【涼瓜暉大開眼界】脫毛公司奇聞錄
話說早排趁好天去咗曬太陽，嘆緊支1664欣賞比堅尼風光之際，無端端有激光脫毛公司inbox 暉哥，話邀請我去體驗下，暉哥第一個反應係傻的嗎？麻甩佬，都要脫毛？！
再即刻望望自己嗰副曬到令立立嘅肉體，原來暉哥毛髮都幾旺盛，真男人胸毛肚毛腳毛乜都齊，尤其塊面啲鬚多到呢。記得試過有次同于日辰、幾位男同事一齊鬥耐唔剃鬚，過咗只係大概一星期到，當青靚白淨嘅于日辰臉上都係得小毛三四條，暉哥已經成臉都係，啲同事都話如果我留落去嘅話，可以拍得住奇洛李維斯咁話喎。
型還型，但其實都幾煩。相信唔少男士都有同感，就係明明朝早剃得乾乾淨淨先去返工，一路搏殺到下晝，啲鬚就話咁快出返晒嚟，要見客就尤其麻煩，因為啲客只會覺得你唔注重儀容多過佬味濃，分分鐘捽多幾錢重。又有因為咁試過帶電鬚刨返工，但又嘈親隔離位同事，一開親鬚刨就黑我面，所以都係咪搞。
但都係嗰句，男人老狗去脫毛真係聽都未聽過。不過一向大無畏，最愛高爾同歷險嘅暉哥當然唔會畀脫毛姐姐拋窒，決定單刀赴會長下知識都好，就同佢約咗個期。
一上到去medilase朗豪坊間旗艦店，成間公司白雪雪，個感覺直情好似上咗天堂咁，不過熟設計嘅人都會知，白色 Design 就最唔襟污糟，些少瑕疵都睇得一乾二淨，尤其係啲標榜潔淨衛生嘅行業，但喺呢間脫過無數少男少女嘅手毛腳毛汗毛腋毛陰毛嘅激光脫毛公司，觀察入微嘅暉哥竟然連半條毛都搵唔到，感覺真係好乾淨，連平時不修邊幅嘅暉哥都不其然心動起上來。
等咗幾分鐘，Counter好快有位妹妹嚟服侍我，帶咗我去間房見療程總監。問咗啲簡單個人資料，就同我做份詳細問卷，問下暉哥之前有冇做過脫毛、有冇做開戶外劇烈運動、服用光學敏感藥物呀諸如此類。然後就詳細介紹激光脫毛原理同過程，本身以為脫毛同做個Facial 差唔多咁簡單，到今日先知原來都牽涉幾多嘢，好似做個小手術咁仔細審慎。暉哥就一味點頭，個療程總監專業到好似同我上咗半個鐘物理加Bio堂咁。
唔講都唔知，個光學治療師一知道暉哥近排去過曬太陽，就話暫時唔可以做療程住，其實暉哥今次上嚟都係想見識下，都冇諗過要脫毛，男人脫毛好怪啫，不過佢個樣好似估到我會咁講，話好多人都有呢個誤解，其實男女攣直都有脫毛嘅需要，話荷爾蒙分泌係天生改變唔到，而好多人會因為個人喜好、取悅另一半或者公務儀容考慮選擇脫毛，係正常不過嘅事。而男仔嚟講，脫面毛、胸毛同手毛係比較常見嘅。
聽落佢講得又幾有道理，而且講還講，冇話點樣咄咄逼人，疲勞轟炸軟硬兼施要暉哥硬食啲咩 Package，淨係叫暉哥返去諗下脫咩部位，約返個時間再上嚟，仲多次提點兩星期前唔好暴曬，細心程度真係連佛祖都心動，呢間脫毛公司主打無痛, 最緊要係期待脫完毛，下一秒治療師已經好溫柔咁搽返啲保濕精華呵護, 諗起個心都小鹿亂撞咗幾下, 已經幻想緊脫毛後光滑咗, 身邊女生會更鍾意我囉!
講咗咁耐，唔知咁多位覺得暉哥脫邊個部位好？！
Between, 有絲打想同暉哥一齊體驗，就最好！
立即登記，免費體驗「比堅尼線及腋下部位激光脫毛」PRO-Test：【http://goo.gl/zHTyAJ】
激光脫毛原理 在 Yanis Beauty - 激光脫毛原理及好處 - YouTube 的推薦與評價
Yanis Beauty • 激光脫毛原理 及好處❤️激光脫毛的原理:激光脫毛是一種無痛、永久性的脫毛方法，運用光學原理，通過特定光照射皮膚，穿透皮膚深層， ... ... <看更多>