關於 早餐車利潤 ，我們在網路上蒐集到這些相關的討論、資訊與評價

阿妹，想食乜！同你介紹返咩係菜！

亂鳩咁黎系列，啊，應該係全職炒散系列話做就做，今日，我係菜檔陪同店主賣左半日菜，真係眼界大開，唔講太多，去點！

1）是日任務，賣菜！地點，屯門新墟街市，下午時段

2）政府街市，非領匯，檔口係兩個連位，目測菜品種類超過三十款，每款都唔算多

3）第一單生意，菜芯，一斤，廿蚊（覺得貴？咁要睇埋落去）

4）首先介紹返店主先，八十後，用五百蚊入行，零晨五點係街市前走鬼，然後投標入左街市擺檔，新墟檔口已經有八年歷史

5）店主只有一人，無請員工，返工時間，未發達前，凌晨四點幾五點，到晚上八點，幾乎你收工就要返屋企訓等聽日再開檔；發達後，朝早七點半，去到檔口叫早餐嘆，六點收檔走人

6）賣菜都會發達？一日搵幾多？黃金年代一日純利四五千走唔甩，今日就唔同講法，想知今日埋數賺幾多？慢慢睇到最後一點

7）如果想入行賣菜人工幾多？店主分享，你連菜芯同芥蘭都唔識分咁做，都一日700，當你熟手，甚至一手就可以精準拎到一斤菜時，就由一日900－1200不等，但你要搬菜，無體力請自重

8）有冇假放？你見街市有冇休息？幾乎只放新年，唔好講周末假期，長短周，連紅日你都要返工，店主聲稱只會去旅行時先會放假

9）付出咁多，你得到咩？養妻活兒，買樓唔太大既樓絕對無問題

10）睇到呢度，想入行做店主？請睇後面，會講晒所有條件比你聽

11）開始你問我答環節，咩季節食乜最好，低級問題，夏天食瓜果豆，冬天就菠菜豆苗西洋菜西芹粟米蘿蔔

12）菜芯公價係幾多？無所謂公價，唔同地方有唔同價錢，同樣係菜芯，由貴至平既排列大約如下：City Super，一田，大型連鎖超市，街市「執」菜檔，街市「唔執」菜檔，街邊大型菜店（夜晚會放晒出黎一份份平到五蚊有交易個種），而店主既菜芯係20蚊一斤

13）五蚊斤菜芯其實你都買到，點解店主會賣20蚊斤？上面講到一個「執」字，會執既菜檔普遍都貴，因為店主會將唔靚既菜頭菜尾都幫你處理好，唔好睇同壞既菜會丟左，你返到屋企只需要洗一洗就可以直接煮，有別於「唔執」檔，其實佢地有三分一都用唔到，佢貴係貴在個人工錢（其一）

14）有機菜合集，點去分辨有機菜？當你發現檔口有一大個「有機產品」Logo時，佢先「有機會」係有機菜，無Logo就一定唔係，想保證有機，請去大型超市就一定唔會呃你

15）有機菜係咪無農藥？錯，有機菜都有機會有農藥，只係係規管下你唔可以用多過幾多農藥，就算你食有機都「可能」有農藥使用過

16）有機菜係咪好食D，店主話根本難以分辨，味道口感同營養都唔係因為有機同無機而出現分別，你覺得有機菜好食既就食有機，開心就好

17）店主係咪賣有機菜？唔係，但店主主要係賣本地農場既菜，亦因為咁，呢個係佢貴過外面既原因之二

18）本地農場係咪好食D？唔一定，但一定會比進口菜新鮮，因為係運送過程會比進口菜短好多，本地菜由佢收割到街市，大約一兩日，店主話，大陸菜芯係寧夏過黎，唔通飛機空運咩，陸路過黎，又要車程又要過關，黎到香港去批發再派貨，自己計放左幾多日啦，當菜新鮮，自然就無咁老咁多渣

19）幾點前買菜最好？中午前啦，中午後就開始有野賣晒，當然你食大路野都會比較易買到

20）幾多錢先送蔥？店主話真話係，睇佢心情，我見佢有時送蔥有時送辣椒有時送蘑菇，靚女係有多D野送（以我觀察）

21）超甜粟係咪真係甜？係，但你要確認到佢真係超甜粟，最簡單分辨係粟米粒有黃有白，如果粟米鬚呈銀色就係極品（我打開粟米見到有條死蟲，店主話呢種通常都會捐去食物銀行，黑心店就會切走照賣）

22）讀者你問我答環節，有部份我都答左係上面，蕃茄係咪個底有粒星就甜？唔係，最緊要紅同軟，因為熟到軟既先代表甜

23）有機菜係咪會多d蟲，係，因為用少左農藥，整體會「樣衰」過無機菜

24）點樣洗菜最好？浸，然後洗兩轉都夠晒

25）入貨有冇MOQ，你一百蚊都可以買，有錢就得，有機菜要買唔難，但你要再轉賣有機菜就要有牌

26）菜係咪一定要噴水，係咪呃秤？店主即時展示佢既霧化噴壺，噴完之後佢問我，你覺得重左幾多？點解要噴水，店主有兩個解釋，一，依家街市有冷氣，比冷氣吹到菜乾左會唔好睇同老，所以冷氣位一定會噴水；二，因為大家都理解有水既菜先新鮮，為左滿足大家既心態，佢噴比大家開心下

