📍 Pier 1929 (灣仔)
灣仔灣仔碼頭2樓
********************************************
中秋前同舊同事放工後去咗食佢嘅下午茶～6點都仲可以食到下午茶😂真係第一次😅餐廳係正灣仔碼頭，入門口後必經一條長酒廊，然後會豁然開朗🤣因為窗邊用哂落地大玻璃，望住維港景色🤩好好彩我地坐到窗邊，可以睇住日落咁嘆下午茶，好爽🥳🥳
.
價錢：$598 for two (另加一)
時間：三個時段 (12-2, 3-5, 6-8pm)
我地坐低後佢會先俾杯welcome drink，好好飲既汽泡酒🥂然後好快佢就會送上最期待既三層架😍😍😍
.
先要隆重介紹中間呢層！因為所有最貴既野食都係哂度🤣🤣🤣🤣蟹肉、龍蝦肉、尋龍魚子、三文魚～😍😍
1️⃣秋之松葉蟹肉沙律墨西哥薄餅：微脆既墨西哥薄餅😋面頭有一大pat蟹肉沙律，好鮮味👍🏻
2️⃣蜜桃龍蝦沙律奶油多士：龍蝦肉好彈牙😈配埋奶油多士，食落好香口～
3️⃣煙三文魚酸忌廉撻黃金尋龍魚子：三文魚新鮮，上面加左少少酸忌廉，同尋龍魚子，成件事升級左好多🤣🤣外皮有少少似窩夫皮，配搭唔錯😬
.
輪到最底層🤪
⭐️4️⃣大蝦山葵沙律醬多士：超鐘意呢個！！！咸點之中最好食係佢！有大大舊蝦肉，配埋撈左山葵既沙律醬，味道好夾又唔會好油膩👍🏻重點係佢可以refill😌😌😌😌食到夠皮為止😂
⭐️5️⃣芝士焗烤雞肉酥盒：酥皮做得好酥脆雞肉餡料都好入味～
⭐️6️⃣香濃咖哩雜菜批：咖哩味好香🤭
⭐️7️⃣英式提子鬆餅配鮮忌廉及果醬：scone好鬆化亦好濕潤，唔錯！
.
最頂層嘅甜點～
8️⃣迷你白蓮蓉蛋黃月餅：第一次tea有月餅食，好應節🥮
9️⃣冧酒朱古力軟心星球：好香濃既朱古力味，冧酒味唔算好勁🤔
🔟京都宇治抹茶蛋糕：上層係抹茶，下層係朱古力😬抹茶味都算幾濃
⭐️1️⃣1️⃣鏡之月柚子芝士蛋糕：個cheese cake冇我想像咁漏，可能因為加左柚子既關係，幾清新既感覺😇
⭐️1️⃣2️⃣滿月鮮檸檬撻：好fresh🤣但又唔會太酸😛我自己就覺得食左幾款甜點後食呢個先再食其他甜點，就唔會由頭甜到落尾😉
呢度仲有一樣吸引既地方係某幾款咸點同甜點係可以無限refill🤤🤤只要你食得落😎去到中段會有人推住餐車出黎，間唔中兜個圈🤣😎到個陣你就可以叫佢地refill啦😌
(⭐️：可refill)
.
🫖飲品：每人都包一款飲品，如果揀茶就一壺咁上，佢仲會得閒幫你加下水。如果揀檸檬茶咖啡個啲就得一杯啦😝
.
Apricot & Peach: 味道較為酸，未必個個都鐘意～
Caramel & Apple Rooibos：我覺得呢個好飲啲，味道相對上香甜啲
灣仔碼頭 在 台灣灣仔碼頭 - Facebook 的推薦與評價
台灣灣仔碼頭. 5803 likes · 552 talking about this. 顆顆用心的灣仔碼頭手工水餃， 以媽媽的心包好每一顆水餃，堅持用料和製程，傳遞家的美味。 ... <看更多>