭炮嚟同IRONMAN做一個對比。首先，英雄嘅特徵其實係幾相似：超有錢、有高科技support、同樣地都係用盔甲嘅英雄。其次，故事劇情都係圍繞住英雄性格嘅改變。我會認為MARVEL STUDIO想透過用同樣都係英雄起始電影，呢十年佢地有幾大改變。而講述T’Challa作為一個國王點樣蛻變嘅故事正正可以象徵住呢一點。
Tony Stark同T’Challa嘅分別係咩呢？十年前MARVEL喺破產嘅情況底下問銀行借錢搞MCU，但個陣如果佢地失敗就會失去差不多全部角色嘅電影版權（我會推薦超粒方出嘅邁向無限之戰IRONMAN篇比大家睇）。作為第一部MCU作品，IRONMAN講嘅係一個風流自大嘅天才點樣改變，喺個陣嘅Tony Stark你唔會搵到成熟嘅感覺，就好似IRONMAN電影本身，係一個各方面都能力有限嘅新嘗試，我認為IRONMAN嘅成功會喺因為本身英雄選角得啱同副甲好型呢D因素，因為我本身覺得睇英雄電影呢件事就係大概知道劇情係點，入去只係會集中睇D動作場面同英雄點型法身上；而經歷十年嘅黑豹，由T’Challa性格已經話到比大家知佢本身已經夠成熟成為一個國王，故事就係話比大家知佢要點樣去成為一個獨當一面嘅國王，亦同Marvel一樣，MCU已經喺一個成熟發展嘅階段，以十週年頭炮嘅黑豹話比大家知，一部英雄電影係可以建構出Marvel獨當一面嘅深度。
所以我會認為故事藉著用「對比」呢個角度話比觀眾知黑豹比起十年前已經係一個有故事兼且成熟嘅英雄，所以電影入面都會有好多「轉變」帶出對比感。
先講主角T’Challa嘅轉變
T’Challa喺電影嘅形象由一開始已經係好冷靜沈穩，無論喺開頭同Bako嘅挑戰儀式最後叫Bako投降話啲族人需要佢再去到中段佢同華生嘅交談show到佢嘅外交能力。但有一樣嘢佢需要改變就係Wakanda過於傳統嘅思想，而佢點先可以察覺到呢樣嘢再改變呢？其實電影一開頭已經舖咗路。一開頭喺飛船嘅時候Okoye叫T’Challa見到佢個ex Nakia嘅時候唔好嚇親，佢就話 I never freeze 佢從來都唔會嚇親，但佢一見到Nakia就真係比佢嚇親，喺果個時候嘅Nakia係一個扮難民嘅間諜，呢一個嚇親可以係一個唔知道外邊世界苦難嘅國王見到呢啲苦難而被嚇親，電影中Nakia可以代表住兩樣嘢：1. 一粒改變Wakanda傳統嘅嘅種子 2. 相對代表住國民嘅離心。所以喺電影開頭已經喺T’Challa同Nakia嘅相遇，T’Challa潛意識已經被落下種子要改變Wakanda，亦呼應T’Challa想成為一個好國王嘅心。咁點解佢嘅轉變就一定係變好先，電影亦都透過好多場景比較呈現：
(一) 同先王嘅對比
T’Challa同爸爸喺祖先平原對話，從兩次對話嘅比較可以見到先王T’Chaka都有呈現一種只為國家著想只為國家做事嘅感覺。第一次個仔同佢講話仲未ready，佢就反問返個仔「你唔係已經準備咗做國王好耐喇咩？」，個仔就話係未ready無咗佢。第一次對話已經表現到先王對於國家以外甚至親情都擺喺後嘅感覺，比起先王T’Challa更加有自己嘅情感，之後佢爸爸就話It’s hard for a good guy to be a king，就正正講緊先王認為T’Challa重感情係一個好人，但咁樣好難做到一國之君，相反不理一切只跟隨制度去做就更簡單。連埋第二次嘅對話嘅比較，比起重親情嘅T’Challa，佢可以不理親情殺咗細佬掉低個侄，所以第二次對話最後T’Challa指摘爸爸係錯嘅時候已經不再迷惘，象徵當下已經用自己嘅見解打破Wakanda嘅傳統思想。喺畫面上我地都可以留意到第一次對話背景係黑夜，可以象徵當時T’Challa當時仲有迷惘；而第二次對話以清晨做背景，象徵T’Challa嘅醒覺。
除咗呢兩幕嘅對白仲有喺Zuri同T’Challa講完佢老豆嘅黑歷史之後話「We must maintain the lie」，下一幕就係T’Challa同Nakia講出呢個秘密。呢一幕嘅剪接好快話比觀眾知佢係唔會接受先代一成不變而造成嘅惡果，再將呢個秘密話比一個象徵改變嘅女伴知。仲有一幕就係當T’Challa問Baku借兵嘅時候佢話佢唔代表歷代皇帝，呢句說話表面係打動Baku，亦代表佢係打破歷代傳統開始統一緊Wakanda。
