【 ViuTV豪擲百萬狂谷《全民造星》！】
ViuTV直播 ＃世界盃 決賽收視創開台新高：http://bit.ly/2mnlY1I
「ViuTV後世盃新節目」《Good Night Show全民造星》21:45（即係而家）正式首播，為了力谷這個據聞會橫跨兩個月的重量級選秀節目，魯生（香港電視娛樂有限公司董事總經理魯庭暉）、金生（ViuTV製作部副總裁金廣誠）（應該係，除非唔係！）決定將宣傳費加碼！加碼加幾多？我當然不會具體知道，但從市場推廣部決定在港鐵香港站C出口重金買下Giant Poster on Wall已可見一斑。
早幾日，當我路經香港站見到這個Ad Campaign的時候，立即影相、拍片，並以IG Story發布，最重要的一句感想：「OMG，ViuTV終於都識買廣告喇喇喇！！」怎麼說？ViuTV開台兩年，這段時間，每逢有大型宣傳廣告，市場推廣部必定會偏愛在紅隧港島銅鑼灣出口、靠近維海那幾大塊Billboards落廣告，每次見到，我都會搖頭，再啐啐唸：「唉，喺呢個地方賣廣告有鬼用咩，如果唔係坐過海隧巴，在Billboards前面路過，根本不會留意這個廣告，這樣的傳統方式，儼如倒錢落海。」而事實上，我亦曾經和有關人士表達這個想法。
好在來到今次《全民造星》，ViuTV的市場推廣部總算「覺醒」，選擇在人流極多的香港站「Supernova Zone」落廣告，而且，真係有人會睇，會影相（當然不止我一個啦！）除了一個超大的Poster on Wall之外，還有另一邊兩個較高位置的燈箱，對上一次見到這種陣勢，又跟影視行業相關的廣告，是今年4月底《復仇者聯盟3：無限之戰》（Avengers: Infinity War）。價錢如何？據港鐵廣告代理商JCDecaux的2018年Rate Card，於上述空間賣廣告，三星期盛惠158萬港元，一點也不便宜，但我覺得，這次投資絕對值得。
第一集，看了半小時，的確幾好睇，至少值得畀合格分數，節奏毫不拖拉，沒有「預告」苦撐時間，一來就開戰，鏡頭夠多，畫面豐富，令觀眾對現場環境有足夠認知，又不會過份沉悶，旁述文卓森夠生鬼，睇監製「花姐」和一眾評判在房中的毒舌Comments也夠精彩，當然最最最重點，是大熱「肥仔」梁業那幾吓彈身彈勢，真心勁。
（16072018）
＃游大東 ＃游大東影視筆記 ＃全民造星 ＃goodnightshow全民造星 強尼 Scarlett Wong 黃心美 快樂的 思想。隨筆 ＃viutv 廣告狂人 Madman Monologue William on the way 浪遊旅人 蘇耀宗 細So 卓韻芝 火火 講劇大時代 方以文 睇電視喇喂
