【異動尋寶】恒指堅破頂 你準備好未?
恒指準備再破2015年大時代高位28588點了!你準備好未?點解咁肯定?睇吓重磅股:
本地地產股:午後借今日施政報告「首置上車盤」消息炒起,最多農地的恒地(012)漲3.4%。
滙控(005):美聯儲12月加息高唱入雲,滙控曾創9年新高,氣勢強盛。
騰訊(700):再企穩350元大關收市,午後成埋科技股炒起,網龍(777)、丘鈦(1478)、鴻騰(6088)、IGG(799)升幅介乎5%至7%。
內銀股:尾市趁墟一湧而上,上週最強的工行(3968)、招行(3968)埋單倒升1%。
中移動(941):一見到中移動升,好多戰友都會嗌救命,因為成大盞藍燈籠擺在面前,但另一角度睇,大戶連中移動都要挾,好明顯係要「全家總動員」,破頂的決心相當堅定。
整體市寬方面,昨日上午仲係跌股多過升,但收市後再睇,上升股份近1,000隻,下跌股份減至600幾隻,升跌比例大幅改善,為破頂在即的一個有力佐證。
下關睇幾多?不重要。閣下手上有沒有足夠的持貨,去享受這個升浪才是重點。魏力仍以五大強勢板塊的龍頭股進攻:金融、內房、汽車、科技、資源。主題概念股就包括5G、教育、內需等。如手上銀彈不足以分散落注,惠理基金(806)也是不錯的選擇。
中小型股亦乘勢開車,昨日在Yahoo直播提及的南旋(1982)、萬裕(894)當然要繼續吼實;機械人概念股南京熊貓(553)亦突破大圓底頸線,中線有條件上番7字頭。細價股更是眉飛色舞,有戰友話每個大牛市,文化傳信(343)都總會大炒一轉,昨日就破位漲8%。但要強調,此股風險十分高,落不落注就由閣下自行判斷了。
http://bit.ly/2hzyEQc
Search