關於 海洋公園威威司令 ，我們在網路上蒐集到這些相關的討論、資訊與評價

【 #那些年的港式情侶 - 當海洋公園唔再係我哋心目中嘅OP】

海洋公園嘅三大機動遊戲「跳樓機」、「越礦飛車」同「滑浪飛船」，將會於今個月月底退役，完成帶畀三代人歡聲笑語嘅歷史任務。其後園內嘅「幸福摩天輪」、「飛天韆鞦」、「海盜船」等都將會陸續拆卸，換上新嘅遊樂設施。對此，有網民諸葛亮上身話「一早估到」、有網民成頭黑人問號「呢三個唔係全樂園最正嗰三個機動遊戲咩？」、有網民忍唔住揶揄「執_咗佢算啦」、「全部改做釣魚咪幾好」。海洋公園就回應話今次呢個大改動係想「為香港人打造新嘅集體回憶」。只係當搭纜車都要收錢、最標誌性嘅跳樓機都成為歷史，取而代之嘅回憶仲應唔應該叫做集體回憶？海洋公園又仲係唔係當年中學雞最興成班同學仔一齊去嘅「OP」？
.
「成世人總會有一次 畀個FD呃咗上跳樓機」

仲記得小編當年第一次同成班中學去海洋公園，就畀同行唔知邊條hihi水咗去玩跳樓機，條友拍晒心口同我講話無事㗎，同搭𨋢差唔多。點知上到去之後部機愈升愈高，上到最頂我就快不行了，但部機仲好似玩我咁停咗喺半空。人到咗生死關頭就會失去理性，我開始聽到有人講晒粗口鬧佢隔離個FD昆佢，又聽到有MK仔大大聲「撻全朵」示愛，不過個愛字都未講完，大家就一齊落咗去... 返到地面個FD子望住我笑咗笑，講咗句：「第一次好爽呢？」，估唔到我嘅「第一次」就咁畀人呃走咗，而之後我都用同樣方法，昆咗幾個跳樓機後輩：

「唔驚㗎！同青蛙跳差唔多高之嘛！」
.
「浪漫不過同暗戀對象搭摩天輪 在高處凝望世界流動～」

而喺一班同學仔入面，梗有一個你心儀嘅女同學，你見細膽嘅佢唔敢玩海盜船，就扮晒肚痛話自己都唔玩，製造兩個人獨處嘅雞會。轉頭又以「海盜船條隊好似好長啵」為由，拉咗佢去搭永遠都唔使點等嘅摩天輪。闊落嘅車廂入面，你哋偏偏要挨住坐，你望住佢側面，忽明忽暗嘅燈光下，可能係你錯覺啦，佢好似有啲面紅，唔通佢都鍾意我！然後你就下意識錫咗落去，個茄輪好似足足歷時咗成個世紀咁，直到工作人員大大力拍你個車廂叫你死返出黎，你哋先鬆開。有人話初戀都係無結果嘅，你同佢都唔例外，但你永遠都唔會唔記得對方嗰陣嘅神情同語氣。尤其係之後你哋會合返其他同學，大家都好有默契咁無講，只係之後全程，你偶爾都會喺偷望佢嗰陣，發現佢都偷望緊你～
.
「有人話成世人最少要去三次海洋公園...」

一次係阿媽帶你去，一次係同另一半去，一次係帶啲仔女去。你可以話畀佢知，以前老豆細個最鍾意玩滑浪飛船，次次唔玩到底褲濕晒都唔願走；同你媽咪去就次次都要玩飛天韆鞦，因為佢好細膽，剩係玩到呢樣同摩天輪。可惜嘅係，你無機會親身帶佢搭多一次，show唔到畀佢睇當年你同朋友玩「瘋狂過山車」，係點撞到頭都甩... 又或者我哋唔捨得嘅唔係海洋公園，而係佢實在裝住太多太多，屬於青春，屬於一班中學雞組團去威，屬於愛情同友情嘅回憶。
.
P.S. 記得當年喺海洋公園第一個玩嘅機動遊戲就係飛天韆鞦！即使大個玩親都暈，仍然都會因為童年回憶而去排隊...... 咁多個即將退役嘅機動遊戲入面，如果只能夠揀一個留低，你會揀邊個？
.
#最濕滯嘅激流又有得留低 #每次搭完都一定有人問 #下完咗架拿 #以前成班人去op真係好開心 #搭纜車仲會撩對面架車講嘢 #情侶 #愛 #愛情 #語錄 #拍拖 #香港 #搞笑 #回憶 #80後 #90後 #集體回憶 #海洋公園 #再見了我的青春 #我的初戀 #而家其實仲有無威威司令呢個人
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！

呢篇AM730投稿要特別鳴謝 @矮瓜牛雜 提供靈感參考

//再說，海洋公園真的沒有努力爭取過和受歡迎的IP（Intellectual Property）合作嗎？像去年「海洋公園夏水戰」就找了日本國民級動漫One Piece合作舉行了一個大型Crossover活動，足證樂園並非甘於只剩「猶如監躉的威威司令」。問題卻在於這次夏水禮捉鹿卻不識脫角，只形式性質豎立了幾個One Piece展覽品，再找幾個臨時演員Cosplay當中幾個角色就算數，完全沒有參考到同樣和One Piece合作的環球影城，如何把整個活動升格成一個大型水上舞台劇，最終甚至成為一個遊人爭相前往環球影城的理由。

海洋公園的問題並不在於入場費太貴，令一般家庭缺乏前往的慾望：那些買機票前往大阪環球影城觀光的香港遊客，有嫌過貴嗎？也不在於香港容納不下兩個大型主題公園。森岡毅就說過他在策劃環球影城經營策略時，就是要把「環球影城距離迪士尼500公里不會構成競爭」的安逸感消除，將環球影城從「關西主題公園」升格為「全球旅遊焦點」，才能獲得今天的成功。//

見倒劉鳴煒、姚思榮之流又再出黎9噏一堆拯救海洋公園大計，又係時候貼番呢篇舊文出黎：

海洋公園無撚得救，從來唔係因為資金短缺問題（如果真係有願景，怕無人投資？）、旅客嘅問題，而係太撚多垃圾響度尻噏──響海洋公園做瑜珈固然係on9

但連批評嘅「經濟學KOL」都係唔識扮識，連Harry Potter版權響邊個手上都唔撚知就講乜尻「文化產業鏈」；連海洋公園搞過One Piece Event都唔知就串人得威威司令

當日大阪環球影城一樣無錢、人數持續下跌，係邊個將佢一手救番上黎？唔係二世祖、唔係離地廢柴「學者」，而係有哂行銷實績、紅褲子出身嘅森岡毅。如果政府撥果幾十億入面有一億係拎出黎請佢救亡，我一定舉腳贊成；

但而家海洋公園嘅主席係一個二世祖、副主席係一個商家佬；CEO求其隊個CFO上黎睇住盤數就算數，然後響報紙大言不慚批評嘅，卻係連主題公園發生咩都未知就大言不慚嘅蛋頭學者

結果無論聽邊邊都死，咁就不如執撚七左佢啦