Search
幾日前嘅預言， 兩日之後變咗事實。
—
話說啱啱上上吓討論區 ，好難得咁見到有人問點解《大樂師為愛配樂》無人撐，但我見到啲謝票相都幾多人吖，跟住心血來潮睇吓仲有幾多場次先。
—
然後發現，今個星期四全香港得番一場，等同落畫，香港啲戲院究竟係咪痴咗線？
—
最後唔係求咩，其實真係唔關我事，我又無錢袋嘅，但如果聽日星期三你得閒嘅話，比幾廿蚊支持吓，最好拉埋朋友，叫埋姨媽姑姐，到咗星期四，放工之前都唔會再有場！
—
（整多少少reference比大家參考，以星期四暫時嘅數據去睇，《快啲啦牛牛》有五場，《與神同行》有五場，《狗仔有喜事》兩場，《大迷信三》有三場，《奇蹟男孩》一場，《我的情敵女婿》五場）
<<🐶狗仔有喜事🐶>>
狗仔版監獄風雲🤨
.
#mandymanlovefood_movie
#bestoftheday #foodporn #yummy #hkiger #foodpics #foodphotography #foodie #foodlover #hongkong #hongkongfood #foodinstagtam #gourmet #nomtastic #foodsplotting #hkeats #ilovesharingfood #hkfood #instafood #grammasters3 #movie #hkmovie #狗仔有喜事 #ozzy #c1promotioncompanyltd
《狗仔有喜事》陳心遙
《信報》2018年2月21日《視線所及》專欄
第二次幫動畫電影主理配音。同《天使愛芭蕾》一樣又係一部歐洲同加拿大嘅Co-production；應該係近年荷里活以外嘅動畫片新勢力，可以同時瞄準歐洲同全球英語市場。不過無論係畫風同故事，一樣有商業色彩嘅同時，又有歐洲自己獨特嘅思維同視野。
《狗仔有喜事》講一隻小獵犬「好事」（Ozzy），本來同屋企人一家人開開心心，雖然同個細蚊女小主人成日闖禍，但係都係全家人錫到燶嘅寶寶嚟。畫漫畫嘅一家之主因為被邀去日本參加展覽，有得帶全家去日本旅遊，迫於無奈要安置去狗酒店度。佢哋喺電視見到有一間五星級「汪星人度假村」，冇諗清楚就送咗「好事」去，點知原來喺入面係一間同監獄無異嘅黑店嚟。「好事」喺入面識咗一班犬朋狗友：一隻臘腸狗、一隻史納莎同一隻英國牧羊犬，一齊策劃逃跑大計。
小朋友會睇得開開心心，笑逐顏開。但時下嘅動畫，好似荷里活啲卡通一樣，都係成人小孩通吃嘅，外一層內一層，大人會睇到另一層意思。
全部狗仔一入到監獄就會被切斷同主人嘅聯繫，寫上名字同主人電話號碼嘅頸圈會被搶走，得番個編號；全部日日被迫喺工廠做嘢，幫老闆賺錢。一心以為主人會接番佢嘅「好事」希望幻滅後，開始思考如何逃走。但身邊嘅獄友原來都各有諗法：成千度大近視嘅臘腸狗原來係隻導盲犬，成日諗自己一隻狗逃走，但屢敗屢試，其他狗都嘲笑佢。英國牧羊犬永遠唔講嘢，善良但聽大圍意思，冇自己主見。史納莎年紀老邁，因為跛咗坐輪椅畀主人拋棄，不斷叫其他狗唔好搞事，以免連累自己，寧願喺監獄過冇麻煩但係被奴役嘅日子，都唔敢奢望呼吸外邊嘅新鮮空氣。仲有一隻成部戲最細隻，但原來係最惡嘅芝娃娃，做咗監倉入面嘅小霸王，甚至不時挑戰監獄長嘅權威，就係從來冇諗過領導其他狗仔一齊反抗，已然忘記自己曾經有主人愛錫同一個同而家氣場完全唔一樣嘅真名⋯⋯原本都諗住獨善其身嘅「好事」，連番失敗之後終於搵到成功嘅要訣。
其實同我哋細個睇嘅童話故事一樣，現今娛樂片愈嚟愈有內涵，係全世界趨勢嚟。因為觀眾愈嚟愈聰明，解讀能力愈嚟愈高；回應時代本來就係電影嘅功能嚟。唔少人以為成功征服全球嘅荷里活片只有娛樂元素，冇本土文化，冇社會意義，一係就係當美國片仍然喺史泰龍Rambo嘅嗰個年代，一係就係見樹不見林，或者畀兩塊葉遮住咗對眼睛。
#狗仔有喜事 #賀歲片 #動畫電影 #Ozzy #信報 #陳心遙
