#尖沙咀好去處 #維港蝶舞 #風鈴藝術展
#山系風鈴祭 又嚟喇，超過100個剔透嘅手繪玻璃風鈴，今次喺尖沙咀誠品生活展出，雖然我哋去嘅時候窗外落緊雨，不過仍然都係好靚‼️唔怪得睇過嘅人都話隨住窗外日夜交替，唔同時間嚟睇展都會有唔同感覺同效果，影相都係咁靚🥰
今次係我第二次睇 山有文西 嘅個人藝術展覽，上次嘅願山風鈴祭，佢喺風鈴上畫咗40座香港嘅山，包括最signature嘅獅子山，每一隻風鈴都令我嘆為觀止。今次風鈴祭延續大自然主題，命名《願山．蟲鳴》以 #蝴蝶 做主角，每一隻都畫得栩栩如生，就好似群蝶喺維港海上翩翩起舞一樣，畫面好靚好靚！
我話俾文西知：「其實我有蝴蝶恐懼症，每次有蝴蝶飛過，我都好驚，但當然呢啲蝴蝶嘅畫作我就唔會驚啦。」原來都市人怕昆蟲，就係文西舉行今次展覽嘅原因，佢話因為都市人少接觸昆蟲，總覺得昆蟲「醜陋」、「有毒」，其實好多昆蟲都只係「無牙老虎」，有好多仲好靚㖭，蝴蝶就係其中一種，透過畫出本地有記錄品種嘅蝴蝶喺風鈴上，佢希望令更多人對蝴蝶、對昆蟲都加深認識，放低對蝴蝶或昆蟲嘅恐懼，嘗試欣賞吓佢哋美麗嘅一面。
近距離睇完咁多蝴蝶風鈴之後，我又好似真係冇咁驚。今次我仲同老公一齊參加咗 #玻璃風鈴工作坊，體驗一下文西繪製玻璃風鈴嘅過程，畫畫係小學雞程度嘅我，文西都教咗我點樣簡單地畫出靚嘅風鈴😆 就係不停重複pattern~ 我就揀咗畫唔同顏色嘅樹葉🍃都幾靚吖～
畫完去望吓老公畫咗啲咩，原來佢唔聲唔聲就畫咗個日落美景出嚟..... 再睇另一位同學仔就畫咗隻好可愛嘅兔兔 🐰
使唔使咁勁🦥 冇咩樹我同Bat Bat返屋企煮飯先喇。
#玻璃風鈴工作坊報名
如果各位都想報名跟山有文西學整玻璃風鈴，可以喺度報名：https://bit.ly/3CpRtO9
* 小朋友6歲以上可參加
展覽詳情：https://bit.ly/3Af2aRK
誠品香港 eslite@HK
玻璃風鈴工作坊報名 在 #玻璃風鈴工作坊 - Explore | Facebook 的推薦與評價
又有風鈴展覽喇 喺尖沙咀誠品免費入場。不過想參加玻璃風鈴工作坊嘅話，就記得事先報名，小朋友建議六歲或以上才可參加。 ... <看更多>
相關內容