《無異之局》守護者之死（四）
身為一個「普通人」，雖然我有時會破例走去清理下「怪異」。但其實咁多年以嚟，我都盡量避免同本地嘅「異幫」有所交集，更莫講話起衝突。
因為，各個「異幫」之間嘅平衡其實只係虛有其表，實質充滿暗湧。而我好清楚自己嘅每個行動，都有機會帶嚟難以想像嘅漣漪效應。但自從接手阿聰嘅事之後，彷彿冥冥中安排一樣，短短半年間我已經先後面對咗「極樂園」、「白色秩序」同「城寨幫」。
不知不覺間，漣漪已經越擴越大……而我當然想趁自己仲可以控制嘅時候，盡可能修復過嚟。
「三位『九龍』，在此討教！」
握長棍嘅男人咆哮一聲之後就向我直奔過嚟，佢雖然冇陸孝忠嘅爆發性速度，身手亦冇山上兩姐妹咁敏捷。但從佢嘅眼神同氣勢，我可以感受到佢嘅自信……而呢份自信毫無疑問係來自戰鬥經驗。
「哈！」
下一秒，佢已經跑到我面前，躍起一棍直揮落嚟。我先側身避開，但對方反應都好快，棍喺半空就急速轉向橫殺過嚟。我立即舉起右手擋，本來身上嘅隱形護盾應該可以將佢連人帶棍彈開……但實際卻係出乎預期，棍喺距離右手手腕兩三厘米嘅距離緩落嚟，之後仲慢慢迫近。
擋唔住？我一下念頭閃過，最後選擇先退後拉開返距離。對方見狀並冇急於進攻，反而係停落嚟笑一笑。
「一般人咁擋嘅話已經斷咗手，」佢講：「你果然係唔一樣。」
「所以，你真係冇諗住報個名號就直接出手？」我問。
「莫易。」佢一答完就再衝過嚟，一邊進攻一邊大嗌：「打拳佬！佢睇嚟係有機會逃走……你可以破壞佢部車喇！」
「我等咗呢刻好耐喇！」企喺車旁嘅高個子即刻握緊拳頭，我喺避緊攻擊嘅同時感到有一股氣慢慢匯集向佢嗰一邊，「喝！」
打拳佬一拳直接打向我部藍色貨車，頓時觸發預先準備好嘅防禦系統，兩者碰撞產生嘅反作用力瞬間將佢炸飛，一連撞爛咗好幾架停泊汽車嘅車頂，最後成個人撞埋牆攤落地，其後引發嘅衝擊波亦都吹起停車場嘅灰塵以及碎紙……
「喂，你朋友冇事嘛？」我有少少驚訝，「你哋應該知道唔會咁簡單……」
「計算之中。」冇諗到回應我嘅人居然就係打拳佬，而聲音居然喺背後傳嚟。
🔽閱讀全文，入去前用幾秒俾 like 同分享下呀：
https://www.patreon.com/posts/56715227
－－－－－－－－－－－－－－－－－
《無異之初》《無異之地》各大書局熱賣中。
－－－－－－－－－－－－－－－－－
【訂閱 Patreon 欣賞更多故事】
▶️《扮工鬥室》上半部（已完成）
https://bit.ly/3y7CC7R
▶️《屍人屋苑》新章節（連載中）
https://bit.ly/3zbmXFP
▶️《迷離短篇》足本版（連載中）
https://bit.ly/3B3zT1a
https://www.patreon.com/posts/56715227
如果想緊貼我嘅資訊，亦都可以去 follow 埋 IG：echoofheart
死四 在 《脫稿玩家》8.12(四)搶先全美上映_死侍版預告反應登場 的推薦與評價
《脫稿玩家》8.12(四)搶先全美上映_死侍版預告反應登場. 245,708 views245K views. Aug 5, 2021. 596. Dislike. Share. Save. 二十世紀影業. ... <看更多>