(二) 國王嘅對比
電影用Killmonger呢位皇帝同T’Challa比較，顯得T’Challa嘅轉變更具意義。佢嘅堂兄弟係一個充滿仇恨嘅皇帝同樣地想打破Wakanda傳統制度，Killmonger非常激進獨裁。雖然都係一個Wakanda人，黑人問題令佢喺外界充滿仇恨，眼中只有仇恨會令一個人失去理智；相比之下，同樣面對殺父之仇嘅T’Challa喺美國隊長內戰最後理解事情真相化解仇恨，但電影表現嘅Killmonger連真相都無理解到最後帶著仇恨死亡，因為最後當T’Challa想救佢嘅時候，Killmonger都係睇成一種要救返佢囚禁佢嘅仇恨而選擇離開。反映著即使要破舊立新都好，太過激進都係會物極必反，過於保守又會太過無情帶嚟惡果，凡事都要有個平衡立新得嚟都要保護到國家。電影中亦有用武器同裝備去象徵呢件事，兩次嘅挑戰儀式T’Challa都用咗攻守兼備嘅武器，表現除咗進取嘅態度亦有沈住氣嘅防守意識，相反Killmonger用嘅全攻形亦反映佢激進嘅態度；另外喺黑豹嘅suit upgrade個陣T’Challa同阿妹講原本套甲係”The idea by not being noticed”，所以佢揀咗紫色嘅甲，而Killmonger係用比較顯眼嘅金色，都有表達T’Challa沈實嘅一面，同埋如果紫色代表心型藥草的話，我會覺得係即使佢要改變制度都好，尊重而且保留傳統嘅美德都好重要。
其實講到呢度，黑豹對於主角T’Challa嘅背景、感情建構同埋同其他人物嘅關係已經落咗唔少功夫。跟著我地再可以睇下電影點樣表達點解跳出傳統思想咁重要。
有句對白印象好深刻，當Nakia叫Okoye一齊逃走個陣，Okoye話雖然佢好想跟佢哋走，因為要「效忠國家」所以佢唔走，呢度又一個例子表現盲從令人甚至放棄感情都唔敢違抗制度，作為對比嘅Nakia聽到Okoye叫佢「效忠國家」佢嘅回應就係佢會「拯救國家」save the country。先王T’Chaka講過佢掉低個侄係因為「He chose Wakanda」又係一個例子表現盲從令人無情，所以有自己思想嘅T’Challa當時話佢老豆係錯準備去執佢D蘇州屎個陣，都已經講緊盲從傳統令人無情甚至後患無窮，要有自己嘅思想先可以改變國家，獨當一面。 呢個思想係咪都講緊Marvel Cinematic Universe唔再好似傳統英雄電影咁，以十年第一炮嘅黑豹去表達MCU可以破舊立新地塑造一套獨當一面嘅英雄電影。順帶一提當Killmonger燒哂D心形藥草下一幕係一個鏡頭調轉嘅畫面影住佢行去坐上王位，燒草表達緊消毀傳統，連接畫面調轉暗示成個國家會被呢個行為顛覆同埋表達Wakanda政權已經被佢推翻。
最後電影以兩個首尾呼應嘅對比去令黑豹完滿。
第一係喺開頭嘅挑戰儀式T’Challa大叫佢係”Son of T’Chaka”之後一鼓作氣勝咗場比賽，到最後mid-credit scene嘅conference再以”Son of T’Chaka”介紹自己，以同一句對白但兩個不同場面首尾表達T’Challa已經由憤概轉變成熟。第二就係，十年前後嘅首尾呼應，十年前嘅IRONMAN最後Tony Stark係記招同世人宣布自己係IRON-MAN，有一種逞英雄嘅感覺；十年後以一個特徵相似嘅英雄黑豹，同樣地要顯示比世人知Wakanda有能力幫助出面嘅世界，十年轉變，黑豹係代表成個國家，而且最後嘅鏡頭同樣地都係影住佢地嘅笑容T’Challa嘅笑係充滿自信而Tony Stark當時嘅笑係有猶豫係入面㗎，所以透過呢一個十年嘅首尾呼應，Marvel係同大家講：MCU已經唔係代表住英雄電影咁簡單，而係不再猶豫、自信地話你知係代表住一個世界。
最後送返啲彩蛋比大家
1.當阿妹Shuri見到哥哥對鞋嘅時候大叫”What are thoooose!?”，係一個外國嘅vine joke嚟，大家可以上網search下。