27）菜有水係咪好快爛？唔係，店主話，你條菜乾到無晒水份，你放幾耐佢都係咁，但一定唔係好事，水係有助保存

28）如果買左菜食唔晒點保存？浸冰水，溫度會令菜保鮮；想放雪櫃點好？浸完水，飛水，唔好滴住咁放入雪櫃，唔駛乜報紙啊保鮮袋等等，其實都差唔多，因為家用雪櫃有抽濕功能，所以放保鮮格係會有助菜保留水份

29）菜係咪海鮮價？可以話係又可以話唔係，之前講到，有機、無機、本地、進口、地點、有冇執過都會影響價錢，當一棵菜芯係你眼中只係菜芯，咁就係海鮮，但你知道佢係一條本地有機執過既菜芯時，就係物有所值

30）冰菜上面既冰係咩？鹽份，所以冰菜有咸味

31）點氹師奶？店主教路，男既全部叫老闆，女既全部叫阿妹，呢個問題係我聽到佢叫緊一個六字頭既阿嬸「阿妹」後問……

32）點打敗家農呢類菜品店？有錢，你有一百億既可以同佢鬥過，但店主表示自己有一百億不如收息嘆世界，點解仲要賣菜？

33）仲請唔請Partner？店主無意開分店，依家佢賣菜係興趣（從佢撩阿姐既行為中，我信佢係真心喜歡賣菜）

34）點解每種菜唔同價錢但收幾錢就咁快計到？店主話當你日日都計，計足十年，你都可以

35）芫茜同蒽點樣可以放得耐啲？店主無奈表示，食左佢啦，真係要放，冰水，曾經有客問佢菜可唔可以放兩個月，店主指左對面間菜乾店叫佢買菜乾

36）每日賣淨既菜會點處理？一，食物銀行；二，賣比餐廳，通常都唔會掉，收檔時我見佢薯仔、薑、蒜頭呢類貨會留之外，其他全部入膠袋，夜少少會有人收走送去餐廳

37）平均一斤菜有幾多利潤？唔定，愈大路既菜利潤愈少

38）有冇人收陀地？無，最多都係舞獅派財神，十蚊打發走個種（佢係政府街市）

39）老老實實賣菜係咪生存唔到？係，答案太長，下回分解

40）如果你想入行，可以點？店主表示，如果你可以申請到政府街市，一個月租金平到你唔信，只要你開舖都唔會憂，領匯就唔好諗，原因太長，下回分解；以佢舖位做例子，起動成本只係兩萬以內，是日入貨1052，本真係唔算多

41）如果聽日係世界末日，店主只可以食三種蔬果，佢會食乜？非本地系列：日本產香菜、法國番薯、荷蘭甜椒；本地系列：香港椰菜、荷蘭豆、扁豆（原來兩種豆係唔同）

42）有關點揀菜……篇章太長，我會之後再解釋，今日記野都記到我頭都暈

43）是日進貨成本，1052；是日銷售額（只計紙幣）3800

44）是日本人收獲，老細請左我食外賣，一條老細精心挑選既蘿蔔同粟米，同埋一堆聽極都唔厭既賣菜知識趣事，請容我叫老細一聲，師傅！！！！

作者的話，今日真係獲益良多……我對菜真係一無所知，比佢笑左我好多次，對於一個完全無架子，願意分享成行所有情報同潛規則既店主，仲完全不求回報，佢話唔好開佢名，以免比人點錯相！我代讀者們再一次多謝佢，而我都同佢講，我仲有好多問題想知，一定會定期再搵佢！

所以讀者們如果有問題想再問既，請留言！！！！！！！！！

如果喜歡呢個系列，同埋想感謝店主既分享，請比Like Comment and Share！！！！！店主有偷偷睇Post！

賣菜系列將會下周再來！而我亦準備做圖文版本，需要較長，敬請留意我既更新

【一連七集，第五】哈佛知識分享: Trade-offs 如何「取捨」?

你要取得更多，就要捨棄更多。「取捨」is tough, but you have to do it!

股神巴菲特 Warren Buffett 有句名言好影響我:

"The difference between successful people and really successful people is that really successful people say no to almost everything.‘’

成功及非常成功嘅人分別就係非常成功嘅人對絕大部分事情都係 say No.

識我嘅朋友都知道，我經常講:「我乜都唔識、乜都唔買! 我只買幾千萬以下香港嘅街舖。 我唔買樓、唔買工廈、唔買商廈、唔買農地、唔買車位/骨灰龕位、唔買大灣區、英國樓、非洲農地、 火星月球。 全部都唔買，送畀我都唔要。Again … 我只買港幣五六千萬以下香港的街舖仔。 香港有十萬間，買十世我都買唔晒! 呢世我只想買一千間。」

哈佛大學教授 Michael Porter 亦講過: “Strategy is making trade-offs in competing. The essence of strategy is choosing what not to do."

策略就係要以「取捨」去競爭。 策略嘅精髓就係要知道唔做乜!

上一集講過，何謂一個好嘅策略 Good Strategy? 教授 Michael Porter 話要經得起五個 Tests:

A distinctive value proposition 獨特的價值主張

A tailored value chain 度身訂造的企業價值鏈

Trade-offs different from rivals 同競爭對手不同的「取捨」

Fit across value chain 成條企業價值鏈的活動要配合

Continuity over time 持續性、持續性，不能一時一樣

今集同你講第(3) Trade-offs different from rivals 要贏，就要有同競爭對手不同的「取捨」。

What are trade-offs?

