【秘魯港人確診亡】 #李家超佛系救援？
其實唔止身處秘魯Cusco嘅香港旅客感染武漢肺炎死亡，另外亦有個香港女仔係隔離期間，因為同hostel有人確診，被秘魯政府要求全棟hotel隔離1-3個月，最新消息佢同棟hostel再有兩單疑似個案，佢都好擔心自己有事。
我隔兩三日都會問下佢，睇下佢係咪安好，政府呢？入境處本身直頭唔收case，只係叫香港人搵中國大使館。後來我迫入境處一定要做記錄佢地先開始做，而個女仔登記時已經同職員講過佢有可能隔離幾個月，但當下一次再有職員打俾佢，又係無record到。其實做個登記係咪咁難呀？
我只係區區一個立法會議員，呢幾日都已經聯絡咗英、美、韓、馬來西亞等多個領事館。英國領事館應承接走BNO持有人；尋日有班機俾當地台灣、日本、韓國、馬來西亞人去美國邁阿密，再轉機離開美國，我安排到2個身處Cusco持有馬來西亞passport嘅香港人可以上機，原本都可以安排到身在Lima持美國簽證嘅香港人上機，但可惜因為封城同交通原因趕唔到。
而保安局做過咩？繼續「嘆慢板」扮無事？中國呢？出封「訃聞」就了事？
事實上香港政府絕對有嘢可以做！例如Cusco現時全面封城，之前有兩個新加坡女仔買到機票想自行去機場搭機離開，結果途中俾軍人截住，最終強制送咗去軍營隔離。尋日2位馬來西亞passport香港人走到，係因為馬來西亞政府安排專車去機場先走到，香港政府就算唔派包機都要做協調！
又例如現時摩洛哥仲有30幾個香港人，我有聯絡過韓國領事館，所以我知4月1號韓國政府安排咗一班專機由Casablanaca接人返去首爾，香港政府完全可以同韓國政府聯絡合作，睇睇有無位俾香港人上機。
點解成個保安局無人做嘢？要靠立法會議員同香港人自救？連捷克、以色列都有包機由秘魯返國，點解香港政府可以咁廢，完全無反應？
成日話香港係國際城市，有幾多國際連結，到真正出事香港人仲慘過孤兒仔！？
李家超佛系救援 在 【#大灣區訪問團｜第三日赴莞佛，李家超：華為不怕打壓的企業文化 ... 的推薦與評價
大灣區訪問團｜第三日赴莞佛，李家超：華為不怕打壓的企業文化讓人敬佩】... ... <看更多>