話說前日路過一間點心店，想食鳳爪，見佢話外賣等10-15分鐘，好啦！買啦！ 順手買埋蝦餃、腸粉、菠蘿叉燒包、...等等。
外賣要企門口等，合理！ 成30分鐘後未有，我去問下仲要幾耐啦，點知俾收銀好惡咁回覆，邊有咁快呀？ 我問佢唔係10-15分鐘咩？佢話而家遲左一陣咋嘛... 等下啦！
嘩！前日成廿幾三十度，我企喺門口曬住等，又俾個阿叔撞！（條街好多位，似專登㗎woo！）問下唔係唔得呀？ 跟住有個阿姐仲話：燒賣未得呀，等下啦。 果下即時嬲左！ 我都冇叫燒賣！ 未得關我咩事？
最終等左45分鐘... 即係咁，如果你話繁忙時間就話姐， 下午4:00 ， 客都唔多個，啲阿姐個個係度吹緊水... 我要企喺門口乾曬，仲要受你氣，覺得我外賣老馮要等....嬲到爆！
所以話，想食不如自己整啦！ 一磅鳳爪都係$16 蚊！ 如果唔要花生，煮埋都係15分鐘，唔洗企街曬又唔洗受人氣！ 想食咩味自己決定，今日豉汁、聽日鮑汁...正！
今日得閒少少，簡簡單單整個 #沙茶柱候鳳爪，加埋豆瓣醬，辣辣地勁惹味！連平時唔食鳳爪、雞腳嘅老公都勁捧場！
仲教大囡煮個 #五杯雞膇，酸酸甜甜勁開胃，大囡對煮食冇乜興趣，但咁大個要學下嘅，教佢個家傳秘方啦！ 哈哈！
其實 #五杯雞 等於人地 #三杯雞。 只係我婆婆教落，五杯好計數！ 5樣調味，每樣一杯！ 簡單又好味！
最近食得熱氣野多，簡簡單單滾個 #芥菜胆魚尾湯 ，芥菜胆當造勁甜，魚尾滾完又食得返， 咁就變左
#兩餸一湯，打斧頭咪就係咁簡單啦！
煲劇再嚟個 #氣炸魷魚四重奏。
飲韓酒冇野咬下真係有啲空虛， 趁老公沖涼快快手炸個土魷。沙茶魷魚、辣味魷魚、原味魷魚、醬油魷魚！ 一樣一隻，只需十分鐘。
有韓酒加魷魚嘅陪伴，總叫捱過套劇...伏爆！ 早知睇到一半就狠心啲棄左佢算喇....
#一肚氣突然想呻下
#無聊日常
#雷囡媽媽簡單煮
#雷囡媽媽食譜
沙茶柱候鳳爪 在 台中美食：老嗜老饕分享專區| #客訂聚餐宴會盤 的推薦與評價
地址：台中市沙鹿區四平街174號 ... 使用獨家冷萃工法-理茶使用啜飲式茶柱，利用獨家高壓保鮮技術，喝得到最新鮮的好茶，清茶的後韻茶香很可以，是我目前喝過最好喝青 ... ... <看更多>