"Trade-offs are the strategic equivalent of a fork in the road. If you take one path, you cannot simultaneously take the other." by Michael Porter

「取捨就好似去咗一個交叉路口咁， 你只可以二選其一，唔可以兩條路都行晒。」

做生意，唔係多啲，就好啲。 多啲產品、 多啲服務、多啲客戶， 唔代表你就係好啲。 因為你營業額可能多咗三成， 但利潤反而可能無咗一半。 咁我就情願營業額細啲，利潤多一倍好過。 記住一開始嘅時候我話 Michael Porter 講過:

"Competition is not about being the BEST, not about MARKET SHARE. Competition is about being UNIQUE, about earning PROFITS" by Michael Porter

競爭唔係要做到最好，最大嘅市佔率。競爭係要做到最獨特，同埋賺到錢，長遠地賺錢。

幾年前我講過，香港週街都係髮廊，但點解有間特別唔同?

video …

QB House (Quick Barber) 就係做咗好多「取捨」 trade-offs ， 好多嘢唔做，但反而吸引咗一班想「快、靚、正」 ，但又唔想求求其其、 污糟邋遢剪個頭髮嘅繁忙上班一族， most likely 男士們、三四五十歲左近。10 minutes, just cut!

QB House 專注培訓、建立系統，令呢班目標顧客群由原本一兩三個月先剪個頭髮，而家一兩三個星期就去剪轉一轉。 剪快咗、剪多咗，就令QB House 同佢嘅髮型師雖然做少咗嘢，但反而收入及利潤上升。This is what I call "trade-offs", LESS IS MORE!

就係因為 QB House 嘅 Trades-offs 同一般髮廊嘅競爭對手唔同，當初首創新嘅經營模式係日本做到最獨特， 亦都解釋咗點解佢1996年由東京一間開始， 短短幾年間就能夠開到全球幾百間分店，2018年仲係東京証交所主板上市， 依家市值近20億港幣。 雖然有好多人想抄佢，QB House 嘅專注，佢 make 嘅 trade-offs 至今依然令佢每年生意額都上升，到今日都保持住係「速剪」行業嘅領導地位。

我成日都話，「當你乜都做，等如你乜都唔做!」 …. 因為你無樣嘢做得好、無樣嘢做得專。When you please everybody, you please nobody. 做生意要「取捨」，唔放手，唔會得到更多。

可能你會覺得 Just-Cut, QB House 都做咗啦。 做髮廊仲可以點變? 根據 Michael Porter，大把方法變。 最緊要就係，唔係人做你做。Your trade-offs have to be different from your rivals, then you have a strategy.

你嘅「取捨」要同你競爭對手唔同，咁你就有好策略。人哋 Just-Cut, 咁你可唔可以 Just Perm 電髮? Just Color 染髮? Just Blow Dry 吹頭?

唉! Just Blow Dry? 美國加州有間咁嘅髮廊 …

佢就好似係 QB House 嘅翻版，但係 No Cuts No Color, Just Blowouts. 齋吹頭! 美金$40，45分鐘時間，班目標顧客群，即係長頭髮嘅二三四五十歲女士們， 就可以 enjoy 喺個輕鬆嘅環境洗下頭、按下頭、吹下頭、飲杯 champagne、聽下音樂、Relax 下，就有個清神爽利嘅頭見人!

因為做得夠專，懂得運用 Michael Porter 所指嘅 trade-offs ，同一般髮廊競爭對手唔同嘅 trade-offs, 好多女士就個個禮拜去幫襯，relax relax 下。2010年由美國加州第一間店開始， 十年間，全美開超過一百間分店， 擁有超過5000個髮型師， 每次美金$40，每個月幫緊20萬個客人吹頭。 淨係吹頭，依家營業額每年超過一億美金。

全球最大嘅傢俬公司，IKEA， 又係另一個Michael Porter 所指 Trade-Offs 嘅典型例子。佢由產品設計 (自己裝嵌)、產品種類 (簡單得來又多幾樣選擇)、 自己推住架車嘅購物模式、至到客戶服務 (間舖頭永遠唔易搵到人幫手，人客自己搞掂，慳番啲成本，換取平啲價錢)，到最後排隊畀錢、自己包裝、抬件貨返屋企 …. 如果唔係送貨要額外收費 (無得免費)。IKEA 成條嘅企業價值鏈 value chain 都係同其他一般嘅傢俬公司好唔同，有好唔同嘅 Trade-offs 取捨。

IKEA 嘅「取捨」，就能夠吸引咗一班 “with a thin wallet" 想價錢平，但又想 good design, 唔介意自己辛苦做多啲， 工餘時間，甚至乎自己花成日裝嵌埋嘅顧客。IKEA 明白佢唔會 serve 晒所有人。 我以前係美國讀大學、 或者啱啱出嚟 New York 做嘢，都好鍾意去 IKEA 買嘢，因為平! 而家? 叫我花成日嵌件傢俬，睬你都傻! I was an IKEA Customer, but not anymore! It's OK, you cannot please everybody! 做生意就係個「取捨」! 賺到錢就得啦。

美國最賺錢嘅航空公司 Southwest Airlines 西南航空都係一樣，No first class, No meals, No assigned seats, No baggage transfer, No planes other than Boeing 737s, No International Flight … so on and so forth.

無頭等、無飛機餐、無預設定座位、無行李轉運 、除咗波音737乜嘢客機都無、無國際航線。 仲有好多都比一般其他航空公司無。

但就係因為「冇」， 運動複雜程度及成本下降，Southwest 就可以專注做以下幾樣嘢特別好，就係「平」、「快」、「準時」、員工做得開心自然服務態度更好。其他乜都無， 但未必個個客人都啱!

