【性感的皇太后】
我喜歡稱她為「皇太后」，因她無論外型、衣著、裝扮、性格、談吐也像一個皇太后；這位頭髮全白的皇太后，今年86歲；縱然有4子2女，但多年來一直獨居；這是她今生的遺憾，她常掛在嘴邊，想不到丈夫早逝，子女雖多，但最終仍是自己孤獨一個！
正因她是獨居長者，我能有緣和她遇上；她有多種長期病，三高少不了；血壓長期徘徊在180以上；眼矇腳軟腰骨痛；架著一副金絲鏡！她很喜歡向我撒嬌，我亦樂於哄她；事實上，她每天有十六種藥物要服用，我上門家訪她時，被她那凌亂的藥丸寶盒弄得憂心不已；最終捉了她來見我的好拍檔註冊護士！
她那副假牙，是我幫她申請關愛基金弄的；她之後掉了一排，是我拖著她的手往牙醫診所補做的；她的柺杖，是我送給她的，上面寫了她的名字兼畫了一朵花，她常為此感到自豪不已！她的送飯服務，是我替她申請的；她的血壓高近200，是我哄她到醫院的；我邊哄邊陪她上白車，救護員還以為我是她的孫女！
因下星期二準備帶關懷大使上門探訪她，繼今早完成家訪工作後，晚上7：15，我打了今天第20個、亦是最後一通電話；怎知一和她談起，她又滔滔不絕撒起嬌來！
「阿肥姑娘呀～我就嚟俾我個女激死喇！我
同佢嗌交呀！」
「乜事咁大鑊？」
「佢哋呀～話驚我死咗喺屋企冇人知，裝咗個氹氹轉嚟住我！呀～個氹氹轉叫乜嘢話？」
「閉路電視呀！」
「係呀～閉路電視！裝正喺我房門口喎！等我換衫都唔方便！乜都俾佢哋睇哂！」
「仔女啫，唔驚啦！佢哋擔心妳安全嘛！」她的子女幫她裝閉路電視我是知悉的，亦十分贊成；因她獨居、經常頭暈、在家曾跌倒多次！
「擔乜鬼心吖！個女話我呀！佢話：『阿媽，乜妳喺屋企著裙咁sexy？唔好著裙咁sexy啦！外國啲孫全部睇到㗎！」我話返佢：『喺屋企自己一個梗係求求其其啦！咁鬼熱著條裙有乜所謂？妳想熱死我咩？」
她外出時永遠是花襯衫、西褲、皮鞋，我很好奇她穿上那條性感長裙是甚麼模樣？
我安慰她：「咁妳個女就唔啱喇！屋企著裙有乜所謂？我屋企都著背心孖煙囱啦！」
「咪係囉！背心長裙咋嘛！冇袖、有花嘅！咸豐年代買㗎喇！有三條！我點知個氹氹轉連外國啲孫都睇到？」
「係呀！睇到㗎！妳講到咁，攪到我都想睇！我下星期二上嚟探妳，妳到時著俾我睇啦！」
「哎呀～妳個阿肥姑娘吖！」她開懷笑了！
「妳仔女都係關心妳啫！唔好再嬲喇！再嬲塊臉多幾條皺紋，唔靚㗎喇！」
「唉～幾十歲人，靚乜鬼吖！」
「靚㗎！皇太后！妳係靚靚皇太后嚟㗎嘛！下星期二見啦！」
望望鐘，7：40pm, 再不和她收線，我今晚不用走了！
「好啦！阿肥姑娘，下星期二見啦！」
和她收線後，我用了五分鐘把腦海的想像畫了下來；下星期二，我會拿上去親手送給她！
獨居長者送飯服務 在 大部分係出院後欠... - 賽馬會「『耆』實有幫手」緊急護老支援服務 的推薦與評價
緊急送飯服務】我地接觸嘅個案都係有緊急支援需要長者，大部分係出院後欠缺支援或身體情況出現突變，最需要即時性嘅送飯服務，但係輪候綜合家居照顧服務時間越黎越長， ... ... <看更多>