《沙角掃街記》
.
沙田圍沙角市場最近開左新食街，仲要開到凌晨1點，咁近梗係要去試下啦！去到其實比我想像中細，好彩都有唔同種類既食物選擇，而每間鋪只有大約4個坐位，不過大部份街坊都係邊行邊食／外賣，所以即使我地晚飯時間去都有位坐。環境方面幾乾淨光猛，不過冷氣好凍。
.
📍玲食蜜語
第一次食櫃桶腸粉！櫃桶腸粉顧名思義就係用櫃桶蒸既腸粉，$25自選三款材料，我地揀左叉燒、蝦仁同蛋，腸粉睇住佢即叫即製好新鮮，食落唔同平時酒樓既腸粉，口感更滑，味道更豐富，個人認為個蛋真係重點，口味完全不提升，下次可能問下有無得雙蛋甚至三蛋。
.
📍燒賣王子
一入到食街就比呢間吸引住，呢間主打自家製既燒賣，可以睇住佢即包即蒸既燒賣，用料唔係一般街邊檔/ 7-11既頹肉燒賣，其實款款都想試但奈何仲要食正餐，所以只係叫左炸燒賣，即製燒賣的確係好食d既，大大粒好正，可惜炸到痴埋左一齊外相差少少； 講真加左椒鹽既燒賣係唔錯，不過個人都係覺得炸燒賣配蜜糖好食d~
.
📍寶泰
呢間野主打泰式快餐，見到幾多街坊買小食番屋企加餸，小編叫左一碗雙丸湯檬，味道就不過不失啦，不過咁既價錢($28)晚飯真係好抵食。
.
沙角市場 Freshall
📍新界沙田沙角街5號沙角市場
.
🔎 #mkbowfoodies掃街
.
.
.
#mkbowfoodies_pw飯堂 #mkbowfoodies沙田 #宵夜 #腸粉 #燒賣 #hkstreetfood #hksnacks #nomnom #hkfoodie #hkfoodblogger #like4like #hongkongeats #topcitybites #fotdhkig #852food #follow4follow #相機食先 #美味しい #foodstagram #foodie #沙角邨 #沙角市場 @ Sha Kok Market 沙角街市
櫃桶腸粉 在 櫃桶腸粉 的推薦與評價
櫃桶腸粉. 34 likes. . 35 followers ... Not yet rated (1 Review). 櫃桶腸粉. Feb 17, 2018. 豉油賣到一滴都無，立即再煮。 Alice To and 5 others. ... <看更多>