於是 Southwest 有個好出名嘅 "Pen Pal" 故事，就有位乘客 Mrs. Crabapple， 經常好唔滿意 Southwest Airlines 乜都冇，無頭等、無飛機餐、無預設定座位、無行李轉運等等等等， 經常寫信去 Southwest 投訴，呢個「筆友」"Pen Pal" 個個客戶服務部同事都怕咗佢， 寫完又寫， 回覆左又寫，投訴完又投訴。 直至客戶服務 部嘅同事們都冇計， 叫當時嘅CEO/創辦人 Herb Kelleher 回覆。佢點寫? 真人真事! 60秒內，佢回覆:

“Dear Mrs. Crabapple. We will miss you. Love, Herb." 即係話，請佢走， 唔好再返來!

聽落好似好搞笑，但Michael Porter 話呢個係一個典型嘅 trade-offs 例子，you cannot please everyone. 記住，一開始嘅時候，我講過:

"Strategy is making trade-offs in competing. The essence of strategy is choosing what not to do." by Michael Porter.

策略就係要以「取捨」去競爭。 取捨嘅精髓就係要知道唔做乜!

"When you try to offer something for everybody, you tend to relax the trade-offs that underpin your competitive advantage." by Michael Porter.

當您嘗試做曬所有嘢去服務每一個人，你嘅「取捨」就會減少， 同時亦都會減少你嘅競爭優勢。

善用 Trade-offs 「取捨」去增強自己競爭力嘅機會隨處都係，爭在你願唔願意「放手」，先能夠取得「更多」。

包括我自己在內， 如果我乜嘢地產項目都投資，有賺錢就買， 甚至乎集資錢多地盤都搞埋， 我只係一個三四流嘅地產發展商。 我點同新鴻基/恒基/長實打呢? 但我專注幾千萬以下嘅香港街舖，我就係一個一流嘅商舖基金公司， 全香港人， 包括所有大嘅地產發展商，係街舖買賣都唔會夠我來。 社運/肺炎後，全香港買賣舖無人夠我哋多，呢個係事實!

"Trade-offs are choices that make strategies sustainable because they are not easy to match or to neutralize." by Michael Porter.

「取捨」會令到策略更有持續性，因為競爭對手 好難去複製或抵消你嘅優勢。特別是你嘅 first mover advantage 先行者優勢。

我係香港第一個商舖基金，就永遠都係香港第一個商舖基金。只我哋專注，未來幾十年，我知道係香港嘅街舖，無人會動搖到我哋嘅領導地位。

即是有人入嚟炒，Michael Porter 話新入嚟嘅 「模仿者」好多時都只係做 Straddling 跨騎， 即係好似「一腳踏兩船」咁， 自己本身嘅本業又做，商舖又做，結果兩邊都做唔「專」。

就係因為有自信我先咁講。因為好似今集一開始咁講，根據 Michael Porter 嘅 "Trade-offs different from rivals"， 我哋係放棄咗好多嘅嘢，同競爭對手大大唔同，先能夠建立到我哋今日係香港街舖嘅領導地位。 只要我哋專注，我哋嘅基金投資者會賺錢! I know it. 但如果有一日，我開始搞工廈、搞商廈、搞地盤、搞英國樓、搞埋茶餐廳、 補習社 、 酒樓、酒店等， 就係投資者應該攞錢走嘅時候! 乜都做，就開始等如乜都唔做!

你呢? What are your trade-offs? 你的「取捨」同競爭對手有咩唔同呢? 抑或人做你做，人客想要乜，你就俾佢乜呢?

There is no problem with that! 第一集一開始我就話，99%嘅公司都係咁，養家活兒可能好多年都冇問題， 但根據 Michael Porter，你只係停留係第二個 S - Sustaining 持續緊嘅階段。 做好多年，搵到食，但可能仍然冇人識你，無突破。Survive, Sustain, 但要去到第三個 S, Succeed, I mean Super Successful 好似一支箭咁標上去，等如以上 QB House, DryBar, IKEA, Southwest Airlines 咁，你就要有 strategy 策略。 你嘅「取捨」trade-offs 要同競爭對手截然不同。

李小龍嘅名言，亦都係掛喺我公司office嘅唯一名言: "I fear not the man who has practiced 10,000 kicks once, but I fear the man who has practiced one kick 10,000 times."

李小龍唔怕嗰啲踢過一萬種唔同腳法嘅人。但佢怕嗰啲踢過一種腳法一萬次嘅人。 你嘅腳法又點呢? 有興趣一齊研究下點做? 聽多啲 Michael Porter，就來我星期六嘅早餐會啦! 下集我再同你講 (4) Fit across value chain 成條企業價值鏈的活動，如何配合去增強你的競爭優勢?

。。。。。

My hobby 《星期六早餐會》!

九/十月份早餐會 Topic: Applying "Michael Porter" to your business: How to compete and win!

哈佛分享: 如何應用「米高波特」於你盤生意? 點競爭? 點贏?

講起哈佛策略教授， 無人出名過 Michael Porter. 有幸我2017年在哈佛親身上過他教的課程， 今次早餐會同你分享，希望對你做生意亦有所啟發。

有興趣參加啦 😃 每次限四位 (包括我)。 人多傾唔到計。

9月份，逢星期六早上9時開始，約三小時。地點中環。

對象: 中小企老闆/創業者/公司管理層，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

我唔係靠呢行搵食，免費，我請食早餐 😉 Be friends ..... 有機會到時見你。李根興 Edwin

www.edwinlee.com.hk
www.bwfund.com

聯絡李根興 whatsapp (+852) 90361143

#michael_porter #競爭策略

第四集 (一連七集) 哈佛知識分享: What is strategy? How do you create value? 什麼是策略 ? 你如何創造價值?

