不如中文名叫「御四季」算啦
#反正英文名有Seasons大家都諗起FourSeasons㗎啦
【#英文名型啲】 新地天水圍濕地公園項目 改名做「Wetland Seasons Park」
手頭大堆貨等住賣嘅新地，最近再開啟新一輪賣樓大計，今次由天水圍項目領軍。昨日發展商並就天水圍濕地公園路9號項目公布命名，第1期名為「Wetland Seasons Park」。
🔶 #小編好像聽到的士大哥在爆粗
小編聽完樓盤英文名字的長度，都相信係近期新盤之冠。長又其實唔係問題嘅，小編只係可憐的士大哥，又要記多個水蛇春咁長嘅樓盤名，但相信將來啲人講講下，都係會簡稱返佢做「Wetland」，至於的士大哥會否將佢同濕地公園(Wetland Park)英文名撈亂？呢樣就難講啲，不過個盤同濕地公園咁近，兜錯左去返個盤應該都唔難嘅。
小編喺度都係奉勸第日嘅乘客們，同返的士大佬講中文：「唔該去濕地公園隔離個樓盤。」相信的士大哥會順耳啲之餘，又可以避免去錯地方啦。
🔶 #最快下月中開售
講返樓盤，新地副董事總經理雷霆表示，項目正待批預售樓花同意書，一切順利下月中就可以開售。他坦言最近幾個月推盤部署略受中美貿易談判問題影響，現時則屬最佳推盤時機。仲記得樓盤當年勁平買返嚟，每呎樓面地價才1800多元，今次開價會否有驚喜值得期待。
🔶 #樓盤共有1727伙
新地代理總經理胡致遠稱，項目分3期以梯級式發展，共有1,727伙。第1期包括10間洋房及5至10層高低密度住宅，共有710伙，分層戶間隔由1房、2房及3房，近75%為兩房或以下。而同系東半山Central Peak有機會年底至明年初開售。
#新地 #天水圍 #WetlandSeasonsPark #濕地公園 #的士大哥被考起 #有無中文名 #係咪會叫濕地季節公園 #下月賣
最快下月中開售 在 台灣最快下月中開放自由行陸港澳暫不受惠 - Yahoo財經 的相關結果
2022年9月22日 — 台灣昨新增42212宗新冠肺炎本土確診及59宗死亡個案，確診數字比上周四下降6.8%。中央流行疫情指揮中心宣布，將分兩個階段放寬邊境管控，首階段下周 ... ... <看更多>