【#Nj評《沙灘拯救隊》】唔好笑唔緊要，最緊要好波！
.（多謝 Movie Express電影速遞 邀請參加會員尊貴場😁）
今時今日，老闆最想伙記十項全能乜都識一個打幾個，但現實係做好本份已經好難，仲要兼顧幾廿樣無謂嘢真係唔怪得返工嗌救命。睇完《沙灘拯救隊》，你會發現裡面班救生員真係老闆理想打工仔最佳示範，唔單止自己責任做足一百分，而且好得閒四圍Chit Chat搞關係，仲撈埋差佬職責，查案大戰毒梟，犀利。對於萬能主角就諗起TVB劇集，《ID精英》講海關都會有槍戰，《飛虎》個世界乜事都要出動飛虎隊，可能包括救貓。我印象中，好多救生員戴住副太陽眼鏡就坐在高塔訓覺，有時仲會中中下失平衡跌落街... 幾咁大對比，戲裏面每位救生員都係神一般存在，頭頂有光環，不論男女瘋狂慢鏡震波。更離奇情節包括：跑包尾都過到關入閘，肥仔可以溝到索女，總之就幻想天堂先會發生。
.
套戲有笑位，但個人來講十隻手指數得晒。理論上故事玩到咁誇張應該可以無限個又極密集式爆笑，可惜無。一開始其實將救生員形象營造得唔錯，大隻佬滿口使命，講明全部人都要經過佢考核，又身體力行唔係亂吹。加入沙灘拯救隊好似難過入軍隊，又好多人有抱負參與遴選，幾有興趣知道突圍而出新力軍與師父之間成長發展。點知其後就進入婆媽戲...有條友係咁唱反調又唔合群，成日認叻但冇實力，經過少少事就轉死性發奮向上又廢青變英雄仲奪得美人歸。 口講整隊人越來越團結但其實表達得貌合神離，欠缺描寫內心對白，唯一叫做有性格又交到戲嗰位反而係一向淨賣肌肉冇乜演技嘅大隻佬。全程靠肥仔鹹鹹濕濕搞笑，但真係好勉強頂得住，始終無對手同佢一唱一和營造熱鬧感覺。假如連佢呢個角色都冇埋，就真係會變大爛片。
.
我認我睇戲唔係好易笑得出，尤其對住擺明車馬純笑片更加高要求。要揀近排好喜歡的一部，要數到上年年尾的《今個聖誕無銀用》，夠癲夠喪無底線。 《沙灘拯救隊》就弱在瘋狂不足，玩到劇情咁無稽但過程又唔夠放，隊員之間亦要做到《逃學黐孖咇（21 Jump Street）》《囧探出更（22 JumpStreet）》般強火花默契先夠喉。
.
70分
文： Nj
.
*追蹤instagram【 madman.movie 】有你著數！
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
瘋狂慢鏡 在 新英雄瘋狂瑪姬全技能慢鏡解說丨Apex Legends - YouTube 的推薦與評價
【希望你們喜歡Hope you like it】□□□□□□ ※youtube(LOWKEYGAAMES) https://www.youtube.com/channel/UCt05Vh2RLm3C-R9CPuQqP8Q ... ... <看更多>