一開始我講過:

"The first test of a strategy is whether your value proposition is different from your rivals. If you are trying to serve the same customers and meet the same needs and sell at the same relative price, then you don't have a strategy. " by Michael Porter

如果你嘅價值主張係同你嘅競爭對手一樣， 即係話你服務緊同一班顧客， 解決緊同一問題， 收緊差唔多價錢的話， 哈佛教授米高波特就講你係「人做你做」，你「無策略」 。

咁何謂一個好嘅策略 Good Strategy? 教授講要經得起五個 Tests:

A distinctive value proposition 獨特的價值主張

A tailored value chain 度身訂造的企業價值鏈

Trade-offs different from rivals 同競爭對手不同的「取捨」

Fit across value chain 成條企業價值鏈的活動要配合

Continuity over time 持續性、持續性，不能一時一樣

今集先再你講(1) 同 (2)。 (1) 何謂獨特的價值主張? 你先回答以下三條問題，睇下你同競爭對手有乜唔同。

Which customers are you serving? (What end users? What channels?) 你服務緊邊班客? 誰是最終顧客? 什麼渠道接觸他們?

Which needs are you going to meet? (What products、features、services?) 你想滿足他們什麼需求? 什麼產品、特徵 、服務?

What relative price? (Premium or discount?) 相比起競爭對手，你打算賣貴啲或平啲?

"The value proposition is the element of strategy that looks outward at customers, at the demand side of the business. The value chain focuses internally on operations. Strategy is fundamentally integrative, bringing the demand and supply sides together." by Michael Porter

策略入面的「價值主張」 是從由顧客的「需求」角度出發。 「企業價值鏈」反而是由內部的營運流程「供應」出發。 策略的基礎就係把「需求」及「供應」兩者整合在一起。

你要有好嘅策略，你就要第 (2) Have a tailored value chain 有一條度身訂造的企業價值鏈。由入貨、加工、包裝、市場推廣、 銷售 、出貨、至售後服務都要同競爭對手唔同， 都係度身訂做去服務你以上「價值主張」要服務的顧客。

Michael Porter 話做生意常犯嘅錯誤，亦都係最忌嘅就係 "Stuck in the middle" 「卡住喺中間」。即係平又唔係平過人， 靚又唔係靚過人， 服務嗰班客或者佢哋嘅需求又唔係特別嘅過人，咁你就乜唔係，「價值主張」無乜特別，好難突出。咁你可以點?

例如， 如果就咁開間租車公司，你點同業界巨頭 Hertz, Budget, Avis 打呢? 好容易就 "Stuck in the middle"， 因此絕大部分嘅租車公司你都唔會識，我亦都唔會提。 但美國有間獨特的租車公司，Zipcar， 佢同一般嘅租車公司好唔同。

Zipcar 唔係好似絕大部分嘅租車公司咁， target 區外客， 到咗某個城市要租車週圍走。佢係 target 平時市區內住，無養車， 但突然間想租車走一轉嘅人仕。佢唔係按「日租」，而係按「時租」， 你想去超級市場買一轉餸都可以租。

Zipcar冇話特定嘅租車中心， 而係啲車周街泊， 透過佢嘅Apps 你就知道架車泊咗係邊度及還車地點。 咁就更加方便同埋近你屋企。公司營運成本都平好多。

Zipcar 的車種經常畀人感覺係較 “Cool" ，比較型仔啲、環保啲。 佢唔會花好多錢大賣電視/戶外廣告，而係喺架車身上面貼住大大個公司 hip logo，變相周街免費流動廣告。

Zipcar 叫自己做 Car Sharing Company, not Car Rental Company。因為唔係個個人都租得，而只係付月費/年費的會員才能夠租。 依家月費每月7元美金或年費70元美金。咁佢就可以每次收費更平出租，但重複地賺你個月費年費。 佢想建立個形象就係 Car Sharing 遠遠環保過自己一個買架、保養、同埋棄置成架車。專攻年輕、活躍、較 "Green“ 的新一代。

Zipcar 仲有好多好多嘅特點講唔晒。總之就係，佢嘅 value proposition 價值主張 (Which Customers? Which Needs? What Relative Price?) 同所有其他租車公司巨頭都唔同， 成條嘅企業價值都係為咗個「價值主張」而去度身訂，同所有競爭對手都好唔同。

記住前幾集我同你講過，what's the right mind-set for competition? 你應該點諗競爭?

盡量得，你應該諗 Not be the the best, but be unique。 唔係要做到最好，而係做到最獨特。Zipcar is unique.

