話說今日一起身就收到讀者傳來嘅呢篇野，話咩「橙色革命令烏克蘭成歐洲最窮國」，我開頭嚇一跳，然後得啖笑！
首先呢，其實都唔駛fact check，平時有睇開新聞都知道「橙色革命」係十幾年前嘅事，喂大佬呀，點會係2014年呀？2014年那場叫做「親歐盟示威運動」呀！橙色革命係2004年，相差左10年，你咁都撈得亂？奶共High大左呀？
其次，我最怕你唔講橙色革命，你一講— 啟動陷阱卡：GDP暴升！！！無錯，2004年橙色革命後，烏克蘭經濟起飛，進入了高峰期，03至08年間GDP增長是每年近8%，無錯，係大陸年年叫天叫地都叫唔出嘅8%，人家5年內都是輕鬆達標。咁... 我係咪可以同你講橙色革命讓烏克蘭經濟暴漲了？親，革命發大財哦❤️
最後，你其實係咪想講2014年親歐盟示威運動後，民不聊生、GDP大跌呀？但跌極都仲好過2004年喎，咁點算好呀？但上年已經止跌回升了哦，只係跌左5年都冇，你係咪有啲咩事咁急，急到5年都等唔到呀？講出黎分享俾哥哥聽，我保證唔會公開地恥笑你。
講咁多，廢話啦，你試試香港真係獨立？你估大陸會唔做野？解放軍摺左三十年被，我地都好驚佢地揮軍南下，摺晒我地啲被，咁就搞到工人姐姐失業了。認真講句，呢度大把人仲係食緊大陸條水，就算俾香港獨立，咪又係一個親中政權話事？唔通你認為英美山高皇帝遠真係好想管香港咩？最好錢就英美列強賺、地就中國管。係咁想要香港嘅話，一早就唔會俾你啦～ 成班契弟仲喺度烚下烚下～
#睇得藍絲專頁多會扣智商
#大家保重
#有空多看新聞
#有助保持清醒
#信美國搞到香港咁嘅人
#應該會信呢個世界有聖誕老公公
#好pure好true
#請珍惜呢啲朋友
#隨著人類智力提升佢地遲早絕種
#一諗到200年後只能在博物館裡見到佢地
#我就覺得好傷感
#烏克蘭係好窮的確係事實
#但最窮嘅係摩爾多瓦
#烏克蘭排尾二
#所以烏克蘭也不是他們聲稱的最窮哦
#最後開心share尋晚嘅法國海鮮拼盤
#超好吃的
