突然又已一年
驀然回首
鳩嘅依舊鳩 柒嘅仍然柒
不過既然黎到二周目
自然要進入解鎖模式 開啟高階難度
認真思考鳩的含意 柒的定義
自小無論係家庭嘅教育 或者課堂嘅學習
都提醒我地作為群體社會嘅一份子 要互相體諒彼此幫助
縱然出到黎社會做事 發覺並不如書中描述嘅烏托邦咁理想
始終保有一份同理心
始終覺得友善待人比惡言相向需要更為容易
所以時至今日
我仍然唔能夠理解點解飛機上可以有咁多
賤精 八婆 躝癱 撚樣 西客 屎忽窿 戇鳩仔 柒頭皮
好多人會話
"A~ 係咁架啦~ d人壓力大丫嘛~"
單身狗有單身狗嘅壓力 妻妾成群有妻妾成群嘅壓力
最低工資有最低工資嘅壓力 日理萬機有日理萬機嘅壓力
有JJ有有JJ嘅壓力 有西西有有西西嘅壓力
壓力好似二氧化碳 懸浮粒子 地心吸力咁常伴左右如影隨形
所以唔好再用壓力做籍口 裝出一副身不由己嘅樣子
份人仆街就仆街啦!
撇除溝菇不遂因愛成恨
又或者因當年阿爹比奪命J1暗算繼而令霸王槍排名由冠軍跌至第三位呢d私人恩怨
我努力尋找客人一上機就父仇未報咁款嘅原因
為此我研究左幾個受盡白眼嘅職業 試圖搵出佢地嘅共通點
侍應 <= 竟然唔話我知貴刁係辣嘅? 我投訴硬你!
醫護人員 <= 你食飯屙尿收工放假? 有冇醫德架你?
售貨員 <= 早乜L野晨啊? 笑乜L野啊? 你咪L想sell我野啊!
管理員 <= 唔開門比我? 你新黎架? 亂開門比人? 你新黎架?
工人姐姐 <= I own your body and your first born baby's soul!
然後再望望自己份工
唔洗加錢 儲齊一set
中晒咁多瓣
今次仲唔冚家產?
好多人覺得自己做客就黃袍加身 官拜一品
就算平時自己返工對客身受其害
都要抱住己所不育must施於人呢種變態思想去荼毒人間
亦有d人覺得好仔唔當差 好女唔fly high
做得空姐空少一定係讀唔成書 貪圖d食住洋腸遊世界嘅糜爛生活
懶巴之閉未又係侍應一個!
引用返友人一句霸氣回覆
"就算份工淨係派餐收餐又點? 侍應就唔洗尊重啊?"
我親眼目睹過譚仔姐姐係繁忙時間幫一行九個死不分離嘅人型蜈蚣安頓好一齊坐
姐姐將d客左郁郁 右調調 整個過程不卑不亢
呢d就係薪金衡量唔到嘅專業
用工作性質將職業定貴賤 將人格分高低嘅人先至係最低賤
我深信成魔之路唔係一朝一夕
長年累月咁合理化自己嘅仆街行為先會令某一撮客人腐杇黑化至今日呢個田地
希望呢個專頁除左帶比大家歡樂之外
仲可以帶出反思
尊重他人 尊重自己
勿做仆街仔
毒菇九賤ptt 在 [問卦] 有沒有毒菇九賤的八卦- 看板Gossiping - 批踢踢實業坊 的推薦與評價