Not be number 1, but earn higher returns. 唔係要做到第一，而係要多啲回報，賺多啲錢! Zipcar 回報最高嘅係不斷重複收嘅月費年費，最穩定。

Not focus on market share, but focus on profits. 唔係要市佔率，係要利潤。Zipcar 賺錢。

Not serve the "best" customer with "best" product, but meet the diverse needs of target customers. 唔係要「最好」嘅產品，畀「最好」嘅客。而係用唔同嘅產品，滿足唔同顧客嘅需求。Zipcar 班客同其他租車公司好唔同。

Not compete by imitation, but compete by innovation. 唔係人做你做，而係要創新! Zipcar 肯定創新。

Not ZERO SUM game, but POSITIVE SUM. 唔係「零和遊戲」、互相廝殺， 而係大家從不同層面創造價值， 可以有好多個贏家。Zipcar 吸引咗一班平時唔係租開車嘅客， 佢做大咗個餅。

Zipcar 就係做到上 "Be Unique“ 嘅表表者。因此短短幾年間就可以係租車業界一支箭咁標上去，2000年係美國波士頓創立, 2013年就俾另一租車業界巨頭 Avis Budget Group 以美金5億收購了。2016年9月 Zipcar 公佈，全球9個國家，500個城市，擁有超過一百萬個會員。 一百萬個付費會員， 即使全部人唔租車，只係收月費年費都幾和味。 呢個就係我成日所講嘅做生意要做「農夫」，唔好做「獵人」，必須要客人係重複性購買， 你塊田先至會越嚟越大。

包括我自己在內，如果我純粹買賣舖， 根本我同其他商舖投資者無分別， 我錢又唔夠佢哋多，經驗又唔夠佢哋老到。 直接對撼，I have no strategy! 但我做「商舖基金」就完全唔同啦。班目標顧客、佢哋嘅需求、我所收嘅價錢，都完全唔同。 大家都係做「舖」，但我成條做「舖」嘅「企業價值鏈」， 由集資、買舖、 整理間舖、搵租客、諗計仔幫佢做多啲生意、至出售間舖、同售後服務， 都係同其他競爭對手唔同。亦都解釋咗點解， 即使社運/肺炎，我哋基金每季集資起碼6000港幣都季季爆額，近年全香港買賣街舖無人多過我哋， 我相信只要我哋專注係我哋條買舖的獨特嘅「企業價值鏈」，未來幾十年香港都唔會有人買賣舖多過我哋。

"Choices in the value proposition that limit what a company will do are essential to strategy because they create the opportunity to tailor activities in a way that best delivers that kind of value." by Michael Porter

「選擇」係重要嘅! 你公司就要選有乜嘢做，同更重要 - 有乜嘢唔做，咁你先至可以更加度身訂造地做好你成條「企業價值鏈」，去為你嘅「價值主張」創造最佳價值。

有興趣一齊研究下點做? 聽多啲 Michael Porter，就來我星期六嘅早餐會啦! 下集我再同你講 (3) Trade-offs different from rivals 同競爭對手，應該有什麼不同的「取捨」?

。。。。。

My hobby 《星期六早餐會》!

九月份早餐會 Topic: Applying "Michael Porter" to your business: How to compete and win!

哈佛分享: 如何應用「米高波特」於你盤生意? 點競爭? 點贏?

講起哈佛策略教授， 無人出名過 Michael Porter. 有幸我2017年在哈佛親身上過他教的課程， 今次早餐會同你分享，希望對你做生意亦有所啟發。

有興趣參加啦 😃 每次限四位 (包括我)。 人多傾唔到計。

9月份，逢星期六早上9時開始，約三小時。地點中環。

對象: 中小企老闆/創業者/公司管理層，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

我唔係靠呢行搵食，免費，我請食早餐 😉 Be friends ..... 有機會到時見你。李根興 Edwin

www.edwinlee.com.hk
www.bwfund.com

聯絡李根興 whatsapp (+852) 90361143

#michael_porter #競爭策略

【哈佛知識分享 - 六大行業推動力】UA院線結業對做生意面對行業有什麼啟示?

相信大家最近都聽到UA院線停業嘅消息，當然大家都覺得好可惜。 我都曾經去UA睇過唔少電影。

但我好想重做生意角度同你分析下UA停業嘅啟示。我只想講實話。

哈佛其中一個最出名嘅商學院教授 Michael Porter， 佢話做任何生意都要留意 Competitive Six Forces 《六種行業競爭推動力》。

這六種動力， 就奠定了成個行業的定利潤潛力。 如果六個都係差嘅，你有一個叫做 6-Star Crappy Business. You have an untenable position。 中文翻譯做「六星級垃圾生意」， 你有個「站不住腳」的位置。

邊6個?

(1) Bargaining Power of Buyers 買家的議價能力。 買家唔好襯你，容唔容易幫襯第二個? 相信喺戲院嘅行業，唔去呢間，就去另一間㗎喇。 加上張單是一次性，又唔係收月費/年費，亦都冇合約綁住， 因此買家議價能力好強。 第一個 BAD!

(2) Bargaining Power of Suppliers 供應商的議價能力。戲院五成嘅成本去咗租金， 霎時間佢要搬走亦都唔鍾意， 喺香港幾大發展商話晒事， 因此戲院供應商的議價能力又係好強。第二個 BAD。

(3) Barriers to Entry 入行門檻。 你同我好少話突然間會開間戲院，但好多地產發展商都會投資做戲院。 技術水平唔需要高， 又冇話乜嘢特別版權， 問發行商攞電影就得啦， 門檻一啲都唔高。 炒碟餸你都要炒得好味啲， 但純粹播放電影，套電影又唔係你拍㗎， 你唔需要太多知識，有地方就得啦。第三個 BAD。

(4) Threat of Substitutes 代替品的威脅。 正如商舖最大嘅代替品就係網購。 去戲院睇戲最大嘅代替品，就係喺屋企睇或者甚至乎唔睇，打機上網youtube 算數。第四個 BAD。