2.當華生送入Shuri個Lab嘅時候佢話 ”Another broken white guy?” 即係話之前都有一個白人送過入嚟，就係講緊End-credit scene嘅Bucky喇。
3.反派Killmonger出生地Oakland其實係導演Ryan Coogler嘅出生地同埋係一個1966年成立都係叫Black Panther嘅政治團體嘅成立地，仲係喺Marvel出咗黑豹呢個角色幾星期後成立。
4.飾演T’Challa爸爸同佢爸爸後生時候嘅演員係兩父子嚟：Atandwa Kani, John Kani
電影有起碼3個位係向漫畫致敬
－同犀牛打鬥
－被扔落瀑布
－黑豹裝嘅金色頸鍊
相關影片：
看黑豹必知的漫畫知識
https://youtu.be/IY9Y0559IG0
《黑豹》Black Panther 香港版製作特輯 - 彩蛋！
https://youtu.be/_fnPV4i_Zx8
【影評+片尾畫面】黑豹|彩蛋
https://youtu.be/tebkAeKCcAE
想留意更多我的動態，記得緊貼Ernest Docrazy
Ernest Docrazy社交平台：
Ernest Docrazy channel:
https://www.facebook.com/DuoCRAZYTokyo/
Ernest DoCRAZY facebook:
https://www.facebook.com/ErnestDoCRAZY/
Ernest instagram:
https://www.instagram.com/ernest_pch/
關注更多Heyo資訊
訂閱 Heyo
https://goo.gl/MWXuWH
Facebook page:
https://goo.gl/Eh6eGb
Instagram
https://goo.gl/lnJchC
收聽及下載更多Heyo歌曲:
♫ Moov
https://goo.gl/qflxoA
♫ Joox
https://goo.gl/168pH4
♫ KKbox
https://goo.gl/Q9oEh2
♫ Spotify
https://goo.gl/dBWsra
Heyo -《未必、Maybe、未知 》
作詞：Heyo
作曲：Heyo
最好聽教咁就乖
佢呀媽 由佢細個咁樣慢慢再教到大
最怕佢 細個會學壞 先冇俾佢出咁多街
再怕佢報錯晒學校 佢呀媽既興趣 佢都學晒
跟住條龍就升大學
冇理咁多 讀到邊科 咪讀 冇個學位 咁先大鑊
冇理過 日做夜做 就用盡力去拼搏
冇野怕 最怕個尺價 要買樓要執幾個
佢冇理 冇理政局
最多add 下女 開下?個 Facebook
句句話 係冇架喇 做落就知道冇變數
仲勸我咪太燥 預左俾個框擺佈
嗯.. 佢既決定 就係註定 去信命
定係佢 要照住去 由佢3歲到 80歲
我問佢
「你估呢個地方仲有冇得變丫拿」
佢話
「邊有得邊丫 我諗都 未必 架喇」
如果係屋村長大
就好似我呢個朋友細細個通山走 通山嗌
佢既父母當年未 做好準備
只係選擇左 點都要生佢出蒞
成家都早出晚歸 佢冇得攤係
屋企就有晚飯食 所以佢先學識煮飯仔
最怕佢落第 咪報個設計 學藝
返下 part time 搵洗費 細佬先夠交學費
佢話佢都相信夢想
只係對佢冇保障 咪唯有俾市場導向
個世界變了樣 也要發奮向上
佢相信可改變 個個都打慣硬仗
佢知政策既每件事 都關佢事
之但係 每次唔開工 就OT
但係當佢朋友 話呢度都好似 未必 有得變
佢就話 「唔係未必 係 Maybe 既」
仲有一個一齊大
佢要買既吉他 漫畫 Figure 品牌 乜都買齊晒
個世界咁大 都總算開過眼界
佢慶幸一家都算見怪不怪
佢有試過做過下街童
間中 返下工
唔洗靠佢 買飯餸 咪可以發下 白日夢
佢地一家人住睇落都算輕鬆
但係搞得自己生意都要 供奉 土地公
同公司有賺 升職加薪個個happy
但係赤字 嗰時就知 發生乜事
有挫折既我 也會試過 去埋怨
咪過意 各有各既係 難處
佢話 人各有前因 遭遇同乾坤
每個抉擇 影響緊 大運延伸
到我問 呢度有冇得變 會係未必 抑或 Maybe
佢話「有機會就試 結果係點 未知架」