(5) Internal Rivalry 內部競爭的激烈程度。 香港好多戲院，背後老闆都係大財團或地產發展商。 例如MCL 係麗新林建岳嘅，英皇院線就係楊受成嘅。 大財團大把錢， 獨立嘅院線真係好難做。第五個 BAD。

(6) Availability of Complements 互補商品的存在。 多咗馬路，就會多咗車。 馬路係車嘅 complement. 上網快咗，就多啲人睇 youtube 。 網絡嘅速度就係 youtube 嘅 complement. 越多互補效應，對個行業越好。 但戲院睇戲? 互補效應咁多年嚟都冇乜改變過，反而個個係 屋企睇電視螢幕大咗， 上網快咗， 音響靚咗，因此想睇戲，個個都少咗出街，留喺屋企睇好過。不進則退， 戲院嘅互補商品，第六個都係 BAD。

根據哈佛教授 Michael Porter 嘅 Competitive Six Forces 理論，香港做戲院就係一個 6-Star Crappy Business. You have an untenable position。 「六星級垃圾生意」， 你有個「站不住腳」的位置。I'm sorry, you can hate, 你鬧爆我 it's OK，但這是事實。 因此近年幾乎無一間院線賺到大錢， 一個浪冚埋來，就好容易全線倒閉。 就好似好多年前嘅卡拉OK咁， 當個個人係屋企都唱到歌或者多咗其他娛樂， 好多卡拉OK連鎖店都會結業。

你做生意都要諗下， 你個行頭以上嗰六種動力又點呢? Michael Porter 話你唔需要個個中曬， 嗰六個動力唔係一個計分制。你只係需要中致命嘅一個就已經可能玩完。

例如華為手機，過份依賴美國晶片供應商的話， 一受制裁，就好容易站唔住腳。 我做商舖基金都一樣，過份依賴某一個投資者亦唔健康。Bargaining power of one buyer 會太大。

要抗衡以上六種力量，如果你做生意醒目嘅話，就應該盡量推出啲新產品或新經營模式，將嗰六種動力由 BAD 轉做 GOOD，由 GOOD 成為 GREAT! 點轉? 有機會喺我嘅早餐會再同你小組詳談更多， 短短幾分鐘講唔曬。總之記住 UA 院線結業， 可能只係一個開始。 有好多行業以上六種力量都是差的話， 要扭轉乾坤，就必須馬上改變。Good luck!

李根興 Edwin

聯絡李根興 Edwin whatsapp (+852) 90361143

www.edwinlee.com.hk

#做生意六大動力，#戲院結業啟示

《做生意，點計數?》

又出盡18年功力，同你分析各行各業做生意，點計數?

錄影日期2020年4月7日(星期二)

摘要:
(1) 飲食業， 成本分析大致是4321。 4成食物成本(連雜項)，3成人工，兩成租金，1成利潤。
- 外賣店是 4，2，3，1
- 大型食肆是 4，3.5，1.5，1
- 肉/餐種多 4.5，2.5，2，1
- 菜/餐種少 2.5，2.5，3.5，1.5
- 主攻飲品是 2.5，2.5，3.5，1.5

(2) 零售業。成本分析大致是4231。 4成貨物成本，兩成人工(連雜項)，3成租金，1成利潤。
- 自家品牌/自己生產是 1，2，5，1-2
- 來貨轉售是 6，3，1，~0
- 便利店是 6.4，2，1，0.6
- 大小超市是 8，1，1，~0

(3) 服務業。成本分析大致是1432。 1成入貨成本(連雜項)，4成人工，3成租金，2成利潤。
- 自助洗衣店是 2，0，6，2
- 地產代理(美聯)是 3(回贈/廣告/經營成本)，5，1.5，0.5
- 夾公仔(台主制)是 1，2，5，2
- 夾公仔(自營店)是 3，3，3，1

總結，零售業通常生意額最大，飲食排第二， 服務業就最細。 雖然服務業的租金佔營業額最大，但由於營業額細，服務業的承租能力最弱。零售業可承受每月每呎幾百元租值，飲食可承受每月每呎過百元，但服務業一般只能承受每月每呎幾十元以內租值。

現在肺炎疫情會影響所有數字 ，但困難時間總會過去，大家加油!

聯絡李根興 Edwin whatsapp (+852) 90361143。租舖買舖最歡迎?

。。。。。。。。。。。。

內容全文:

依家全世界都叫減租，但其實租金佔生意額應係幾多呢?

2001年起，我買賣過千單生意，乜數都睇過晒。舖頭做生意，最大支出離不開都係租金，人工，同埋貨物成本。 如果將所有街鋪拉勻，一般來講，成本就係4321。

香港嘅舖大約有10萬間，大致三分一係飲食業，三分一零售業，三分一係服務業。租金分析係點? 要做幾多先夠冚?

第(1) 先講飲食業， 成本分析大致就係4，3，2，1。 4成食物成本，3成人工，兩成租金，1成利潤。

做飲食，租金佔營業額兩成，就大致會有錢賺。 即係話如果你租金係六萬蚊，營業額每月就要做30萬，每日做一萬蚊就夠啦。 當你間餐廳有40個位， 人均消費50蚊， 每日做五轉 (早餐/午餐/下午茶/晚餐/宵夜)就夠啦。

但你唔會咁做， 時間太長，人工太貴。 你會主力打爆個午餐，晚餐，各做兩轉， 下午茶當一轉， 咁就已經五轉，送埋外賣，多一兩轉就賺更多啦。

外賣店， 舖頭可以細間啲，但人流要旺啲。因為人手少啲，租金可以佔營業額三成至三成半。

大型食肆，酒樓，高級餐廳，人工貴，食材貴， 一闊三大，租金最好只佔營業額一成至一成半以下，先叫有賺錢。。 例如近年大家樂佔約12％，太興/翠華等則佔約14/15%左右。

賣肉多，例如漢堡包， 餐牌種類闊，自助餐，放題等，食材成本最貴，租金要少過兩成。

賣菜多，米線/拉麵等，餐牌簡單啲，得嗰十樣八樣揀，食材成本較平，租金可佔多至三成半。

專攻飲品， 珍珠奶茶，涼茶，咖啡等， 係人都知飲嘢最賺錢，慳返廚房師傅，租金佔營業額去到4成都得。

一般來說，飲食業，租金佔營業額四成最盡了。 仲要俾食材，人工， 同燈油火蠟開支， 老闆叫做緊緊賺到份人工。

(2) 零售業。成本分析大致就係4，2，3，1。 4成貨物成本，兩成人工，3成租金，1成就梗係利潤啦。

零售業租金佔營業額拉勻約3成啦，就大致有錢賺，但可以偏差好大。當然睇你係賣咪乜嘢啦。

最賺錢係自家品牌，自己生產，利錢一般係一比十。 即係一蚊成本賣十蚊，例如自制豆腐花， 自設廠房再零售賣衫賣褲，自家生產酒精洗手液等。賣呢啲嘅舖，租金佔營業額去到盡高達5成都得。 貨物成本一份，租金五份，人工兩份，減埋死貨壞貨半份，仲有一兩份係利潤。

但如果係攞貨返嚟再轉售，一般係賣十蚊賺六蚊 (折扣前)。 有時仲要大減價，買一送一，你就當大約貨物成本佔六成啦。 仲要減埋人工，死貨/退貨，雜項約3成，租金最多佔營業額一成至1成半。

例如OK 便利店，每賣10蚊貨， 拉勻賺約3.6蚊。仲未計人工，雜項，總部成本。超市仲差，售貨利潤減一半。十蚊生意，分分鐘一蚊都賺唔到。 咁點解仲做? 賺咗數期 cashflow 囉。 先收錢，後找數，銀行借貸又可以多條line，生意唔賺，賺 cashflow，買物業長揸自用就賺錢啦。好多舖王都係咁誔生。

(3) 服務業。成本分析大致就係1，4，3，2。 1成入貨成本，4成人工，3成租金，2成就梗係利潤啦。 始終老闆都算係專業人士，落手落腳，都要出糧。

一般嚟講，因為服務業無乜貨物成本， 洗件衫洗衣粉值幾錢? 剪個頭，洗頭水都唔值錢。補習社，教材可以重用/複印，因此佢哋按營業額嘅承租能力係最高，尤其是係無人嘅商店，係如自助洗衣店咁，租金佔營業額高達五六成都仲有錢賺。

但唔好以為佢哋好交得起租喎，因為服務業一般營業額都係較低，佔地方又要大，依靠人手/手勢，請人又難，又無得外賣，整體嚟講喺舖市嘅承租能力係最弱。 做舖嘅業主，通常首選係租俾零售業，次選係飲食業，冇人租啦先租俾服務業。車房，五金回收，老人院就係呢啲。 人哋零售業分分鐘能夠交得起每月每呎幾百蚊租金，飲食都可以過百，但好多服務業，只能夠交到每月每呎幾十蚊或以下嘅租值。髮廊，美容院，補習社，洗衣店， 僱傭公司都係服務業。 呢啲行業，最旺最貴嘅街道通常都睇唔到。

Except 地產代理同依家時興嘅夾公仔機。地產代理因為單價高， 發展商又唔想成個商場係代理行， 影響人流同形象，代理焗住要係街舖霸位霸地頭。好似美聯咁，人工/拆佣已似去咗營業額一半，仲要扣回贈佣金俾客，廣告，總部人工開支一大堆，租金只能佔營業額1成半左右，再多? 就無錢賺啦。

夾公仔機，都算提供娛樂服務 。你要分佢係行台主制定自營店喎。如果佢係用台主分租嘅模式，間舖租金當十萬，擺五十台機，每部收租8千，當租出一半，即係收台主租金每月廿萬就開始有錢賺啦。 即係夾公仔機行台主制的話， 租金佔營業額(即係分租嘅收入)一半都仲頂得順。

但如果係自營店嘅， 因為佢哋公仔被人客夾到都係成本，咁就三成去咗公仔成本， 三成去咗其他燈油火蠟人工廣告洗費，1成要賺錢，只係剩返三成係頂住條租啦。所以台主店就5成，自營店就3成。

總結，舖頭做生意離不開都係貨物成本，人工，租金，同最緊要賺錢。飲食業嘅比例就係4321，零售業就係4231，服務業就係1432。 記住零售業通常生意額最大，有本事就賣鐘錶珠寶，好景時，賣一粒石，分分鐘就夠交成年租金。飲食排第二， 食極有個譜，服務業就最細， 洗個頭你唔會日日洗，或者放低個頭俾洗。 由於同等呎數轉數最慢， 承租能力都係最弱。

當然以上各行各業，肺炎疫情會改變曬所有數字。 連生意都冇得做，有啲門口都唔俾開，仲邊有錢交租吖。

困難嘅日子總會過，大家撐住，加油!

。。。。。。。。。。。

想知更多做生意知識，我新書《李根興的生意哲學》 將於2020年5月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。

盛滙投資商舖基金/買舖/租舖/放舖熱線: 2830 1111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw